政府推額外印花稅最多成半 [復制鏈接]

引用第116樓liuming於2010-11-20 22:09發表的“”:
真係要身故先可以免呢一筆額外的稅...

咁你唔係兩年內賣樓咪得囉。


其實一般用家的確好少係兩年內賣樓。因為樓宇買賣既交易成本係好高既。但唔可以因為咁排除用家兩年內賣樓既可能性。

曾俊華真係要去學下中文...講錯晒~
搞到我成晚打波都冇黎精神...

宜家即時攪到一身蟻既應該係個班無咩實力既小型抄家。即係無咩錢又走去炒樓，一個人HOLD 住七八個細價單位。呢班人相信全部冚旗都似。

引用第122樓freezefox於2010-11-20 22:17發表的“”:
宜家即時攪到一身蟻既應該係個班無咩實力既小型抄家。即係無咩錢又走去炒樓，一個人HOLD 住七八個細價單位。呢班人相信全部冚旗都似。

我反而咁諗...
呢一陣會有好多平貨~
但因為用家入貨之後，至少兩年都唔會賣~
咁之後盤源會愈來愈少...

咁...低息、熱錢多、供應少...
尋晚執到跳樓貨的實力投資者可能有運行...

我諗大家都仲有啲concept 上既野唔太清楚~
就好似老狐所講, 有必買必賣條款既合約(通常係律師樓簽)先至會令買家成為物業既Equitable Owner~
之後到左成交日新買家先成為Legal Owner
臨時買賣合約入面無必買必賣條款, 所以交易未算完成, 按道理應該20號前簽都無用ge...

我既睇法係咁
加特別印花稅同收緊按揭都只能夠迫走一啲holding power 比較弱既炒家 (當然都會影響到用家... 其實好難避免)
炒樓既大老虎最終一定要靠加息先打得走,
不過睇埋美國果邊既情況, 要息口加到難以負擔似乎都仲要好多時間先會做到。

但係而家既終極問題係錢太多, 銀行水浸, 就算金管局限制按揭成數, 銀行都一定會諗辦法借出資金賺息,
到最後資金都會留返入股市同樓市, 所以就算黎緊短期會交投淡靜d, 分分鐘調整完之後仲有得升都唔定。

而家最擔心既係樓價唔升之餘又要俾果15%印花稅, 不過我反而擔心今次個措施係會加長左個升市既時間。
其實最根本既一樣野, 係息口低既時候樓市真係唔容易崩潰。

小小睇法

引用第125樓黑魔道士比比於2010-11-21 02:59發表的“”:
我既睇法係咁
加特別印花稅同收緊按揭都只能夠迫走一啲holding power 比較弱既炒家 (當然都會影響到用家... 其實好難避免)
炒樓既大老虎最終一定要靠加息先打得走,
不過睇埋美國果邊既情況, 要息口加到難以負擔似乎都仲要好多時間先會做到。
但係而家既終極問題係錢太多, 銀行水浸, 就算金管局限制按揭成數, 銀行都一定會諗辦法借出資金賺息,
到最後資金都會留返入股市同樓市, 所以就算黎緊短期會交投淡靜d, 分分鐘調整完之後仲有得升都唔定。
而家最擔心既係樓價唔升之餘又要俾果15%印花稅, 不過我反而擔心今次個措施係會加長左個升市既時間。
其實最根本既一樣野, 係息口低既時候樓市真係唔容易崩潰。
小小睇法

我都覺得係, 短線只係會令到二手供應減少, 租盤量增加.......

引用第126樓antony於2010-11-21 11:15發表的“”:
我都覺得係, 短線只係會令到二手供應減少, 租盤量增加.......

認同...
但之後會愈來愈少...

APPLE...

蘋果又係...有d位寫得怪怪地...


政府重鎚出擊　睇樓及成交急跌
撻定潮湧現　樓市一夕陷寒冬
2010年11月21日

【本報訊】政府決心以重稅來整治熾烈的樓市炒風，一手及二手市場昨日全線頓遇寒流，多區二手市場睇樓量及成交量急跌，早前有不少炒家入市的屋苑，已醞釀炒家撻定大逃亡，其中美孚新邨已率先出現撻定個案。部份炒家則要求在已簽的臨時買賣合約內，補加必買必賣條款，或要求業主減價才肯完成交易，以避過徵重稅生效日，或將稅項轉嫁回業主。　
記者：林志光

