[日本]東京 . 富士山 . 輕井澤 9月出發 [復制鏈接]

ODIN:所以我今次揀自駕，大不了自己(手查)出去搵野食... (2018-06-06 10:58) 

無用的。


一，你玩左成日，返到酒店你只想快快趣趣食埋個飯然後去浸溫泉。你唔會再有意慾再出去了。

二，我自己十分抗拒係日本既晚上開車。當然係指郊區。巿區無問題。但郊區無街燈，方圓百里無人！你自己開住駕車係山區或荒山野領，真係幾恐佈。我試過有一次入黑之後仲未趕到去酒店，被迫係山區開車，其實都只係差十幾分鐘就到。突然有架重型大貨車逆線咁迎面衝過黎，我響哂安佢都好似無意思停落黎咁。真係去到最後個一秒先停低，嚇到我心都跳埋出黎。自此之後我就唔敢再係晚上開車了。係個D 荒山野領，出左事真係叫天不應叫地不聞………



所以，一係就一早係景點附近搵定地方食飯。食完就返酒店。但冬天好早就天黑（你夏天去就無呢個問題）。根本無可能食完飯先返酒店。結果都係死死地氣幫襯番酒店一泊兩食………………

呀！唔記得講，如果去河口湖，千萬唔好幫襯個間富士美園，態度超差！我未見過一間酒店個待客態度可以咁惡劣的。我臨出發前兩晚都激到要取消預計。就算比多D 錢訂過另一間都唔會入去住！


不過死好命又比我搵到間更平更好既咁解………

Alan0502:小心租左違法民宿,因為6月15號日本新《民泊法》開始實行 (2018-06-06 10:55) 

我呢一次去日本已經skip曬所有bnb，book左3間酒店，但其中一間應該只算係旅館，但應該冇咩問題，好多日本人都住過...

freezefox:無用的。
一，你玩左成日，返到酒店你只想快快趣趣食埋個飯然後去浸溫泉。你唔會再有意慾再出去了。
....... (2018-06-06 11:06) 

所以，我已經搵緊餐廳...搵緊3個月之後先會幫襯的餐廳...

ODIN:所以，我已經搵緊餐廳...搵緊3個月之後先會幫襯的餐廳... (2018-06-06 11:29) 

你個CASE 好D。


輕井澤我唔多清楚。不過河口湖附近都好多餐廳的。搵食唔係太大問題。你住個間酒店行出去就已經有餐廳了。

加上你九月去，日照時間較長，方便好多。

freezefox:你個CASE 好D。
輕井澤我唔多清楚。不過河口湖附近都好多餐廳的。搵食唔係太大問題。你住個間酒店行出去就已經有餐廳了。
....... (2018-06-06 11:36) 

原本我打算住山中湖旁邊一個 BNB，就會有你呢個問題，但我已經放棄左...

有時外國自駕，真係好想比我太太(手查)返一兩轉，等我休息下

但佢堅持連車都唔肯學...

ODIN:原本我打算住山中湖旁邊一個 BNB，就會有你呢個問題，但我已經放棄左...
有時外國自駕，真係好想比我太太(手查)返一兩轉，等我休息下
....... (2018-06-06 11:43) 

我太太有牌，有兩年駕駛經驗，仲要係日日都開車個種，唔係假日牌。



但我都唔比佢係外國開車………

freezefox:不如你揀幾間黎大家研究下。箱根我都係住過兩三間，而且都唔係咩特別值得推介既酒店。未必岩你心水的。
始終，BUDGET 係一個問題，地區係另一個問題。鎖定左呢兩樣，先係個個範圍內揀會容易D 入手。否則，箱根一個區都講緊過百間酒店……… (2018-06-06 10:13) 

是咁的
其實我去幾次東京都係市區
相反女友就去過呵多地方而未去過東京
咁佢之前北海道同沖繩都玩自駕(合理)
今次去東京其實只得兩日去郊區(其實佢鐘意睇景個d)
咁已經發生左話要係東京

上面段野好似無左一大截喎。

滅羅:是咁的
其實我去幾次東京都係市區
相反女友就去過呵多地方而未去過東京
咁佢之前北海道同沖繩都玩自駕(合理)
....... (2018-06-06 13:10) 

東京市內自駕? 東京我一定唔會自駕，我依家連(手查)返去上野還車都有少少驚..

