[文集]戀愛的黃昏I----作者:柯南 [復制鏈接]

戀愛的黃昏(第1集)---作者:柯南
一間平凡的小學,在一個普通的5c班內,將會發生一段不平凡的故事.
在5c 班房內,各同學都期待小息的鐘聲響起. " 噹,噹,噹",小息的鐘聲響起了,大家都非常興奮,向老師說再見後,各同學都衝出課室,去小息....唯獨是她------阿潔. 潔獨自坐在她的位子上,而她旁邊的位,就是'我' 坐的. 潔起身了,她想去洗手間,但當她想踏出課室門口的時候,突然,有三個男仔圍住她,此三人經常生事,但估不到今次竟然去戲弄潔. "0畏,為什麼你成日都唔出聲?你係0米0亞0架?" 潔畏縮一旁,低下頭默不作聲. "0畏,你好出聲啦喎,再唔出聲,我就打你0架啦!" 潔依然默不作聲. 正當他們想打潔的時候,"0畏,你地響度做什麼呀?" 剛好'我' 返回課室大聲道. "哦,原來係班長仔,你唔好多管閒事,如果唔係,連你都打埋!!!" "嘩,老師黎啦!" 他們便縮了一縮,就在此時,我一手把潔從他們當中拉出,潔叫了一聲"呀",我們走出課室門口,他們追出,不幸,我們都逃不掉,他們打,我用身體把潔保護,在走廊上的人,由於他們太兇,所以大家都不敢出聲.他們打夠了後,便走了,雖然我很痛,但我都強裝沒有事,扶潔回課室上課. 在第二個小息時,由於我很痛,所以我只坐在位子上休息,但潔一聽到鐘聲,便走了出課室. 突然,潔和訓導主任進入課室,查問頭先打架的事件,頭先打我的三個人都記了大過. 原來是潔去向訓導主任告發他們的.
自此以後,潔就只我說話,她有什麼心事,都會向我傾訴. 突然,有一天,潔叫我放學段不要走,她有說話同我說.
放學了,我和潔等待全班人走.全班人走了以後,我向潔說"有什麼事,唔怕同我講!" 潔低頭細細聲地說了一句,但我聽不到,叫她再說一次,她再說,但我還是聽不到,叫她再大聲說一次,這之我終於聽到了!竟然是"我喜歡你" 我呆了一呆,便開口說.........(待續)

戀愛的黃昏(第2集)---作者:柯南
我便開口說 " 為什麼你喜歡我?" , 她低下頭含羞答答地說"你唔嫌棄我有自閉症,我的病,現在已經慢慢好了,就係因為你的源故,以前從來冇人好似你咁關心我,保護我,所以我慢慢鍾意0左你......."我一邊聽一邊想," 如果我拒絕0左佢,都唔知佢會點,雖然佢話鍾意我,但我冇必
要鍾意佢喎,我只要在掛名上當佢男朋友,但我只當佢係朋友,幫助佢脫離自閉就得啦,嗯,就咁啦!" " 0畏, 0畏, 你有冇聽0架?" "我有"
"咁你可唔可以接受我呀?" "唔...好....好啦.." 潔聽到後,非常開心地拿起書包,直奔門口,回頭露出她那潔白的牙齒地說"我地聽日見啦"轉身便走了.
她走了以後,我都走了.在回家途中,我心一直都想這件事......
不知道是否上天的安排,5,6年級,老師都編我和潔一起坐.此後,我和潔的關係便漸漸開始親密起來了.....5,6年級學校生活很開心,可能是和潔一起的關係.潔的病亦都慢慢好了,她開始慢慢開朗起來了,認識了很多朋友.這段模糊的感情,一直直到中一.可能潔的開朗和她開始變得好動的性格,令我漸漸對她產生感情,開始時只有潔投入此段感情,我現在亦開始慢慢投入此段感情,你們或許會說很老土,日久生情,但這個是事實,我不管你們怎樣說,我已經愛上了潔.雖然我們派入不同的中學,但都無損我們的感情.
在中一至中二,我和潔的感情愈來愈好. 講小小秘密你知,就連潔去買一些私人的物品,我都陪她一起買,大家記住是'陪',不是和她一起買,我係在店外等她的,等她買完後,我們才一起走.什麼?你問我那些私人物品是什麼?哈哈,你自己想想,哈哈. 我和潔已漸漸穩定下來,直到一個中三的春天,我們的感情變得更,更,更穩固.中三春天的某一天,由於學校校慶,所以我有一日假期,我已經計劃好了一日的行程.首先,早上我會在潔的屋企樓下等她,送她返學,然後和她食午飯,最後接她放學,送她返家,便完成我一日的行程. 本來一切都應該好順利,但途中竟然發生......(待續)

