[論壇公佈]更改會員名稱申請區 [復制鏈接]

YIN:如果一個法官  因為本身識個罪人而加哂主觀意見落去判決到  咁叫唔叫公平？
呢度係網上論壇  你就話佢真人係一個點既人
....... (2012-10-31 00:11) 

就當我唔識佢，咁點解釋佢果個咁偉大既愛係改名理由?

名字比人稱呼，我點解唔比人改一個本身人地叫開既花名?同埋佢改呢個名可以玩到D咩野?

你唔好問我個點知佢個花名係唔係真，我答唔到，你大可以問ERIC，佢兩個同學來，但只少我見唔到佢個INTENTION係想玩野，一時衝動而改名~~

唉...睇番個post以前大家好地地..而家搞到咁..

我只係覺得迪神好慘。

eric_ah4:唉...睇番個post以前大家好地地..而家搞到咁.. (2012-10-31 00:17)

我都想一路好地地先唔想咁樣係呢度REJECT佢申請架，最錯既可能係我一路都冇正式回應，攪到佢用離開來抗議我先知咩事

但我唔認為我唔批佢果個申請有錯

迪神:就當我唔識佢，咁點解釋佢果個咁偉大既愛係改名理由?
名字比人稱呼，我點解唔比人改一個本身人地叫開既花名?同埋佢改呢個名可以玩到D咩野?
....... (2012-10-31 00:17) 

個改名原因應該係解釋左點解個會員要改名

如果要解釋點解用偉大既愛黎做改名原因，呢個係另一個問題，你地一路都無要求過

又唔見雞脾會俾人問: 點解你會俾人叫雞脾既? 點解叫雞脾而唔改其他名既?


算啦  既然點講都係覺得無錯  咁其實無野好傾啦

迪神:我都想一路好地地先唔想咁樣係呢度REJECT佢申請架，最錯既可能係我一路都冇正式回應，攪到佢用離開來抗議我先知咩事
但我唔認為我唔批佢果個申請有錯
(2012-10-31 00:23)

BY 大老 WHATSPP:
我其實一直對佢都冇反感,就算而家都冇

佢有hard feeling我都冇法

就算佢而家出黎一齊打波食飯我都完全冇問題

但之前佢似唔想同我地打波

又專登自己搭車走搞到有大家好似有D野咁


我係不滿佢處理件事的做法

就算唔批都應該講,唔係HOLD喺度

所以我冇引先唔上

YIN:
個改名原因應該係解釋左點解個會員要改名
如果要解釋點解用偉大既愛黎做改名原因，呢個係另一個問題，你地一路都無要求過
.......

就算我冇要求過，到我REJECT佢亦都可以好似你地咁樣不停辯護，我從來冇阻止過，係佢自己單方面唔上來作為抗議的

樓上我都POST左條LINK出來，入面有其中一部份對改名申請既反應，我既考慮唔係憑空諗出來

同埋我果陣已經有阻止過，當然果陣大家笑笑口冇認真考慮，到最後係爆POST個TOPIC我亦都有同佢講過叫佢改過第二個名


你係咁用雞脾個例子啄住我，咁你舉個呢個例子都可以擺落來你到架，點解你開A/C果陣叫YIN，唔叫YAN既?點解你會比人叫做YIN既?點解叫YIN而唔改其他名?

跟本都唔係對與錯既問題，係你地幾個同我既觀點考慮完全唔一樣，呢兩日D內容不停LOOP來LOOP去，但你地始終冇考慮過我既處境，比佢改名開左個先例後果會點?

你地下下諗到咁簡單話之後有相似會員名就唔批，但一句唔批我就可以CLOSE FILE?剩係一個半年前REJECT既申請都要同你地咬成四日啦

eric_ah4:BY 大老 WHATSPP:
我其實一直對佢都冇反感,就算而家都冇
佢有hard feeling我都冇法
....... (2012-10-31 00:54) 

我係有HARD FEELING，亦都曾經係度講過

最記得係事發後第一次見，根本SHOW出來個樣都唔想睬我，HI完一句就轉身走，咁樣打波我都週身唔自在，倒不如唔打

最快決定唔批果個唔係我，係我突登HOLD住，因為跟本都唔知點講，但非正式唔批既我只少都講左兩次，一次係上面條LINK一次係爆POST，都係叫佢改過第二個名

重要既係，之前都好似冇事，仲係笑笑口，但係之後突然失蹤，唔失蹤成個月我都唔知佢係因為我呢個決定而拒絕上來，最初同佢係FB解話既時候佢係話煲劇，後來先知係因為咁，我何來解釋?

