街工梁耀忠主持今日召開記招，解釋為何昨日「劈炮」不再主持立會會議。記招上有議員強調梁君彥國籍問題未明，社民連梁國雄表示，秘書處不公義之處在於未有核實梁君彥身份就讓梁參選，若秘書長陳維安真的如宣誓時般「見微知著」，就應平等處理事件，直斥「秘書處唔可以有兩隻眼架？」梁國雄提及，中國不承認雙重國籍，而梁君彥至今未曾解釋過去20年如何同時身為中國公民而又有英國國籍，指秘書處有責任核實其身份。
對於梁耀忠為何「劈炮」，梁國雄坦言，自己認識對方30多年，形容對方「軟弱猶豫，係性格一部分，性格決定命運」。他認為，今次事件若在以往沒有碰過，「無人講到你聽，自己負責」，他指自己或會閉眼用一時權力讓建制派做JR(司法覆核)，但現要自問有否想像過上述局面，有否與梁耀忠商量，或是梁耀忠去找其他人商量，不過，「據我所知無傾過呢樣野，有呢個權力點做，無人曾設想過呢個場景，諗過呢個策略，包括朱凱廸劉小麗」，例如「foul咗佢(梁君彥)參選資格」，要多開會以作萬全之策，「否則唔會有機會咁嚴峻抗爭下做到嘢」。
公民黨楊岳橋亦強調，就如長毛所言，更重要的議題是立會生態已經改變，「由第一日已經展示到未來日子係點樣」，最大的啟示是，以後走每一步，都一定要經更仔細的思考。
梁耀忠雖解釋是遭秘書處誤導，以致決中途放棄主持會議，但未有「撲熄」網民的怒火，大批網民仍怒轟梁耀忠，認為他「卸膊」秘書處，亦有不少人要求他辭職，記者會直播亦吸了大量「嬲嬲」。
【網民點睇】
Ryan Ng：冇誠意，賴。人講咩你就信？你試都唔試，人哋石禮謙有權在手咩都試。
Vivi Chan：石禮謙又有跟足議事規則咩？你一味跟議事規則，做正人君子，收啦！
Alan Leung：機會可一不可再，現在道歉有何用呢？
Estrella Luna：咁都撐？辭職啦
范勞財：秘書處你都驚，點同思歪鬥呀？
Alex Tsang：梁耀忠，你仲想有人比面，立即讓賢
[ 此帖被羅力亞在2016-10-13 16:13重新編輯 ]