戀愛的黃昏(第3集)---作者:柯南
由於潔住在北角,而我又住在官塘,所以我要很早出發了. 我六時三十分便到達潔住所樓下了. 雖然有小小悶,不過都是值得的. 七時正,我想潔都是時候落樓返學了,於是我便躲起來,想作弄一下她. 果然不出我所料,她真的落樓返學了,哈哈,她見不到我,於是我便跟隨在她後面. 走了一段路,她都沒有發現我在她後面,直到......
直到一個轉角位,突然,她將她手上的書大大力打落我頭上,大聲道"做什麼跟住我,去死啦!去死啦!"繼續大大力地打我. "0畏...0畏......好痛呀...潔,潔,係我呀!" 潔停住了,拿開書本,看一看,才知道是我,然後,她扶起我道" 你點解會響度?你唔駛返學0羊?" " 我今日學校校慶,放假呀0麻,特登黎陪你返學,之後同你食lunch同接你放學,點之就咩都未做,就俾你打一身先." " 我點知係你喎,我以為係壞人0麻,對唔住0羅,冇事呀0麻?" " 冇事,算啦,都係我想嚇0下你,先俾你打,都係我唔0岩先,算啦,不過下次記住要睇清楚先好打人啦!哈哈!" "嘻嘻,知道啦!" 潔吐出舌頭裝出鬼臉地說 . " 行啦,要返學啦!" " 係喎,行0羅,行0羅" 於是我便送潔返學了. "鈴,鈴,鈴",正當我就到學校等潔食lunch 時,手提電話響起了. "0畏" "0畏,大佬呀!我呀!響邊度呀,得閒出黎嗎?" 我一聽到他叫我大佬,我便知道他是"文"了..... " 文,講0左幾多次唔好叫我做大佬0羅....我點敢做你大佬呀..." " 大佬,響依個世界上,只有你可以做我大佬,記得0個次,你奮不顧身咁救0左我,自從0個次之後,我就認定0左你係我大佬啦!" " 係啦...係啦...冇你符...點呀,搵我做什麼呀?" " 冇呀,想叫你出黎行0下之0麻." " 唔得呀,我今日要陪女朋友呀,唔好意思...." " 大佬,唔好咁講,梗係陪阿嫂緊要啦,咁下次先啦,記住有什麼事,記住搵我幫手呀!拜拜!" "好,我會,拜拜" 不要看文是黑社會....其實他是好人來的. " 做什麼呆0左咁?冇事嗎?" 潔問道 , "冇事,去食晏 0羅" 於是我便和潔和潔的朋友一起食晏,去到快餐店門口,潔突然說"呀........個心...有小...小..痛..." 我即時說"冇事呀?" "冇事...只係有小小痛...坐0下就冇事...."
"真係冇事?" " 冇事,唔洗擔心" 她說沒有事,我才放心下來,之後便一起食午飯了.
事情的突變就在放學的時候發生了......放學時候,我去接潔放學,潔和她幾位好朋友一起出來,我上前去幫潔拿書包. 之後,我和潔和潔的朋友一起走,我們有講有笑,直到走到一條斜路,在斜路上有幾個飛仔和飛女,我們走過時都沒有問題的.....突然.....(待續)

戀愛的黃昏(第4集)---作者:柯南
突然,斜路上的飛仔,飛女,叫道" 0畏,前面0個班人,企響度!" 我轉身面向他們道"你,你叫我地呀?" " 係呀,依度重有其他人0羊?" "什麼事?" "我諗0個個企響你旁邊的女仔係你條女啦,係咪?" 飛仔用手指指住潔道. " 係又點?有什麼事呀?" "你條女得罪0左我條女喎,點計先?" 飛仔摟抱住一個女仔道. "得罪你條女?點得罪呀?" 飛女道"問0下你條女啦!"
原來事情是這樣的.......
前兩天,潔和7個同學一起出外食lunch,當她們去到快餐店,由於是食飯時間,所以有很多人在快餐店,剛好有一個卡位和兩張,分別可以坐四人的?,但其中一張?給一個女仔坐了,這個女仔就是那個飛女了. 本來大家想去另外一間食午飯的,但時間已經不多了.....所以其中一個同學說" 潔呀,不如你去問0下0個個女仔可唔可以坐卡位...." "
0下...我?我點得呀?" " 得,得0架啦,去啦." " 唔....好...好啦." 潔只好硬著頭皮去問..."小,小姐,我地有8個人,剛好可以坐依度,而小姐你得一個人,可唔可以坐......" 話沒有說完,那飛女便說" 好笑啦!你邊隻眼見到我得一個人,左眼定右眼?我重有成班朋友黎緊,重有係我黎先,點解要我'就'你呀?冇病呀?" "但你依加得一個人之0麻,唔該你啦,我地趕住返學,唔該你啦!" 潔和飛女爭持不下. 最後老板出來調停,"小姐,人地有8個人咁多,你得一個,唔該你坐去卡位啦,唔該你啦." 飛女說" 超!好巴閉0羊?你間咁0既鋪,有寶0羊!!!呀姐我而家走,小心0的呀!你都係呀靚妹,小心0的呀!"佢一手推開潔便走了.
"咁你而家知什麼事啦!點計先?" " 嘩,小姐,聽落好似係你唔0岩喎!" " 靚仔,係唔係玩野先?唔理咁多,俾番五千蚊我地就算!!!!!" "五千?你俾我呀? " 靚仔,係唔係玩野先?係唔係想打呀!" "0拿,講真一句,錢就冇啦!命就有一條!" "咁真係無'計'傾啦!兄弟........."(待續)

_________________

戀愛的黃昏(第5集)---作者:柯南
"咁姐係冇'計'傾啦,兄弟上!" " 0米住,0拿,夠膽就同我一對一,放低身上0既野,我地赤手空拳打過!重有依件事我攬上身,唔好傷害後面班女仔,好冇先?" "靚仔,你都幾夠膽,好! 我應承你!" 我立即舒了一口氣,我把銀包和手提電話給了潔,我在潔耳邊細聲說"潔,打電話俾文,話我有事,叫佢即刻黎! 知道嗎?" 潔點點頭. "0畏,你得未0架?咁鬼耐,驚呀?" "唔係,我叫佢地行遠小小,費事整到佢地姐,得啦,依家ok啦!"我轉頭向飛仔道.走到飛仔面前的一小段路,腦內一片空白,你問我害怕嗎?如果我答你沒有,你會相信嗎?不過為了潔,就算沒有命,都沒有問題!飛仔已經磨拳擦掌,心想你今次有難了!說時遲那時快,飛仔一拳打落我的口,我都來不及避,已經中了這一拳,我向後一退,坐在地上了.
"停手"全部人都望向傳來聲音的地方. 原來是文.文身後有三個人,都是他的兄弟. 文走到我身旁扶起我道"大佬,冇事嗎?" "冇事" "邊個咁串,連你都夠膽打?" 我指住頭先打我的飛仔. 文走前去那飛仔面前道" 0我,原來係星仔你,你都幾夠膽喎,連我大佬都敢打!!!!" 星立即口震震地說" 文..文哥...我我我...點知0個個係你大佬喎,如果知道,你俾個天我做膽,都唔敢打佢啦....." "快0的同我大佬道歉,如果唔係,你知後果會點0架啦!!!" 星死死地氣走到我面前道"對唔住,對唔住呀,大佬,以後唔敢啦,俾次機會我啦!" 眼見星現在死死地氣的樣子和頭先那氣焰相比,令我覺得十分好笑. "大佬,你想點你出聲,我實幫你搞好佢!" " 算啦,文,放佢地走啦,唔好搞大件事啦!" "大佬,但係佢地......." " 文,算啦,放佢地走啦!" "唔,好,好啦!" 文轉身面向星道 "0拿,依家我大佬放你地走,重唔多謝佢!" 星轉身面向我道 "多謝,多謝大佬" "得啦,走啦!" 飛仔們便走了. " 文,今次多謝你,真係唔該係你" " 大佬,係唔係咁客氣呀,你有難,我實幫你!" " 點都好,多謝你,0拿依度有小小錢,?走買0的野俾0的兄弟食!" 我把錢放在文手中" 大佬,唔好咁啦!" 文又把錢放回我手中,互相推來推去. 最後我說" 0拿,當我係大佬,就?去!" 文道 "好,好啦,多謝大佬!" 文只好收下.
文走了以後,潔哭起來,我道 " 做什麼呀?做什麼哭呀?傻妹?" " 你..你..知唔知我幾驚你有事呀....." " 傻妹,依家0米冇事0羅,唔好哭啦,哭得多唔靚0架!" 我將手放在潔的臉上,用手指抹去潔的眼淚,潔抱住我. 然後,我便送她回家.
或許真的有愛情滋潤,我和潔中三升班試都考得不錯,應該可以升班.
但近來我發覺潔有小小古怪....好像有什麼事不可以俾我知道.....
果然....快樂的時間是短暫的.....到了暑假,我收到一個晴天霹靂的消息..........(待續)

