我最記得去阿蘇玩直升機。
朝早出發，成個天都係雲，仲落緊少少雨。望去火山口個邊，全部被雲遮住。 都打定輸數，飛咗上去都咩都睇唔到。
點知去到，停雨不特止，仲開始放晴。我上機個ROUND ，直頭出埋太陽。我飛到上去，視野不知幾好。 到我哋玩到差唔多個陣， 有幾個香港遊客走過嚟問野。然後同我哋講，啱啱宣布咗停飛了。因為估計下午天氣會轉壞。所以飛埋呢幾轉就停止售票了。
之後開車去火山口，都仲係天朗氣清。 離開落返去草千里，開始有少少雨。到我哋入咗餐廳之後，就即刻落狗屎。大雨到你係玻璃到望出去，係咩都睇唔到的。我仲諗住一陣要冧住雨上車，今日行程結束的了。點知，食完飯坐咗陣，就開始細雨。我朋友就話想返返去動物園玩。我就唔多想，難得嚟到草千里，就梗係想係草千里行下。因為真係好靚。於是兵分兩路。全團人落動物園，我家就留係草千里。
結果，行出去草千里無耐，又停哂雨！個天都光哂（不過無太陽）。 行咗一陣，WHATSPP 同朋友講，太好啦，停雨啦！但朋友話，咩停雨呀？呢邊仲落緊雨喎！
動物園同草千里相距不過 11公里⋯⋯⋯
