此法有三弊：
1. 鎖定時間過長。若然只為打擊炒風。一年既買賣期已經足夠。無未必拖長到兩年。影響埋用家。兩年就賣樓情況雖然唔係多，無並非罕見。但呢D 人唔係炒家。等如，炒家一樣可以拖長幾年都唔賣樓，但佢地仍然係炒家，唔係用家。政策其實係係意識同意慾上打擊炒家，尤其係摩貨既行為，所以以一年為限就好夠。
2. 政策無過渡期，一黎就執行（20號），會直接影響一班岩岩係呢個時間買賣樓宇既一般用家。無端端比多15%，嚴重超出預算。
3. 既然係為打擊炒風而設，稅率有咩理由唔係以買賣樓價既差異黎徵收？以差價黎收，你收足佢五成我都認為無問題。以樓價為基準，宜家人人賺錢就話者。咁第日樓價跌左，賣樓無錢賺，純粹係個人需要（移民、換樓、套現或其他），唔通咁又要比15%？15%呀！唔係少呀。一間三百萬既樓就要比45萬呀！45萬稅呀！覺得無問題既人，絕對係唔知發生緊咩事………
同埋，以政府既死人習慣，定左條例出黎，從來唔知咩叫「時而世逆」！淨係睇宜家既印花稅就知。當然咪又係因為為左甚麼打擊炒風，加重炒家成本而設。然後樓巿崩潰之後，無人炒樓之後，有冇取消哎？咪又係扮哂野當唔知繼續收。錢喎，收開，有得唔收？好難囉。呢條惡法，係日後樓巿再無炒風之下，個影響先真真正正見到。