戀愛的黃昏(第6集)---作者:柯南
好野! 放暑假了,可以玩'餐'飽啦!正! 可以打籃球,游水,唱卡拉ok,正爆!!! 原本的計劃是這樣的......但......
一日,潔約我出去行街和唱卡拉ok. 但我總覺得潔很古怪....我總'凝'住....今日一定有事發生.....似的.....
我和潔相約在旺角地鐵站相見. 十一時,我們相見,我拖住潔的手行去卡拉ok, 但潔拖得我非常緊,和平日不一樣,好像害怕我會放手似的...." 潔,做什麼呀? 有什麼事唔怕同我講......" 潔低下頭呆下呆下,好像聽不到我說話似的....." 0畏,0畏,潔,你有冇聽到我我講野呀?" 潔慢慢抬起頭對我說"0下,你同我講野呀?你講什麼呀?" " 你冇事呀0麻?精神好似唔係幾好咁喎....冇事呀? " " 冇,冇事,可能琴晚訓得唔好姐...我冇事...." 我見她吞吞吐吐,再問 "真係冇事?" " 真係冇事,行啦!" 潔露出她招牌的笑容,拖住我走,此時我才放心下來....
我和潔上了房,開了機,開始唱歌.但當她唱幾首歌以後,她突然抱住我...." 做什麼呀?古古怪怪咁,做什麼呀?有什麼事唔怕同我講喎..." 潔哭住臉看住我. " 做什麼哭呀? 有什麼事呀?" " 嗚..嗚..我,我,我要走啦...." " 走?去邊呀?" 我驚奇地說. " 嗚..我呀爸間公司...調佢去加拿大...分公司呀...所以我地全家要移民加拿大呀.....一個禮拜後就要走啦...." " 移民加拿大,一個禮拜後就要走.....一個禮拜後就要走....." 這段說話在我耳內不斷重覆...不斷重覆...
" 你點解咁遲先話我知呀.....我地得番一個禮拜咋....." " 我都唔想0架...嗚....我..我..我真係唔想離開你...." " 你可唔可以唔走呀?留番響香港啦...." " 我..我..我都想唔走,留番響香港....不過我呀爸呀媽唔俾呀...." " 我真係真係唔想離開你,我真你好唔捨得你呀...." "我都係呀...." 我和潔相擁在一起. 整間卡拉ok房,就只有我和潔的哭聲.....
由於我們都沒有心情...所以我們便走了....
我便送潔回家...途中...我們都一言不發....
我送潔回到她的家的樓下....我們便互相道別...正當潔想推開大門進入樓宇時,我突然道 " 潔呀,不如我地後日去清水灣沙灘呀,好唔好呀?" " 唔..唔..好呀!" " 唔, 好呀,拜拜" "拜拜"
在坐車回家的路途上...腦中只是想住這事.....
回到家...我呆坐在沙發上.....一言不發...." 呀仔,去0左成日街,快0的去沖涼!" "唔...知道啦.."我無聲無氣地說....
進入浴室....我開住凍水來沖....在凍水的沖打下....令我心裡更加冰凍.....不知為什麼眼淚不停流下.....身體不由自主地跪在地上....泣不成聲..............(待續)

--------------------------------------------------------------------------------
戀愛的黃昏(第7集)---作者:柯南
洗完澡,我連飯都沒有食,便回房睡覺,說就說回房睡覺,但我那裡能夠入睡呀.........待家人都睡覺以後,我一個人獨自上了天台,一個人吹住冰冷的風,腦中一直想住那件事.....心中暗暗盤算一個計劃.......希望這個計劃不要太傷害潔......就好了....我一直想.....想到天亮了....我才下去.....
去沙灘當天我一早便去接潔了.....因為....我根本睡不到.....一閉上眼睛....腦中就只有潔的影像和她在卡拉ok說的說話.....一直重覆又重覆.......
我抵達潔的家的樓下,耐心等待她的出現,8時正,我們相見.我們便一起乘車去清水灣沙灘了....在途中...我看到潔憔悴了很多....雙眼通紅...我想她一定哭過.......我們在車上,手拖手,一切都盡在不言.....
雖然時間尚早,但沙灘上已經有不小人了.我和潔分別換上泳褲和泳衣,我們都穿上 T-恤,避免給太陽曬傷.
開始時,我和潔只是坐在沙灘上,一言不發. 我首先出聲道 " 潔呀,不如我地出去玩水呀,我地開開心心玩番一日,唔好諗0個0的唔開心0既事,好唔好?" 潔看住我一會兒,露出她招牌的笑容說 "唔!好呀!我地出去玩呀!" 潔一手拉住我走出去海邊,再次看到潔甜美的笑容,我都再次露出笑容,心想今天一定要玩得開開心心!我掛住想,突然有水向我淋過來,把我弄到頭都濕了, "哈哈" 潔開心地笑.原來是潔用水淋我, 於是我便還以顏色用水淋潔,哈哈,又給我突襲成功,把潔都弄到全身都濕了. 潔不甘示弱,想再用水淋我,我當然知道她想這樣做,當她用水淋我的時候,我便閃身一避,但閃避的時候,我竟然不小心滑倒,成個人滑倒在水中,潔立即開懷大笑" 哈哈! 係睇0下你,咁大個人都咁唔小心,哈哈! " " 都係你,如果唔係你淋我,我點會跌倒呀,我而家要罰你." 我便用水勁淋潔,弄到她由頭濕到落腳,哈哈! 我們互相淋水,玩得好開心!
我地玩得好開心,玩到下午我地先坐係沙灘到曬太陽.
潔不知不覺就訓著左,我就將d沙堆係佢身上.到佢醒的時候,動彈不得就大叫我的名字,但係我又特登不理會佢,佢驚到哭我就行出來說"你做咩喊呀?我咪係到囉"跟住我就幫佢整開d沙,佢就撲上黎抱緊我.我就話"駛乜驚有我係到度." "我幾驚唔見左你!" "我咪係到囉,成日喊,正一大喊十!" "你就大喊十!"
我地相擁在一起,坐在沙灘上閒談.
"你話如果依一刻可以永遠停留,你話幾好呢...." " 唔...真係好想..." 潔突然大叫 " 嗚...個心有小......小...痛....." " 冇事呀0麻?" "....冇事........坐一陣就冇事0架啦.." " 0畏,你個心成日都痛,去睇0下醫生好喎!" "唔...我會0架啦.."
坐了一會兒,潔的心已經不痛了. 突然有一陣令人很舒服的海風吹過,潔道 " 好舒服,你話如果可以做風,你話幾好啦,可以自由自在!" " 唔...真係好舒服...." " 你話如果死0左之後,下一世做風都好!"
我無言以對....心想那個計劃一定要實行! (待續)