其實大佬咁講,我個人覺得改唔改到名已經唔係最大既問題.

大佬只係想要迪神既一個解釋,就係批或者唔批.大佬都講係唔認同迪神既處事手法,覺得唔應該hold住,者係點?

迪神你可以話大佬口唔係咁講者,心唔知係唔係.依點我唔知.但我最起碼覺得佢已經出到聲講出黎.我地應該信佢.

大家可能覺得迪神唔批好不近人情,但佢都有佢既難處.依度雖然係電腦世界,但我地宦要守番依度既規矩.

迪神係處理上係有進步既空間.就算批又好,唔批都好,應該點都出句聲.

而大佬,我個人覺得如果你覺得迪神應該比個答覆你,我覺得你應該問佢,唔係應該離開.

其實大家都係好友,大家一齊打過波,食過飯,比過賽!大家都係朋友.

朋友之間爭執完,大家都係朋友黎!

唔好再為依d野,而傷害到大家既感情可以嗎?

(以上純粹個人觀點,希望大家唔好介意)

迪神:就算我冇要求過，到我REJECT佢亦都可以好似你地咁樣不停辯護，我從來冇阻止過，係佢自己單方面唔上來作為抗議的
樓上我都POST左條LINK出來，入面有其中一部份對改名申請既反應，我既考慮唔係憑空諗出來
....... (2012-10-31 01:07) 

簡單黎講  如果你開A/C果陣有叫我填原因，而你又真係好想知既，我咪講你知囉

依家係講緊改名  你拎我開A/C黎做例子似乎無直接關係

再講  依家轉左用係咪玩野黎做準則  已經同一開頭所謂既規矩背道而馳

如果我下次同你講: 我細細個打波已經好獨食  所以周街既人都叫我高比

我用呢個原因  夠認真啦? 夠唔係玩野啦? 咁你仲會唔會批?

擺明有問題既野  你可以選擇當睇唔到  都可以避開佢  但唔代表個問題會無左  同時間性無關


最後  針對既唔係你  都無人憎過你  講完

YIN:
簡單黎講  如果你開A/C果陣有叫我填原因，而你又真係好想知既，我咪講你知囉
依家係講緊改名  你拎我開A/C黎做例子似乎無直接關係
.......

點解會冇關，由你一開A/C果一刻開始，已經比左你一次自由既機會改名(只要唔犯上總版規就得)


我洗唔洗再CONCLUDE多一次唔批既原因?
1. LOVE係球員名(證據自己搵番前幾版)，會有人跟風(亦都已經有TOPIC證明)
2. 原因不切實際(呢樣唔係我唔批既主因，你地用雞脾個例子我先會會咁講)

咁你呢個例子咪又係LOOP番去日頭HOI果個一樣，球員名我都係唔會批，因為會引起混亂


我宜家邊忽當睇唔到?我避開D咩?

如果你話我避開小西個申請冇覆，我認

但如果你話我唔理某D原因而雙重標準，我絕對唔認同

係呢度批既:
私人理由:
雪綸(佢有同我講點解，但唔方便公開)



方便手機登入
凱′
華貴•大簡
Long_WFU
PonG


想用個容易記既名
消防佬
Odin
雞脾


轉回舊名
yanyan
火鳳凰

唔批既:
球員名、玩野既:
LOVE (球員名)
MATA (球員名)
一新藤工 (玩野)




我係咁樣去介定，原因由上星期五已經講緊，你地唔認同就算

迪神:點解會冇關，由你一開A/C果一刻開始，已經比左你一次自由既機會改名(只要唔犯上總版規就得)
我洗唔洗再CONCLUDE多一次唔批既原因?
....... (2012-10-31 02:25) 

咁依家開新A/C我改我個名洗唔洗理由呀?

