[英超]阿積士領隊坦哈格將於今季完結後成為曼聯下任領隊 [復制鏈接]

ESPN報道，即使蘭歷克早前曾講過要大換血，更換10個球員，但曼聯高層唔係咁諗，今夏打算俾100-150M出黎，買三個球員，包括一個前鋒及至少一個中場，另外中堅亦成為重點之一。
曼聯將願意出售雲比沙加、泰利斯、拜利、鍾斯、馬斯亞。約滿既仲有卡雲尼、普巴、連加特、馬迪、馬達。另外軒達臣預計將外借一季。坦克格對迪基亞是否適合佢既足球風格有質疑，但同意球隊有其他更迫切問題要處理左先。
曼聯暫時轉會目標有賓菲加前鋒Nunez，但賓菲加叫價130M歐羅，另外熱刺同韋斯咸亦打算利用哈利簡尼同懷斯向曼聯獅子開大口。而中堅目標就有維拉利爾既Pau Torres，及阿積士既子弟兵Timber。另外坦克格亦希望曾經喺燕豪芬共事、現時外借左出去既曼聯中場Andreas Pereira歸隊一齊打拼。

感覺成件事又係沿地蹅步⋯⋯⋯

雲比沙加，馬斯亞呢啲，你急住散貨，唔會賣到咩好價錢。 拜利同鐘斯更加唔駛講。 然後普巴、連皇又FREE 走， 斗零都執唔返（自己羅黎，唔抵可憐，尤其係連皇）。 加埋預算個億五，拎住兩億零⋯⋯⋯佢個張大名名單，是旦執兩件都唔夠錢啦。仲講買三件⋯⋯⋯


甚麼大換血，最後又係原班人馬上陣。 加兩件課重金買返黎既大名，咁又開展一個新球季了。


如果重金買返黎個兩件，其中一件係懷斯，咁都仲正面啲。 至少對球隊真係有補強作用。但如果走去買簡尼，買其他前鋒，咁就真係祝你好運了。

但懷斯最想去既係車路士，佢會肯黎曼聯？



如果車仔最後未拆得掂油王單野， 佢真係睇唔通既，佢唔好留多年係西咸下來再慢慢揀球隊。有需要咁急過黎送死？

freezefox:但懷斯最想去既係車路士，佢會肯黎曼聯？
如果車仔最後未拆得掂油王單野， 佢真係睇唔通既，佢唔好留多年係西咸下來再慢慢揀球隊。有需要咁急過黎送死？  (2022-04-26 00:29) 

留喺韋斯咸分分鐘下年有得踢歐聯，點會咁蠢去曼聯?

freezefox:但懷斯最想去既係車路士，佢會肯黎曼聯？
如果車仔最後未拆得掂油王單野， 佢真係睇唔通既，佢唔好留多年係西咸下來再慢慢揀球隊。有需要咁急過黎送死？ (2022-04-26 00:29)

Declan Rice has turned down new deal proposal from West Ham. Chelsea manager Tuchel answers on how highly he rates Rice: "Very highly". 🔵

"He's impressive, and very nice guy - he's from the Chelsea academy and he proves his quality. I like the way he plays".

羅力亞:Declan Rice has turned down new deal proposal from West Ham. Chelsea manager Tuchel answers on how highly he rates Rice: "Very highly". 🔵
"He's impressive, and very nice guy - he's from the Chelsea academy and he proves his qua .. (2022-04-26 14:01) 

球員本身都係想去車仔。唔係油王單嘢，佢去硬車仔的了。宜家可能都係遲一季再走咁囉，真係無咩可能揀曼聯。無人會咁樣搵自己既職業生涯黎較飛⋯⋯⋯


聽講魯迪加都拒絕咗曼聯，即使佢開出既薪金仲高過皇馬。佢都寧願過皇馬。

freezefox:球員本身都係想去車仔。唔係油王單嘢，佢去硬車仔的了。宜家可能都係遲一季再走咁囉，真係無咩可能揀曼聯。無人會咁樣搵自己既職業生涯黎較飛⋯⋯⋯
聽講魯迪加都拒絕咗曼聯，即使佢開出既薪金仲高過皇馬。佢都寧願過皇馬。 (2022-04-26 15:13) 

而家似係架坦克上錯賊船，畀人載咗出公海

有時係度諗, 如果以一間有財力, 有商業既大球會, 會唔會因為短暫既歐賽而考慮球會

當然人望高處, 但我當人工都係出咁多, D球員會唔會肯黎幫手一齊打返上去

























死, 講到1999 咁

G-shock:而家似係架坦克上錯賊船，畀人載咗出公海 (2022-04-26 15:38) 

咁又唔係喎。


如果計坦克，佢絕對應該要過曼聯！ 曼聯講到尾，都係世界數一數二，財力雄厚，歷史悠久既大球會。同曼聯同一LEVEl 既球會都係個十間八間。 由阿積士過檔過去，絕對係升級。 等如，你係一間中小企做到風山水起都好，你始終都好難同 「四大」比。過一過檔，身價即時升價十倍，擠身同哥帥、高普等名帥同一級別，如果比你站穩陣腳，你都係世界頂級領隊了。點解唔搏？


唔搏，咪一世都係阿積士領隊囉⋯⋯⋯始終都唔係最頂級個批！ 談不上「名帥」兩個字。  

chun1424:有時係度諗, 如果以一間有財力, 有商業既大球會, 會唔會因為短暫既歐賽而考慮球會
當然人望高處, 但我當人工都係出咁多, D球員會唔會肯黎幫手一齊打返上去
....... (2022-04-26 15:45) 