戀愛的黃昏(第8集)---作者:柯南
我和潔大概在傍晚時離開沙灘. 可能玩了一整天,潔太累了,在車上,潔累得睡著了. 她'埃'在我肩頭上,睡得很熟. 看到她熟睡的樣子,我又不忍心實行那個計劃....但如果不實行的話....我又害怕她走都走得不開心,掛念香港.....長痛不如短痛...為了潔的前途著想,都是實行那個計劃好了..但..唉....心裡總是很矛盾.....我一直想這件事直到下車...我便送潔回家. 我和潔道別後,自己便回家了.
在家,我想了很久....最後都決定實行這個計劃......
於是我便打電話給潔..."0畏,唔該潔." " 0畏,我係" "食0左飯未呀?" " 食0左啦,我呢?" " 我都食0左,我而家做緊乜呀?" " 冇呀,好累呀,而家訓0左響張床度0羅!" " 今日係0米玩得很累呀?" " 係就係,不過今日真係玩得好開心,好耐都未試過玩得咁開心啦!" " 唔,咁0米好0羅..." 我有小小概歎的語氣說. " 唔,你做乜呀?好似唔係好開心咁喎?" " 冇,冇,邊有唔開心,都不知幾開心,可能有小小累姐.." 我終於開始我的計劃..."潔呀,你後日得唔得閒呀?" "唔....都應該得0既,做乜呀?" " 冇呀..我希0的好重要0既野同你講..你可唔可以出黎呀?" " 重要野? 依加講唔講得0架?" " 唔得..你出黎,我先同你講.." " 唔...好啦! 咁去邊呀?" " 去尖沙咀海旁啦..." " 好呀!" " 咁我唔阻你休息啦!" " 唔...你都早0的休息啦!" " 拜拜!" " 拜拜!" .....心裡總是忐忑不安......
第二天,我便打電話給我表妹,說出整個計劃,要求她幫忙,開始時表妹都不肯答應我的..但在我苦苦哀求下,她終於答應了我.
在相約潔的日子,我懷著沈重的心情....去相約的地點. " 表哥,咁樣做真係冇問題?" " 唔...冇問題0既......." " 咁.....好..好..好..啦..." 去到尖沙咀,我拖著表妹的手,表現得很親密似的前去相約的地方. 潔已經在那裡等我了. 潔看我拖著一個女仔前來,有小小驚訝...地說 " 佢係邊個呀?" " 佢? 我新女友!" " 女友? 咁我係乜呀?" " 係呀,我今日叫你出黎,就係想同你講分手0既!" 分..分..分手? 你講笑0乍? " " 嘩,依0的野都有得講笑0架? 我地分手啦,你走啦!" 點解要同我分手? " " 呵,你都去加拿大0羅,唔通要我等你成世呀! " " 你唔係0的咁0既人黎0既!" " 我根本就係0的咁0既人,依家你睇清楚0左我0米好0羅!" 潔已經哭了出來....執緊拳頭,她怒摑了我一把,我說" 依把就當我地已經分手,你安心去你0既加拿大啦!" 潔頭也不回地走了....
" 你冇事呀0麻? 表哥?" " 冇事,我地去行街0羅!" 我強忍淚水,強顏歡笑地拖著她走了.....我裝到什麼事都沒有發生似的...地選衣服..." 表妹,你話邊件好睇0的?" " 表哥,你真係冇事?" " 都話0左冇事0羅!" 我繼續選衣服......但....我現在的心真的心如刀割....好痛..好痛....
送表妹回家後....我便回家了.回到家....我都裝到什麼事都沒有發生似的....回到房間...開始我都可以強忍淚水....但我看到我和潔的合照,我開始有小小想哭.....我拿起相架,用手摸著相中的潔,想起我今日講的話....眼淚已禁不住流下了......我抱著相架......泣不成聲......
而潔在同一時間亦拿著我們的合照......哭到雙眼通紅.......(待續)

