托...
由尋晚開始,我一直都只係想知,幾時開始「我同你之間有野」
我諗左好耐,呢2個幾月都唔知有D咩事同你有磨擦
最有印象O既,只係老狐宿便度抽你水
如果係咁,真係想借老狐名言,望晴簽名檔句野作回應喇...
你話我啄住你,針對你
如果係咁,似乎係我有野唔妥你,先會咁做喎
但講真,成個壇,我會啄住O既,只有AJAX一人
呢個都已成歷史
我當時啄佢,針佢,係因為佢係佢簽名檔發表一D反阿反到令我反感O既野
後尾佢DEL左,我都無再啄到盡
而你,我都真係無咩野唔妥你
你火爆,你衝動,你爆粗,
呢一切都唔關我事,你又無冒犯過我/我愛隊/我偶像
我真係諗唔到我會唔妥你O既理由
至於對於唔妥我O既會員,好似LJ咁
以英冠>法甲一POST為例
佢一直當我O既留言透明,我都唔會啄到實啦
佢唔妥我,選擇無視我,我阻止唔到
但我依然會向佢發言,向佢發表自己對英冠/法甲O既睇法
不過唔會因為佢唔妥我,唔理我,而啄佢,針佢
你話我作風有問題
我諗,如果我問題咁大,應該早早有人話左我知
你上左好友幾耐?
有幾多人比你上得更耐?
我8萬幾9萬個留言,我相信更多人比你更認識我O既「作風」
我認我串,我認我會抽水
但我O既串,我O既抽水唔係JUST FOR YOU
人人性格唔同,好多事O既睇法都唔同
有意見不合有觀點對立平常不過
再以今次為例,你BLAME JADE
我唔認為JADE有問題
大家觀點當然對立
然後當唔只我一個同你觀點相對時,何以你偏偏向我說晦氣話,繼而暗示明示我同你搞「對抗」/暗示我作風有問題?
我唔希望你假惺惺咁回應我,亦唔需要你再發晦氣地話我O岩野,你錯晒云云
我只係希望可以搞清楚
「我同你之間有野」係指乜野......