我無話果次唔係自由  但你拎我做例子做咩姐  又唔係我要改名

你都識講只要我無犯總規就得  咁我y i n 呢三個英文字母邊一個犯左規  點解用黎做例子會岩呀?

下面果堆原因合唔合理見人見智啦  我都唔再質疑你果d主觀既感覺

呢個post又唔係講我開A/C果陣個名犯唔犯規  而係講緊會員額外再改名所受到既規限


你問我就答你啦  我係唔鍾意叫yan  因為我既朋友叫開我yin  咁滿足到你既問題未?



根本唔關事你又插落我度，你講埋佢

迪神:
個改名基制係我強行留番落來，當時好多人都係話廢除，話我拿屎上身，宜家應哂
我深信如果再有類似上次事件發生，到時成個改名功能將會禁止
.......

是的！當初因為有人集體改名而引起一D 混亂，當其時，我未係署理壇主。而我當日既意見就係廢除改名制度。


我既睇法係，其實要求改名個班人無錯的！係論壇容許佢地改名的，你唔能夠因為突然好多人同時間改名，就將佢地原本有的權力變成犯罪。咁樣對佢地黎講係唔公平的。但的而且確，同時間大量會員集體改名，又真係會令論壇係運作上出現問題，亦會令其他會員感到無從適從。所以，當時我認為，最好既解決方法就係廢除改名制度。原本，好友論壇就係唔比改名的了。咁多年黎行之既安，大家相安無事，唔覺有咩問題。改左個制度後反而引起諸般問題。咁倒不如改番原來的制度吧。咁大家都會相安無事的了。

當日係迪神一力要求保留改名制度。佢認為點都要留番條後路比大家，予人方便。有會員真係有需要個陣，都可以幫佢解決。我個陣已經提左佢，你予人方便者，人地未必會予你方便架。你一心諗住為大家好，大家未必會領情的。你批個班自然高高興興，你REJECT 個班呢？一定會心中有刺的！因為，改名事少，面子事大呀！我公開申請改名，人人睇住，你公開REJECT 我？我點落台？新會員都算，舊會員先大問題呀。你唔比我改名，係落緊我面呀！你明唔明？到時，茅頭一定指番去你到。到時你就百辭莫辯架啦。無人會多謝你為佢地留番個咁既制度係到的。


言猶在耳…………




不過！！既然當日決定有限度地保留呢個制度，今日，我地唔會為著遇到一D 早已經預計得到既場面而又改變立場。既然迪神認為制度有保留既價值，我相信佢既決定。直家只係執行上遇到小問題，我相信加以調整同埋修定，制度會更趨完善，更能配合論壇既需要。

我認為，我地要再稍稍收緊宜家既改名既審批原則。或者應該話，所有人要求改名，如果唔係因為有實際需要，純粹係因為個人喜好，一律否決！！！


舉例：林伯特改名做YANYAN，係因為實際運作上出現問題，佢係處理足智多謀既彩金上，因為名稱與其他會員太相似，經常有入錯數既情況，所以佢既申請係合理而有需要的。呢類申請會批。

卡卡改為豬脾，並無實際上既需要或理由，更加似係個人喜好。呢類申請，由今日開始，全部都唔會再批了。



以後，我地就用呢個大原則，作為審批改名既理由。各位總版、版主，有冇異議？

freezefox:我認為，我地要再稍稍收緊宜家既改名既審批原則。或者應該話，所有人要求改名，如果唔係因為有實際需要，純粹係因為個人喜好，一律否決！！！
舉例：林伯特改名做YANYAN，係因為實際運作上出現問題，佢係處理足智多謀既彩金上，因為名稱與其他會員太相似，經常有入錯數既情況， .. (2012-10-31 10:26)

歸納改名轉新制後，曾經有 5 種理由申請改名：

1. 方便手機登入
2. 轉回舊名
3. 私人理由
4. 想用個容易記既名
5. 球員名、玩野既 (可納入個人喜好)


以後，不如理由 1、2 接受，理由 3 要兩位總版拍板，理由 4、5 一律否決！