由於今年樓市炒風已經由豪宅刮至中小型住宅，終於迫使政府前日推出針對中短線炒家的懲罰性額外印花稅，即時於昨日生效，並限定以簽立正式買賣合約為準，除非臨時合約有必買必賣條款則另計。

此殺着即時在市場掀起一片「撻定腥風」。不少剛於過去兩周內才在熱炒屋苑入貨的炒家，大多只簽臨約，而未正式簽正式合約，他們考慮到在此新辣招下，就算一年內成功轉售，也隨時要蝕讓，不如懸崖立馬，撻定離場。部份醞釀撻定的屋苑如荔枝角美孚新邨、九龍灣淘大花園、沙田第一城、天水圍嘉湖山莊、馬鞍山新港城及荃灣中心等中細價屋苑，每個屋苑最少有三宗此類撻定邊緣個案。

據了解，市傳其中於前周六售出的美孚新邨一期百老匯街一個低層單位，買家剛撻定，業主旋即於昨日將單位放租，月租叫價約 1.8萬元。市場人士估計，本周此類個案將陸續增加。

補加必買必賣條款
另市場消息透露，部份不欲撻定的炒家亦各出奇謀，盡量避過新招的生效日。例如部份謀求業主同意，在已簽的臨約內補加必買必賣條款；部份計劃在昨日及今日才簽臨約的炒家，則要求將成交日期定於前日或之前；部份則已向業主發出撻定警號，如業主不願承接新設的額外稅項，便不成交，如嘉湖山莊樂湖居一個三房單位，炒家早前以 210萬元購入，現正要求業主接受降價一成，才肯完成交易。

部份業主加佣求售

至於昨日整體一、二手樓市，也被新招打沉，二手屋苑昨日睇樓量普遍下跌五成以上，其中大角嘴奧運站一帶八個屋苑，睇樓量更跌近九成。二手成交也慘淡，最少 20個大屋苑包括美孚新邨、鰂魚涌康怡花園、淘大花園、沙田第一城等，昨日都未聞成交。部份業主見形勢不妙，叫價態度隨即轉軟，減幅由 2%至逾 10%不等；部份北角區屋苑業主亦願加佣求售。

一手樓市場亦都銷情冷清，如在昨日新招生效日正式開售的西半山豪宅蔚然，之前已有逾 60伙單位獲預留，但受新招影響，不少準買家臨時縮沙，故昨日只能銷出約 30伙，其中優之良品老闆斥資逾 7,000萬元購入兩個 A室單位。

前日開售的長實大圍盛薈，已因撞正政府出招，銷情失預算，前晚僅售不足 200伙，昨日銷情更慘，只售約三伙。其他多個貨尾盤也未有成交。

政府出辣招後部份下調叫價二手樓盤
尖沙嘴天璽中層 B室 1,500方呎
原叫價： 3,000萬元　現叫價： 2,800萬元　減幅： 6.7%
鰂魚涌太古城怡山閣高層 E室 788方呎
原叫價： 680萬元　現叫價： 644萬元　減幅： 5.3%
鰂魚涌太古城漢宮閣低層 C室 675方呎
原叫價： 590萬元　現叫價： 560萬元　減幅： 5.1%
將軍澳中心 7座中層 G室 581方呎
原叫價： 350萬元　現叫價： 320萬元　減幅： 8.6%
九龍灣淘大花園 F座低層 7室 482方呎
原叫價： 235萬元　現叫價： 225萬元　減幅： 4.3%
沙田第一城 2座中低層 C室 395方呎
原叫價： 225萬元　現叫價： 200萬元　減幅： 11.1%
天水圍嘉湖山莊麗湖居 10座低層 A室 815方呎
原叫價： 219萬元　現叫價： 209萬元　減幅： 4.6%
天水圍嘉湖山莊樂湖居 13座中層 E室 586方呎
原叫價： 175萬元　現叫價： 165萬元　減幅： 5.7%

資料來源：中原、祥益、美聯、港置及利嘉閣

引用第125樓黑魔道士比比於2010-11-21 02:59發表的“”:
我既睇法係咁
加特別印花稅同收緊按揭都只能夠迫走一啲holding power 比較弱既炒家 (當然都會影響到用家... 其實好難避免)
炒樓既大老虎最終一定要靠加息先打得走,
不過睇埋美國果邊既情況, 要息口加到難以負擔似乎都仲要好多時間先會做到。
.......