戀愛的黃昏(第9集)---作者:柯南
潔懷著悲傷的心情….執拾物品…準備離開香港了….前往加拿大…..正當潔想關上皮箱的時候….,再一次看到我和的合照….潔再一次拿起我們的合照….呆呆地看著….心想我是否應該帶此合照去加拿大呢? 看著相中的我…潔猶豫一會兒,最後都把合照擺在皮箱之中……” 潔,有乜珍貴的野要帶去加拿大,記住帶呀,唔好過到加拿大先0黎後悔呀!” “知道0剌,媽媽!” 潔拉開抽屜,拿出一樽星星…..看著這樽星星,潔便想起她十三歲生日的那一天…..
明天是潔的十三歲生日,今天剛好是星期六,所以我和潔和她的朋友便去了離島,玩二日一夜. 我們相約8時響碼頭等,我們大約9時30分到達離島.我們便去租度假屋. 租好度假屋,休息一會兒後,我們便出去買BBQ的用品,準備下午的BBQ.我們買了很多野食. 下午我們BBQ,食了很多食物,食到我們動都不能動.
所以我們便開一抬打馬吊,一抬玩啤牌,我和一起打馬吊,我坐她上家,哈哈,我當然時常打好牌給潔,等她可以容易’食糊’.潔的朋友說” 0畏,你成日鬆章俾潔!我地點先,哈哈!” “關我乜事,佢今日生日,好運0麻!” 哈哈,我們渡過了一個開心的下午.
晚上,我和潔的朋友定了一個計劃,一定要將這個生日令潔畢生難忘! 我們照原定計劃做.潔的朋友會帶開潔,等我有時間做我要準備的野.晚上十一時三十分 潔的朋友說 ”潔呀,不如我地去行沙灘0羅!” “ 好呀!” “ 我地行0羅!” “佢呢?佢唔去呀?” 潔道 “ 佢,唔知佢呀,唔好理佢啦,我地自己行!” “但係….” “ 但係乜呀,行啦!” 她們一手拉著潔走.
正當她們走到沙灘的中央,潔看到沙灘上,有一個用蠟燭整成的心型,心型內放了一份禮物,禮物上有一張卡,地上寫上”送給潔” .” 潔,係送俾你0架喎,去睇0下係乜黎0既?” “但係….” “但係乜呀?去啦!” 潔走前去拿起禮物.打開,是一樽星星,此時,我就在潔朋友身後,走出來. 我對潔說 “依樽星星.係送俾係你0既.係我親手摺0既,依樽星星代表我對你0既愛 ,依度有成千幾,二千粒!或者你會話原來我對你0既愛,只有咁小,但以後每一年,我都會送你一樽,每一年0既星星都會增加, 代表我對你0既愛係有增無減,直到我死後,我先會唔送.或者我唔係一個好的男朋友,但我一定會做到最好,我會盡力去保護你,唔俾人地傷害你,我會全心全意去愛你,永遠唔會改變!” 潔聽到我的說話,她哭了出來,她走前抱著我道 ” 好..好多謝你!” “ 傻妹,做乜喊呀? 生日應該開心呀!” 我用手把潔的眼淚抹去,而潔的朋友們就在此時拿著蛋糕出來,大聲道 ” 生日快樂!” 而此時剛好十二時, “ 生日快樂!” 我道. “ 好多謝你地! ” 接著我們食蛋糕. 食蛋糕後,她們便走了,我攬著潔坐在沙灘上閒談. 清晨時份,潔在我懷中睡著了. 我估就快日出.便叫醒了潔,一起看. 日出了,” 真係好靚! “ “ 係, 真係好靚! “ “ 如果每一日的日出,我都可以同你睇,你話幾好! “ “ 我應承你,以後每一日的日出同日落.我都會陪你睇! “
“唔!!!!” 我攬著潔坐在沙灘上看這個漂亮的日出.
沒有錯,這個生日的確令潔畢生難忘….就好像昨天發生的事一樣…..但潔的眼淚已經滴在這樽很有記念價值的星星上了……….(待續)

戀愛的黃昏(第10集)---作者:柯南
明天.....早上十二時...潔就離開香港了....這幾天...我腦海中就只有潔的樣子...和當日她打我的情景.....究竟我應唔應該去機場見她呢......
想了一會兒.....我都是決定去...我只想在遠遠的地方,默默地送她上飛機......
我一晚都沒有睡.....心中只想著潔.....
早上8時,我前往機場....在搭車的路途上,我打開我的銀包....看著我和潔的合照....看到照片中她甜美的笑容,可愛的樣子....使我產生留下她的念頭......但如果我真的這樣做,好可能會害了她.....這個念頭慢慢減少.....了.......
早上十時....我到達機場,聽潔朋友說潔會在G區辦理登機手續的....於是,我便去G區....找潔了...果然潔的一家人都在...我站在柱子後面...偷偷地看著她...當然她是不知道我在.......雖然不是面對面地看著她,但我一樣感覺到潔精神不太好...她好像清減了....不像以前那樣面頰總是紅紅的....
" 潔 " " 潔" " 0下,媽媽,做乜事?" "你響度諗緊乜呀? 你個passport 呢?" " 冇,冇呀...." 潔把passport 給媽媽道. " 佢會唔會黎送我機呢?....你知唔知呀.....我真係好掛住你呀!...我真係好想見到你...." " 潔,行啦,而家仲有時間,我地去餐廳食0的野先啦!,你呀媽同呀哥行緊去啦...仲唔行快0的?" " 哦....知道啦...爸爸...." 潔便跟隨她爸爸前往餐廳.
我看到潔走...我便跟著走...慢慢地跟在她後面.....我坐了一張近餐廳門口的桌子,潔一家人坐了則坐在內部....我一路看著潔....她們一家人有講有笑....但我發覺潔的笑容只是假裝出來的....她面上就只有悲傷....差不多十一時三十分...她們離開了...我故意將面面向右面..她們一家在我身邊經過....潔的哥哥最接近我,而潔則在最左手面....這一刻...就是我和潔最近的了.........
潔的朋友都在登機區那裡等她....潔看到她的朋友,終於都笑了....這次的笑是發自內心的...看到她的朋友可以面對面見面...而我只可站在柱子後偷偷看她...實在是..........
" 潔呀,你過到去加拿大,記住要寫信番黎呀,你自己要小心身體呀,小心照顧自己呀!" " 我會,我自己會小心的,我一有時間就會寫信俾你地,你地都要努力讀書呀!" " 你都係呀,加油呀!....係喎.....你男朋友呢?佢仲未到呀?" " 佢?......佢.....佢...病0左呀.....所以黎唔到....." " 0下....病0左?....搞錯呀...好病唔病....而家先黎病...." " 咁都冇辦法..." 潔的心情...又再一次沈重起來了.....
她們繼續傾了一會兒...." 好啦,潔,我地要走啦!同佢講再見啦!" " 各位,我走啦,大家要多多保重呀!!" " 你都係呀,潔!" 潔拿起手提包道. 潔和家人一起走到離境區...她再一次回頭.....希望我可以出現....但..
她們步入離境區了.......
我站在大堂看著玻璃窗,看到飛機慢慢地起飛了....慢慢地遠離我....慢慢地遠離我....我心就只有悲傷......

