引用第111樓loklok於2010-06-09 15:01發表的“”:
唔知呀 直打效果會硬得際 同埋好大個影?
430,580...自己俾錢
我諗係買都係買國產或Nissin
叫做火力強過內閃同有得較角度
.......
係！直打D 光係會硬。但你影咩先？你若然同個女朋友仔出去影人象，你先會考慮「直打會硬」呢樣野者。你影EVENT咋喎，班人你仲要唔識喎，一半可能係大合照黎架喎。你駛唔駛擔心直打會硬呢一點呀？
同埋，有其他方法改善光源太硬呢個問題架嘛。例如加個好D 既柔光罩。又例如唔好直打，用反射既方法閃（但要睇場合、環境、距離，同埋你支燈既火力）。都可以解決有關問題。
至於有好大個影。一般面對面影唔會有問題架喎。係你影直倒個陣先會有影（因為支燈變左打側打落去），解決呢個問題唔係用外閃，係加支附助閃燈架。問題係………駛唔駛咁誇張囉………你又唔係專業攝影師………
閃光燈都係買原廠好………個測光系統唔相食既話，你支燈得物無所用。NISSIN 評價雖然都係唔錯，但比我揀，我會揀番原廠囉。
其實就算係原廠，CANON 既閃燈一向被人鬧唔多準（NIKON 準好多），再用副廠既話，我擔心影出黎唔係過黑就係過白。
仲有一樣野，就算你買NISSIN 都係無跳燈的。你要買多一支，即係兩支，用第一支黎引閃，先可以做到跳燈效果的。因為CANON 暫時得7D一部係可以用機身內閃去做引閃的。