十分赞同。

隻美聯跌成15%

引用第130樓xo883於2010-11-22 10:07發表的“”:
隻美聯跌成15% [表情]

美聯公布，10大屋苑於11月20日至21日，僅錄得14宗二手成交，按周驟降近80%；全港10大指標屋苑有5個錄得0成交。

引用第130樓xo883於2010-11-22 10:07發表的“”:
隻美聯跌成15% [表情]

但整體巿況十分平穩。無咩大波動。連D 地產股都無咩大跌。

苦儲8年錢 上樓夢一日變噩夢
(明報)2010年11月22日 星期一 05:10
【明報專訊】「政府打暈炒家，更打死了用家！」港府引入額外印花稅打擊炒樓，令過去周六、日二手成交急跌近八成，而新政公布前簽下臨時買賣合約的真正用家，更成最倒霉的犧牲品，僅屯門   、天水圍   已牽連至少數百人。有人忍痛撻訂，有人因按揭突然收緊，四出為首期徬徨撲水。深水埗一名蝸居族不惜戒吃早餐，苦儲8年首期成功結婚，卻不幸在新政公布前十多小時簽下臨約，隨時上車夢碎兼賠上3年血汗儲蓄，他狠批政府殺錯良民，「我從天堂跌落地獄，如果有人發起遊行，我一定衝出去！」

按揭收緊 恐被迫撻訂

35歲的鍾先生，現居於母親的深水埗唐樓單位，高樓價橫行時，已有心理準備終生不能成婚，「與女朋友拍拖多年，兩人收入共2萬5。小市民好慘，為了儲首期，我連早餐也戒掉！」他說，扣除生活開支，所餘無幾，每年勉強存3萬元，8年後，紅簿仔終於儲夠20多萬，去年才敢鼓起勇氣求婚。太太為他生了9個月大孩子，「三口住在媽媽的唐樓，逼在100多呎房內，衛生環境也不好，我好想家人生活好點」。

剛簽臨約 翌日即推新政

鍾先生在最後一期居屋本被抽中，「寄信叫我揀樓，開心到吃飯慶祝，點知10小時後打電話來說已經賣光！」他唯有遠走屯門，在寶怡花園覓得一個600呎、樓價196.5萬的上車盤。他說，自己做過壓力測試，「可以承受2、3厘加息」，加上受熾熱市場氣氛影響，怕以後難上車，考慮了很久後於上周四（18日）晚與業主簽下臨時買賣合約，誰知政府19日傍晚公布新政，「又係相差十幾小時，政府又將我從天堂打落地獄！點解又係我？」

盼業主減價 免蝕3年積蓄

其實，額外印花稅只針對炒家，用家的鍾先生應不受影響，但現實是殘酷的，「我做司機，老婆做免稅店，都係銀行最睇唔起的職業，原本市旺，做到九成按揭，但政府打樓市，層樓估價一夜間跌到170萬，按揭也收緊了，只肯做八成。」鍾先生因要多付一成首期，過去兩天徬徨撲水，找親戚借錢、求業主減價，「如果業主肯平少少，我就過到這關，還有10日到成交最後限期，現在只係差少少！」他認為，後市可能繼續下調，希望業主減價達至雙贏，「否則唯有撻訂，加上賠經紀佣金共10幾萬，幾年儲蓄就這樣完了！」

「打暈炒家，打死用家」

「打工仔有幾多個10萬？有幾多個三年？」鍾不滿政府「打暈炒家，打死用家……又不肯起居屋給我們多些選擇，逼我們去幫襯地產商。若要打炒家，唔該你早點落手，你現在是癌症，卻亂化療，打死埋好細胞！」他聲言以前支持政府施政，「不算支持反對派，但現在真是覺得好失望。如果有人發起遊行，我第一個衝出去！」

明報記者 覃純健

引用第133樓迪克於2010-11-22 13:44發表的“”:
苦儲8年錢 上樓夢一日變噩夢
(明報)2010年11月22日 星期一 05:10
【明報專訊】「政府打暈炒家，更打死了用家！」港府引入額外印花稅打擊炒樓，令過去周六、日二手成交急跌近八成，而新政公布前簽下臨時買賣合約的真正用家，更成最倒霉的犧牲品，僅屯門   、天水圍   已牽連至少數百人。有人忍痛撻訂，有人因按揭突然收緊，四出為首期徬徨撲水。深水埗一名蝸居族不惜戒吃早餐，苦儲8年首期成功結婚，卻不幸在新政公布前十多小時簽下臨約，隨時上車夢碎兼賠上3年血汗儲蓄，他狠批政府殺錯良民，「我從天堂跌落地獄，如果有人發起遊行，我一定衝出去！」
按揭收緊 恐被迫撻訂
.......

真慘...

唉~~