戀愛的黃昏(第11集)---作者:柯南
自從潔走了以後....我就只可以用讀書來麻醉自己.希望可以藉著讀書可以忘記潔....起初我以為是可以的...但...只要我一停下來....我就只會想起潔....所以我便不停下來....我一直讀,一直讀,讀到自己支持不了...很累了..便去睡覺...這樣便可不想到潔了.....我中四中五的生活就是如此渡過.....我的家人以為我懂事了....懂得要讀書了....但..事實真的如此嗎?
就是如此,我中四中五的成績都突飛猛進,總可以考到頭幾名. 今天又是發回測驗卷的日子...." 好啦,而家派番0的測驗卷,我係會由高分派到低分0既!" " 今次最高分0既係....." 老師讀出我的名字....但我一些興奮的感覺都沒有....我慢慢走出位子,前去老師那裡拿測驗卷. 老師對我說 " 考得唔錯,繼續努力!" " 知道啦,老師!" 拿回測驗卷我便回自己的位子,一回到位子,我的朋友已經對我說 " 係勁喎!又第一!" "唔係..好彩姐" 老師叫我朋友的名字,他回到位子,把他的測驗卷給我看道" 你睇下...又係緊緊合格...你話好彩...又唔見我可以...." "今次唔得,0米下次再黎過0羅! " " 係喎...以前你都係同我差唔多,做乜而家咁勁呀? " 我故作認真地說 " 就考會考啦,而家唔努力,等幾時呀? 你都努力啦!" " 係,係,係,知道啦!" 對著他當然是說為了會考...難道對他說是因為潔嗎?.....我收起我裝出來的笑容想道....
回到家,拿測驗卷給媽媽簽名.....媽媽看見我拿到高分數,都十分開心,又稱讚我...但我一些開心的感覺都沒有...我只是連聲說是....待她簽完了後....我便回房了....
我回到房....坐在椅子上...我拉開我的抽屜,拿起一堆信....這些都是我寫給潔的信..每日一封...雖然我不會寄給潔....但我還是每日寫一封....每日就只有寫信的時候會開心....我會把我一日發生的都會寫在信中...雖然說是要忘記潔....但....但....但....這是不可能的....徹夜不睡...來讀書.....只是逃避現實....只有在寫信的時候是返回現實的.....
我只會在寫信的時候露出我真正的笑容....但這些是開心的笑還是苦苦的笑....我始終分別不到.....
突然有人"哮"門進來,原來是媽媽," 仔呀,呀雲搵你呀!" " 哦..知道啦!" 我把信放回抽屜裡,便出去聽電話,雲就是我的表妹...那次幫我氣走潔的那個....." 0畏!" " 0畏,表哥呀,呀雲呀! " " 我知,搵我有乜野事呀? " " 冇呀....今個禮拜六,得唔得閒呀? " " 做乜事先? " " 我想出街買衫,你可唔可以陪我呀? " 陪你買衫?唔....唔得喎....我要溫書呀...." " 溫你個頭,呀雲叫你陪佢去行街,你就去啦!等我同佢講!" 媽媽一手搶了我的電話...." 0畏,呀雲呀,想約你表哥出街呀? 得0架啦,佢會陪你出0架啦!唔...星期六十二點旺角地鐵站恆生等,好,我會話佢知0架啦...唔..唔...好呀,拜拜!" 媽媽掛了電話,然後對我說 " 星期六十二點旺角地鐵站恆生等呀,記住啦!" " 媽呀,做乜同我應承佢呀...? " 你呀....有時就出去行下...成日響房讀書....會傻0架.....唔理你咁多,記住星期六出去陪呀雲...." 我..我只好答應.....
星期六我準時應約,我陪雲四處行街,我們行到一個商場,呀雲個傻妹,拉著我去看精品.雲走進店內看,我看見很多人在店內,我便不進去,在窗外看. 突然,有人在後面拍我,我轉身看是誰,原來是潔的好朋友欣!
" 0畏,咁0岩呀!" " 係0羅,咁0岩0既!" " 自己一個?" " 唔係...我同我表妹一齊黎行街!" " 哦..." 我心中一直想究竟問唔問好呢?...." 欣呀,潔近排點呀? " " 0下,你地冇通訊0架?? " " 唔..係...近排要比較忙...所以小0左..姐..." " 哦....佢....有冇話俾你知依件事呀..." " 我看到她面色轉變了....我道" 乜事呀?..." " 佢.....佢.....佢......" ( 待續)

