[攝影]★ 廿三作品集 --- 小朋友床 ★ [復制鏈接]

引用第59樓freezefox於2010-06-22 14:20發表的“”:
我唔認同呢種講法。根本呢個只係消費模式既選擇。只係你唔重視一張床既價值，唔覺得需要用咁多錢買左床，所以你先會覺得唔值者。
.......

唉...我明白你想指出過萬蚊張床唔一定會有病, 但亦唔能夠否定有咁0既可能.

公主病既意思，係指個小朋友比人寵壞，想要得到咩就要！但事實上，一個小朋友扭計買部PSP 就見得多，幾可見到個小朋友會扭計買張床？咁一部PSP 只係千零蚊，平過張床好多添！咁但係你扭計買PSP，就係任性既表現啦！千幾蚊都係咁話。


唔係話買PSP 係唔岩，但若然父母認為你唔應該擁有呢樣野，你又一定要扭到父母買，唔買就發爛渣，咁先叫公主病哎嘛。係裝修屋企呢類事情上，小朋友有幾何會參予意見？將床買幾多錢佢又點會知？張床應該點整佢都唔會知啦。

再多舉一個例子，若然消費高低同子女教育可以劃上等號既，咁宜家住係半山、豪宅呀個D 小朋友咪通通都有公主病。佢住個間房成兩萬蚊尺，一間房都過百萬啦，裝修隨時十幾二十萬閒閒地，咁佢地咪個個都好大機會有公主病？我老細D 小朋友，係外國讀書個陣個個開寶馬、賓士架，咁佢地係有錢人，自然消費得高架啦。但我見呢幾個小朋友個個都學業有成，待人接物都有禮溫文，全無架子喎。可見，消費同教養，係兩碼子既事，唔需要掛勾黎講既。

引用第60樓seattleqoo於2010-06-22 14:27發表的“”:
唉...我明白你想指出過萬蚊張床唔一定會有病, 但亦唔能夠否定有咁0既可能.

咁「有可能」呢個詞本身實在包含太多「可能」啦！


基本上，一定岩架。

引用第62樓freezefox於2010-06-22 14:30發表的“”:
咁「有可能」呢個詞本身實在包含太多「可能」啦！
.......

我由頭到尾都冇強迫人話我岩喎........係你覺得我價值觀唔岩喎~~!!

講真，一萬蚊買將床，係我地身邊既圈子可能真係少見D。所以我地會覺得「貴」。但你計番，一張床正正常常都用番三、五、七年啦（呢張設計有問題既另計呀下），當你中間位五年啦，仲要兩個人訓。平均除開2.74元一日。


而我地日常所見，習以為常，覺得好應該，好正常，好合理既駛費呢？


千幾蚊對波鞋，著一年半載，仲要唔係日日著（因為屋企另外仲有十對），日日著都要計你四個幾一日。唔係日日著隨時過十蚊。

兩、三千蚊個手袋，AGNIS B 又好咩都好啦。又係年零兩年，唔爛都要轉款啦係咪？日日用都要計你4蚊日，你話一個星期用兩次就要成二十幾蚊日！


三、四千蚊部手提電話！喂，我都叫「日理萬機」哎，我個電話要黎傾生意架！都係千幾蚊咋。咩解救你要用個貴三、四倍既電話先？通話質素好D？宜家仲要用到I-PHONE添！成五千幾銀一部，我都唔捨得買哎。D 無收入既學生哥一人一部呀。聽講話出4G添喎，仲唔TRADE左舊個部，蝕幾千有咩所謂？最緊要有新機用！



以上呢D 消費，咪一樣發生係我地身邊D 學生哥身上。我地好友都大把呢類朋友啦。去消費廣場得個圈就見。只不過日見夜見，習以為常，覺得唔出奇之嘛。一個無收入既學生哥買部幾千蚊既電話，唔浪費得過你買張日日都訓既床？



但當成個社會都以消費為主導，有咩計？

引用第63樓seattleqoo於2010-06-22 14:33發表的“”:
我由頭到尾都冇強迫人話我岩喎........係你覺得我價格觀唔岩喎~~!!