睇三樣野：


1. 自身條件與位置

2. 有冇其他選擇

3. 將來發展既可能性


先講自身條件 ：

本身條件超班，自然係你揀人，唔一定要企定定比人揀。最佳例子，賀蘭特。 自身條件優厚，自然有得話事。鐘意去邊間都可以自己揀。 覺得未係時候既話，咩大球會都唔去，去多蒙特再進一企打起個身價先（呢一著真係超級聰明），兩年後自在性再大啲，話事權再大啲，真係所謂既皇帝女唔憂嫁。係你求佢加盟，唔係佢求你比佢加盟。

咁懷斯當然無得同賀蘭特比。但觀乎球壇，尤其係英格蘭既球壇，一個年青當大有潛質既防中，何其罕見！ 佢防守隱健，傳送能力好，大局觀強，係少有（甚至可以話係稀有）既才華滿溢既年青防中，前途無可限量。 物以罕為貴。 巿場上少貨，就自然多人爭，自然特別珍貴。 等如，你要搵個閘可能大把人選，要搵個翼鋒亦都唔難。但要搵 個好中堅就唔容易了。如果唔係，VVD 同正常發揮麥麥送就唔會炒到上七八千萬呢啲顛價。 西咸可以咁大咬，一開口就叫億五，都係睇到巿場上無其他代替品先敢咁叫價吧了。  

第二，其他選擇。


放係懷斯眼前，有三條路。

1.  車路士。估計亦都係佢本人最想選擇既一項。 之前都打哂開口牌了。 司馬懿之心，路人皆見。 但因為油王單野，可能有啲阻滯。 咁今年唔過住，下年先再過，其實對佢黎講，分別都唔係真係太大。畢竟佢仲十分年輕。 而且，更大機會係，下年冬季轉會期過亦得。做計到時車仔既野應該都攪得八八九九了。 差個半年，更加無所謂啦。

2. 留效西咸。懷斯雖然三次拒絕同西咸續約，但睇得出佢同球會門關係唔係惡劣的。 加上椰子對佢都算有提拔之恩。 留多一年又或者半年，幫西咸打埋個歐洲賽，未尚不可。最理想當然係車仔可以高價買斷佢，算係報答球會培育之恩都好。一家便宜三家著。


3. 轉會其他球會，包括曼聯。 我唔知仲有幾多球會對佢有興趣。但理論上，佢一定最想留返係英超。而曼聯係咁多英超球會中放風放得最勁個隊。睇得出曼聯好想買佢。對佢黎講，過檔曼聯亦不失為一個好既選擇。第一，西咸過曼聯，點睇都係升級哎。第二，人工唔駛講，全英超最豪球會，人工一定無手軟。第三，曼聯應該無一個可以威脅到佢正選既人。 去到打硬正選！ 點都唔會淪落到好似雲迪比咁慘。 呢啲都係佢可以揀曼聯既原因。 但問題係，曼聯正準備迎接一個動蕩既周期，好多野都可以變得好快，包括主帥。今日講緊既坦克，暫時無人可以保證佢一定頂到三年。 一隊球隊，不斷係到換主帥，絕非好事。 曼聯既人事問題亦一定比其他球會更複雜，更難處理。 山頭主義一定唔少。要融入呢到，唔係容易。


如果佢無其他選擇，揀曼聯，合理的。但如果有車仔做比較，咁就兩回事了。 去車仔，下年即刻有得得歐聯。 去曼聯，你唔知仲要等幾多年先有得打歐聯。去車仔，下年就係爭標熱門。去曼聯，下年連前四都唔知爭唔爭到。 杜曹係車仔，應該有排教。 坦克係曼聯，仲有太多未知之數。

同埋，佢慣咗倫敦既生活，過車仔，行幾條街就到了。去曼聯，要去另一個城巿生活。 都會考慮埋一份的。

至於第三點⋯⋯⋯其實都唔駛講了。

chun1424:有時係度諗, 如果以一間有財力, 有商業既大球會, 會唔會因為短暫既歐賽而考慮球會
當然人望高處, 但我當人工都係出咁多, D球員會唔會肯黎幫手一齊打返上去
....... (2022-04-26 15:45) 

所以，坦克更加應該考慮一班要搏上位既年青球員，多過去搵個啲已經成名既球星。好似普巴呢啲球星，仲要領多幾次野先夠？宜家去買簡尼，係咪攪笑？ 你要佢點適應你個體系？ 搵就搵好似般奴呢啲係次一級球會踢開既。佢地要力爭上位，先係搏老命同你打。坦克應該係阿積士搵一兩個舊部過黎，再去其他聯賽搵啲有潛質既新人。呢啲先係曼聯應該物色既對象。


你睇利記搵迪亞斯，熱刺買KULU ，紐卡素買既般奴，全部都係四五千萬咁上下。 幾好洗好用。 何必下下一億兩億去追星？呢啲係曼城、皇馬個啲超級豪門先有資格玩既遊戲。當然，曼聯有錢既，買得起既。但買返黎有冇用先係關鍵哎嘛。 錢就洗咗，成績完全無起色。咁咪又係行返以前條舊路。巴塞之前既沒落，咪就係藥石亂投，係咁追星。一億兩億咁買埋買埋成堆唔岩用既球員，最後攪到萬劫不復。 宜家，咪又係一切歸原，由一班後生仔黎打拼復興之路。 阿迪達掟走哂美羊個堆舊人，全面起用新人，都比佢打出一條血路哎。


其實隊隊要重建，都係要咁行的了。拖泥帶水既所謂改革，係解決唔到問題了。