是咁的
其實我去幾次東京都係市區
相反女友就去過好多地方而未去過東京
咁佢之前北海道同沖繩都玩自駕(合理)
今次去東京其實只得兩日去郊區(其實佢鐘意睇景個d)
咁已經發生左話要係東京市區自駕,我好辛苦先解釋到佢知東京交通好發達,無人會咁做
之前話去鐮倉都要自駕去,咁又點坐住火車玩埋江之島一日呢
我要解釋市區都有好多大公園有得睇紅葉都唔信,我要俾link,相youtube做証佢先信新宿禦園前同明治神宮真係有得睇花花草草

之後我讓步話市區自駕去郊區(我解釋過自駕同坐火車可能時間上都要咁耐,佢就話價錢上自駕抵d,因為唔只得我地兩個去)
講極佢都唔係好明東京比起佢之前去過日本其他地方方便

咁我琴晚就俾左你推介既酒店佢望下,佢竟然話一晚2千左右可接受,因為佢之前玩過都要
咁我都有望過下d評價,芒草之原個間就一定有人話好有人話差,但我覺得ok既,係未搞清楚佢個露天浴室同私人露天浴室分別係乜

一句講晒,我唔明點解佢去過以上地方都唔知東京係好方便既地方

滅羅:是咁的
其實我去幾次東京都係市區
相反女友就去過好多地方而未去過東京
咁佢之前北海道同沖繩都玩自駕(合理)
今次去東京其實只得兩日去郊區(其實佢鐘意睇景個d)
....... (2018-06-06 16:04) 

基本上，東京/大阪/名古屋市內我一定唔會(手查)車
D路又亂又多車，塞車塞到暈，泊車又係煩，還車時搵油站又係煩...
我上之o係京都還車時遇上放工時間，結果2個街口塞左半個鐘
我最後要少少逆線抽頭過對面內街先至走到...

btw, 酒店你11月中去，紅葉季節，一定貴...
最多揀平日入住...

滅羅:是咁的
其實我去幾次東京都係市區
相反女友就去過好多地方而未去過東京
咁佢之前北海道同沖繩都玩自駕(合理)
今次去東京其實只得兩日去郊區(其實佢鐘意睇景個d)
....... (2018-06-06 16:04) 

拿，話分兩頭，如果你係留係東京玩幾日。咁當然無需要自駕。塞車都塞死你。泊車又係煩。

但如果你打算由東京一路玩到去箱根，再去河口湖，咁就應該自駕舒服D。因為沿路都有好多好靚既景點。可以考慮以下路線：

東京--- 鎌倉--- 小田原--- 箱根 ---  御殿場  --- 河口湖-    相模湖--  東京


咁樣玩一個圈番黎。當然，要去齊上述咁多地方，你最少都要花三五日係呢到啦。如果你只係得兩日，咁最好就直接由東京搭JR 去箱根。住兩晚就返東京。咁就唔駛自駕了。


如果二千幾蚊一晚一泊兩食都係你預算之內既話，咁其實只要你唔好揀星期六去，咁你已經有大把好靚既酒店做選擇了。

ODIN:基本上，東京/大阪/名古屋市內我一定唔會(手查)車
D路又亂又多車，塞車塞到暈，泊車又係煩，還車時搵油站又係煩...
我上之o係京都還車時遇上放工時間，結果2個街口塞左半個鐘
我最後要少少逆線抽頭過對面內街先至走到...
....... (2018-06-06 16:40) 

避開11月23日。因為係日本人既長假。

避開星期六。


咁就算係紅葉期去都可以搵到平酒店。早D 訂就可以了。

其實我依家都有少少想Day1搭火車就算...

成田去輕井澤我怕要4個鐘先去到...太太實黑面...