戀愛的黃昏(第12集)---作者:柯南
"佢....佢....佢...." " 講啦,佢究竟發生0左乜事? " 我懇求著欣要她說給我聽. " 佢...有病..." "0下!!!!!!!!!!!" 我好大聲地說. " 佢有乜野病呀 " " 佢有心臟病...." " 心...心...心...臟病...." " 唔會0既...你講大話....佢身體咁好..點會有...心臟病...." " 係真0架...我初頭都唔信...但依個消息係呀潔個呀爸講0架...唔信都唔得..." " 呀潔呀爸番0左黎? " " 唔係...佢響加拿大...係有次我打長途電話俾潔,想同佢傾下計...打通0左電話,係世伯接呀,咁我0米同佢打招呼,話我係欣0羅...咁之後我問佢潔響唔響度,佢停一兩秒先話唔響...我已經覺得佢怪怪地..咁我0米問佢潔會幾時番黎...世伯..話唔知....我心諗唔係呀..唔知...自己個女喎....我0米問佢點解0羅..世伯就吞吞吐吐...想講又唔講咁....我都心知不妙...就問多一句..佢唔係有乜事呀? 世伯先..吞吞吐吐咁講潔有病,而家響醫院...我問世伯潔乜病?我以為係小病0乍,點知佢話係心臟病,隨時都有生命危險,可能會死...我0個時就同你而家一樣....都好驚訝...都係唔多信....我問潔身體咁好,點會咁0架...世伯話潔0既心臟病係遺傳...隨時佢自己都有..不過冇發作...世伯話佢呀爸都係因為而個病死...世伯咁講...我先信0乍...." 當我聽到欣這樣說...我個心當堂好像給人插了一刀...留血似的那麼痛......那樣的心痛,那樣的悲傷,根本是沒有一個詞語可以形容到我當時的心情...好像世界末日似的....突然我看不到東西,眼睛黑了一黑....就沒有知覺了.....我在朦朧之間好像看到一道光...接著我又失去知覺了....我好像發夢似的....腦海就不斷投射著我以前和潔的生活片段....投射著我和潔沙灘那次...我和潔你追我逐..潔說 " 黎捉我呀! " 我想捉她....我便跑去追她...但她愈走愈遠....我捉不到她...我便叫潔停下來..但她愈走愈遠....我大叫潔,潔,潔!!!!!! 接著我便醒來了..." 呀仔,你醒啦,嚇死呀媽啦!! " 我看看四周,才發覺我在醫院, " 點解我會響度0架? " " 你頭先響商場暈0左,係呀雲同另外一個女仔送你入黎醫院0架! 個女仔係你朋友呀? " " 係呀...." " 你冇事呀0麻? " " 冇事...." " 嚇死呀媽啦..." " 我冇事...唔駛擔心..." 我都不理自己的身體有沒有事....心中只想著潔.....
晚上十時多...媽媽走了...她叫我要好好休息...但我...可以嗎?....媽媽走了不久...我起了身...一個人獨自走著走著...後來上了天台...我便坐在地上...我的腦中就只有潔...我和她的生活片段不斷不斷地在我腦海中...投射到我用雲去氣她那次...我突然很憤怒,怒我為什麼要這樣做!!怒我為什麼這麼笨!!怒我為什麼要離開她!! 我憤然把頭撞在地上,不斷撞,不斷撞...我整個人好像崩潰似的...整個人躺臥在地上....大聲地嚎啕大哭......( 待續 )

戀愛的黃昏(第13集)---作者:柯南
過了兩天,我出院,這兩天,我可以說是沒有睡過覺....心中充滿了後悔,內疚...我現在只想做一件事....就是立即坐飛機去加拿大那裡去見潔....
"呀仔,你真係冇事啦?" " 冇事..." " 唔係喎,你面色咁差...." " 都話冇事....行啦!" " 你係冇事先好,你耍小心身體先得,就快會考啦! " ........會考....我現在那有心情去考會考....心中只想快些可以見到潔,但不去考又不可以...只希望快些考完....." 媽呀!我考完會考會過加拿大...." " 過加拿大做乜呀?" " 冇...有個朋友叫我過去玩之麻...." " 好,冇所謂,考完你0米去0羅"
在會考前一個月至會考期間,我日夜都讀書,盡量令到自己不想起潔....但真的可以嗎....那段時間....簡直是度日如年.....
好不容易才考完所有的科目,我立即和媽媽去買機票希望可以盡快可以過加拿大見潔...我兩日後就走....媽媽都忙著幫我收拾行李,我終於可以再見到潔啦...
這兩天,我只是睡了一陣子...好不容易才等到出發的那一天.去到機場辦妥了登機手續,我便向爸爸媽媽道別.在飛機上不知為什麼我忐忑不安....可能是第一次搭飛機....我不斷望著我在銀包和潔的合照..用手觸摸著照片...希望可能快些見到潔...
坐了十幾個鐘飛機...終於都到達了加拿大,我拿著欣給我的地址去找潔的家.我找了很久,才找到她的家. " 叮噹" 我按了門鐘. 五秒之後,有人來開門.開門是潔的爸爸, " 世伯,你好!" " 哦,係你呀! 入來坐呀! " " 好呀,唔該世伯!" 我和世伯坐在沙發上, " 老婆,斟杯茶出黎呀,唔該!" " 好呀!" " 世伯,近來好嗎?" " 都係咁啦..你都幾好嗎? " "我幾好" 潔的媽媽倒了茶出來給我們,我站起來" 伯母,你好!" " 好耐冇見,好嗎? " 好一邊把茶給我,一邊說. " 唔該,都幾好!" 潔的媽媽都坐下. " 係唔係考完會考啦?" " 係呀,考完啦!" " 過黎玩呀?" " ....唔係...." " 咁你過黎,做乜呀? " " 對唔住呀...我已經知道潔...有事...所以過黎探佢...." 潔的爸媽都面色一沈..." 原來你已經知道..." " 係呀...唔好意思...係欣話我知的..." " ...你都算有心...特登過黎..." " 世伯...唔好咁講...對唔住...我可唔可以去見下潔呀? " " 梗係可以啦!我地一齊去! " " 好呀! " 我坐世伯的車去醫院,在途中,我說" 世伯,伯母,其實......" 我把我和潔的關係告訴他們知道同把我們的經過都告訴他們,當然包括雲那件事. " 好對唔住....好對唔住...." "唔駛道歉,你都係為潔好姐..." " 如果我知道潔有依個病,我一定唔會咁做.." " 冇人知道佢會咁...唔好怪自己..."
我們到達醫院了....我跟著他們上去...心中忐忑不安....在一間501的病房他們停了下來,並開門. " 潔,你睇下邊個黎0左探你! " 潔..有氣冇力的說 " 係邊個? " 我走出來,看著她...互相對望. "係我..." 看到潔消瘦了不小..心中不禁很酸..." 媽,我地出去啦,好好咁俾佢地傾下"
我坐下..捉著潔的手.." 對唔住呀..對唔住呀...我係大笨蛋..竟然...竟然.." " 做乜呀?我知道你0個次點解要咁做...唔好咁啦..." " 我....我...真你好對你唔住..." 我的眼淚已經開始流下了..." 唔好喊啦....你話過...唔鍾意我喊...咁你都唔好喊.." 潔用手把我的眼淚抹去..." 唔!我應承你我唔再喊!" 我和潔傾了不久....突然潔個心好像好痛似的,很辛苦,我大叫" Doctor,doctor! " 我開門大叫"Doctor,doctor! " 潔的爸媽立即走去找醫生. 醫生很快就到,他們立即走進潔的病房看她...我都想進去....但護士叫我們在外等...我非常焦急....害怕潔有什麼事...我坐在長椅上..雙手掩面..希望潔千萬不要有事......( 待續 )