我無認為你既「價格觀」唔岩喎！我由頭到尾都話呢個係「消費模式」既問題。係個人既選擇。我只係強調兩點：


1. 消費模式同教育並無必然關係。用一萬蚊買左床同個小朋友有冇公主病無咩關係。


2. 更多既浪費存在係你我既生活圈子中，只係我地習以為常，見慣不怪，將呢D 浪費視為合理。反而將我地少見既消費視為浪費。

引用第64樓freezefox於2010-06-22 14:42發表的“”:
講真，一萬蚊買將床，係我地身邊既圈子可能真係少見D。所以我地會覺得「貴」。但你計番，一張床正正常常都用番三、五、七年啦（呢張設計有問題既另計呀下），當你中間位五年啦，仲要兩個人訓。平均除開2.74元一日。
而我地日常所見，習以為常，覺得好應該，好正常，好合理既駛費呢？
.......

但設計者 (係咪廿三 ) 都講左，因為細路大得快，下格最多用兩至三年，所以除開應該係 double，到時要再換床，條數都幾唔化算。

引用第66樓國球旗於2010-06-22 14:47發表的“”:
但設計者 (係咪廿三 [表情] ) 都講左，因為細路大得快，下格最多用兩至三年，所以除開應該係 double，到時要再換床，條數都幾唔化算。 [表情]

所以你唔見我一開始就話呢張床用得一兩年好浪費咩？

就算佢只係一千蚊，好好地一張床用得一兩年就要掉，我都會覺得好哂。呢樣同張床本身幾多錢反而無關。


唔通因為佢平，只係兩三千蚊，我地用一年就掉左佢咁就OK 咩？唔會架嘛。

用戶被禁言,該主題自動屏蔽!

引用第68樓煙花~於2010-06-22 14:54發表的“”:
同意.....我認為一張床起碼有10年壽命,除非訓爛左,如果唔係我唔覺得有咩需要換床
所以我細個果陣無呢d 小童床,係直接訓大床.....細個就同阿媽訓,大小小先自己訓

成個社會物質主義抬頭，消費主義主導，仲點可能同以前比？我以前訓碌架床添。鐵個隻呀。大學年代出去租屋住個陣直頭訓三隔床添，唔可以係張床到坐起身架。宜家有冇呢支歌仔唱？



以前一部電視用十年以上架。全屋D 家電郁D 都十幾年壽命架。宜家D LCD 可唔可以用三年？兩年就話要轉款啦。部機未壞架，不過無高清接收無HDMI 插頭無內置解碼器之嘛。

黎緊又話玩3D 啦，4D 還會遠嗎？

引用第65樓freezefox於2010-06-22 14:45發表的“”:
我無認為你既「價格觀」唔岩喎！我由頭到尾都話呢個係「消費模式」既問題。係個人既選擇。我只係強調兩點：
1. 消費模式同教育並無必然關係。用一萬蚊買左床同個小朋友有冇公主病無咩關係。
.......

我一早講左我個人覺得一萬蚊張床同公主病係有關, 呢個係我個價值觀(觀點).   我亦一路都明白你想指出"用一萬蚊買左床同個小朋友有冇公主病無咩關係", 從來冇否定過你個觀點喎.

引用第70樓seattleqoo於2010-06-22 15:01發表的“”:
我一早講左我個人覺得一萬蚊張床同公主病係有關, 呢個係我個價值觀(觀點).   我亦一路都明白你想指出"用一萬蚊買左床同個小朋友有冇公主病無咩關係", 從來冇否定過你個觀喎.

我無話你否定我個觀點呀。

咁既床要成萬幾蚊, 如果真係用2-3年又浪費少少既~

可能人地係第一個小朋友, 又真係會願意花多少少錢開心下!

引用第71樓freezefox於2010-06-22 15:02發表的“”:
我無話你否定我個觀點呀。 [表情]

所以一開始都只不過係觀點與角度0既問題....

引用第69樓freezefox於2010-06-22 15:00發表的“”:
成個社會物質主義抬頭，消費主義主導，仲點可能同以前比？我以前訓碌架床添。鐵個隻呀。大學年代出去租屋住個陣直頭訓三隔床添，唔可以係張床到坐起身架。宜家有冇呢支歌仔唱？ [表情] [表情]
.......

嘩~一返到黎睇下就成幾千個字出左黎~

三格床家陣都仲有呀~玉記仲係訓緊三格床架~我得閒影番張相POST下先~
土瓜灣有三間個價錢係貴過我果間既~其中兩間個賣價係每橫尺高櫃係$2900~
同埋係兩張床夾埋係萬幾蚊~唔係一張~