白熱化！最後直路！ [復制鏈接]

freezefox:照計莫耶斯要留力歐聯，今場會用副選，香川有機會正選上陣喎！ (2014-04-03 23:20) 

我都係咁諗, ROONEY會唔會REST?我怕佢留力歐聯...

kseries626:我都係咁諗, ROONEY會唔會REST?我怕佢留力歐聯... (2014-04-03 23:41) 

其實都有風險架。七日內踢三場喎。仲要周中個場咁重要。

kseries626:我都係咁諗, ROONEY會唔會REST?我怕佢留力歐聯... (2014-04-03 23:41) 

本周用朗尼倒不如用夏薩特
反正下個禮拜都要放朗尼 (無比賽, 候城要踢足總盃)

大家點睇格蘭荷特?
賓迪基傷左佢應該擔正

$2.05 + 主場對富咸

freezefox:照計莫耶斯要留力歐聯，今場會用副選，香川有機會正選上陣喎！ (2014-04-03 23:20) 

聽晚飛 都睇唔到頭場陣 加上都唔知有無時間睇preview再汁

Seefood:聽晚飛 都睇唔到頭場陣 加上都唔知有無時間睇preview再汁[表情] (2014-04-04 02:56) 

頭場係曼城，你飛唔飛都睇唔到曼聯既陣容的。

GaiLuiWong:本周用朗尼倒不如用夏薩特
反正下個禮拜都要放朗尼 (無比賽, 候城要踢足總盃) (2014-04-04 02:36) 

夏薩特咪一樣要打聯聯，一樣七日內打三場。

GaiLuiWong:大家點睇格蘭荷特?
賓迪基傷左佢應該擔正
$2.05 + 主場對富咸 [表情]  (2014-04-04 02:38) 

兩個幾，有正選既話都搏得過既。


但前鋒仲有位咩？

freezefox:嘩！你呢個入貨價真係無敵！！持貨咁耐，你真係執唔少喎！[表情] (2014-04-03 23:15) 

其實今季adrian前面collins + tomkins (<--呢個估佢唔到咁好)穩咗好多. 至少近5場都回本有突先, 諗少個籠位.

但中場yaya同eriksen應該大熱, 仲有兩個唔知點揀, 有無好介紹.

尋日講開CS，再睇睇今季各隊CS 表現。發現唔少有趣現象。

今季我地成日話車路士CS 不穩！但其實暫時為止，佢仍然係咁多隊強隊中，CS 比率最高的一隊。16場主場8CS，成功CS 比率達50%！16場作客 6 CS，有37.5%！主客32場14CS，CS 比率達43.75%。四成以上既賽事可以CS。但似乎我地對佢既要求比較高。至令仍然對佢CS 既比例不太滿意。

相反，我地成日覺得CS 好穩陣既曼城，整體既CS 比例其實係低過車路士的。30場賽事只有13 次CS，成功率43%。比車路士低0.75%。當然，打多兩場，分分鐘又會多兩個CS，到時就可能過車路士頭了。曼城CS 暫不及車路士，最主要原因係被作客場次所拖累。純粹計主場既話，曼城14場主場總共得到8次CS， 成功CS比率足足有57%，幾乎係六成！冠絕英超！再次見證曼城主場無敵論！但作客就差得遠了，16場作客只有5場 CS，成功率得31%。同主場比較差得遠了。作客成績差拖累整體數字。令到比人感覺CS 較穩既曼城，係整體CS 數字下落後於車路士。

另一隊比曼城更加誇張既，係阿仙奴。16場主場，9 次CS！成力率係56%！拍得住曼城！但作客真係慘不忍睹！16場作客只得區區4次CS！成功率只得25%！嚴重拖低整體CS 成功比例。32場賽事，13CS，成功率得番40%。似乎阿仙奴係作客方面，要更加注意，失球比例過高，嚴重影響成績。

但另一有趣現象卻係發生係利物浦身上。宜家暫列榜首既利物浦，今季CS 比率低到嚇死人。16場主場得6CS，16場作客慘到得4CS，呢D 數字同中下游球隊有得揮。打左32場，得10次CS，成功率只有31.25%。七成賽事有失球。今季唔係SAS 強到離譜既攻力，以咁既失球比例，黎到季尾竟然可以暫列榜首，真係奇蹟。歷屆少見。

連BIG 4 既CS 都唔標青，可想而知，BIG 4以下既球隊CS 都唔會好得去邊。


今季愛華頓表現令人刮目相看。打到季尾呢個時候，仍然穩佔第五位，仲有力同阿仙奴爭第四，成績驕人。事實上，只比CS，佢都唔比阿仙奴失禮。15場主場有6次CS，16場作客有5次CS。31場作賽前後取得11次CS，成功率達35%。即係話，買愛華頓CS，睇對手得啦，唔駛理主客，無咩分別。

熱刺就唔同。主客分別較明顯。16主場7CS，成功率有43%。四成有多。16作客卻只有5CS，只有31%。OVERALL黎講，32場賽事12CS，成功率37%。季初表現好少少，洛里斯被好多人視為「KEEP 到季尾」既籠門。如果你真係咁做，你應該蝕到PK！幾次比人大炒真係一縠眼淚。但對中下游球隊，佢仍然值得考慮的。今周主場新特蘭，不妨諗諗。

曼城今季成績咁差，我諗唔駛我多講，大家都估到，佢既CS 比率都唔慌好。16場主場，竟然只有5次CS，真係破哂歷年紀錄。我估計有英超以黎，曼聯主場CS 率咁低，今年一定第一。31%CS 比例。七場主場賽事有失球。真係點同球迷交代？作客反而仲好過主場，同樣係16場作客，6次CS，成功率有37%。主客32場，CS11次，成功率34%。創歷年新低！

講左咁耐榜首，拎兩隊榜尾球隊黎做下對比。


水晶宮16場主場，6場CS，成功比率37%。仲好過曼聯。作客15場，3CS，20%成功率。解釋左點解佢會係榜尾。全季9次CS，整體CS 比率29%。

諾域治比較有趣，32場11次CS，CS 率34%。同愛華頓、熱刺等球隊都有得揮。主要原因係主場表現標青。16場主場，8次CS，成功率係50%！呢個係車路士、曼城、阿仙奴等強豪先可以做到既數字！但諾域治主場之強，就係可以同列強一爭！只係作客差勁，16場作客只有3場CS，得18%成功。拖低整體CS 比率。睇呢個數字，有冇令你今周對諾域治更加心動呢？

myrmidon:其實今季adrian前面collins + tomkins (<--呢個估佢唔到咁好)穩咗好多. 至少近5場都回本有突先, 諗少個籠位.
但中場yaya同eriksen應該大熱, 仲有兩個唔知點揀, 有無好介紹.
 (2014-04-04 11:12) 

都係曼城球員架啦。施華、拿斯利、拿華斯，是旦執多件囉。

freezefox:頭場係曼城，你飛唔飛都睇唔到曼聯既陣容的。[表情] (2014-04-04 10:39) 

我指睇唔到mc 即係只可以買mc最穩陣果d人姐

Seefood:我指睇唔到mc 即係只可以買mc最穩陣果d人姐[表情] (2014-04-04 11:45) 

最穩陣係邊d人