引用第89樓sun於2011-09-05 12:09發表的“”:
我都試過在朋友家打牌...我一家嬴3家...
最奇怪的是...我嬴到唔好意思...
.......
中學年代暑假，八、九個 fd 一齊租大嶼山塘福既渡假屋玩，
夜晚既節目一定係打麻雀架啦。
(p.s. 因為讀男校，成班男仔唔打雀仲有咩玩丫.....淚流滿面....嗚)
我地兩個人夾一家，我果家都算旺，
記得仲食出生平第一次既「大四喜」。
一直玩到半夜，電視竟然又重播「幻海奇情」，
(當然唔係咁橋重播「四人歸西」果集啦，果晚播「屯門公路」。)
我地一邊睇一邊打，說時遲那時快，
我食出一舖「十三么」，單吊一筒！
跟住換我 partner，佢又即時食出清一色筒子，又係食一筒！
再換我落場，我又做左舖「十三么」叫糊，竟然又係叫一筒，
之後有人打出黎，我同個 partner 互望一下，
最後都無食糊，之後就搵個藉口話眼訓唔玩了。