戀愛的黃昏(第14集)---作者:柯南
看到潔沒有事....我和世伯,伯母....才放心離開醫院回家...." 係呢!你依加響邊度住呀?" 潔的爸爸問道." 我重未找到地方住呀... 應該會住酒店" "咁不如黎我地度住,一來又可以省錢,二來又可以陪下我地兩老.....自從潔入0左醫院....我地都....唉...." " .....咁好似唔係幾好意思喎...." " 點會呀! 除非你唔鍾意我地兩個老人家啦..." "唔會....點會呀....咁...." " 咁乜呀,一於咁話啦!!" " 咁..咁好啦! 打擾晒啦!"
於是我便住在潔的家了. 每一天,我都會去醫院探望潔, 每一次我都會和她談天,希望她開心....但每一次看到她病發...那一種痛,那一種辛苦,除了在潔身上有之外,我的心都一樣很痛...很難受....每一次看到她這樣,而我又不可以幫到她,只可以袖手旁觀....我真係好痛恨自己點解自己這麼無用....一些東西都做不到.....如果可以的話,我寧願是我承受那種痛苦.......
過了一排,我找到了一份工作,是做清潔的,做五日半,星期天放假.在那間公司,有一個都是來自香港的留學生-----志. 他是半工半讀,來維持他的生活,可能大家都是來自香港,所以大家很便成為了好朋友. " 一齊去食飯呀! " " 我唔去啦,我帶0左麵包!你地去食呀!" "咁好啦,再見!" " 做乜呀!又食麵包呀?" " 依! 呀志,係又冇出去食呀? " " 係呀!我就話要省錢,自己帶飯食姐,你又做愉餐餐捱麵包呀? " " 我...我...都要省錢呀!因為我要買一樣野呀!" " 好貴架?" " 係呀!都幾貴架我又想快0的買到...所以0米食麵包0羅" " 下,咁值唔值得呀? " " 值得,為0左佢,乜都值得!" 我堅定地說.
每日我放工,我都一定會去探望潔,之後才回家. 但每個星期六,我都會徹夜地陪著潔,直至星期日的早上. 每一次看到熟睡中的潔,我都有一種心痛的感覺....我輕輕地捉著潔的手,又輕輕摸著她的臉頰,我每一次都很害怕,潔會一睡不起.....永遠不可以再和她一起....但我已經有了心理準備...這一天...終有一天會來臨....我輕吻著她的額頭....靜靜地陪著她.
" 你醒拿!" " 係呀!你又冇返屋企呀,成晚響度呀?" " 係呀! 陪你麻!" " 唔! 好臭呀你! 快0的返屋企沖涼呀! " " 好啦! 我梳洗完就返黎陪你! " 好啦!" 之後我便回家梳洗,吃完早餐,我又回到醫院陪潔了! "你今日精神幾好喎! " " 係呀!我都覺得自己精神唔錯!今日天氣咁好!不如出去行下!" " 好呀!" " 我推著坐在輪椅上的潔,出去"曬" 太陽.藍天白雲,一陣陣涼風吹過,非常舒服!
我扶潔坐在長椅上,感受這舒服的感覺! 潔突然說" 如果我死0左,你會點呀? " " 唔準你咁講呀!你點死呀!你一定可以好番!!" " 算啦..我自己知自己事...我都唔等得幾耐...." " ...唔會..." " 你快0的答0左我先... 如果我死0左,你會點呀? " " 我....我....會一生一世都愛著你!! 當你你我老婆一樣!!" " 我有話嫁你0羊? 記著愛一個人,係用個心,只要你心中有我,就算我地分開幾遠,我地都係響一齊呀! " 聽到潔這樣說,我一定要盡快買到那東西給她.......
我非常努力的工作,我終於都夠錢買了!!.......但.....那日子終於都....( 待續 )

戀愛的黃昏(第15集)(大結局)---作者:柯南
六月六日到達加拿大,六月十二日找到工作,六月二十六日看到那樣東西,一定要買給潔,翻到後頁,七月十六日辭工,七月十九日最後一天上班,今天七月二十日,終於買到那樣東西,將會在那一個日子送給潔,七月三十日有一個紅圈圈著,那日是一個非常重要的日子,我拿著日曆地看,心想著.這幾天,潔的精神好好,現在可以不用坐輪椅,可以自己慢慢地行,可以自己一個人下去花園散步.看到潔這樣,我都開始放心下來,可能我的疑慮是多餘的.......
今天,我如常去醫院探望潔,上到潔的病房,我看到清潔嬸嬸在整理潔的床舖," 嬸嬸,你好呀!" " 阿,係你呀,你又黎探潔呀?"嬸嬸轉身用她那慈祥的聲音地說.由於這裡是加拿大的唐人街的醫院,所以這裡的人大多都是中國人,就算不是中國人,都懂得說中文的." 係呀!" " 你真係一個好的男朋友,日日都黎睇佢,風雨不改!" " 邊係...我唔係一個好的男朋友,如果係...我就唔會咁對佢....連佢有病我都唔知...乜都幫唔到佢...." 我非常後悔地說" " 只要你以後好好咁對佢,一生一世保護佢,愛錫佢,就得架啦!之前唔開心的事已經過去,就唔好再記住啦!" " 知道啦,嬸嬸,好多謝你!" " 唔駛客氣,潔而家響花園度,你去找佢啦!" " 唔該你!"　步出病房,去花園的路途,我一直都想著嬸嬸的說話.....
落到花園,我四周望望,在找尋潔在那兒.我看到潔靜靜地坐在長椅上,我輕輕,慢慢地走過去,用手掩著她的眼睛" 估下我係邊個!" 我故意提高聲線地說."你?你係我最愛的人!" 潔摸著我的手說.潔拉開我的手轉身望著我,我走上前坐在潔的旁邊說" 係醒喎! " " 梗係! " " 你今日精神都好好喎! " " 係呀,我都覺得感覺幾好" " 咁就好啦!你一定唔可以有事 " " 我知....如果我有事....我就唔可以同你永遠響埋一齊..." 我沒有出到聲音...但我是明白的...." 如果我真係唔響度...記住唔好喊..." " 你唔會死架!你一定會好番!!" 我打斷潔的說話大聲地說. " 你聽我講,我梗係想好番但係冇人會知道聽日會發生乜野事,可能我今日好好精神,第二日可能就唔係度,但如果我真係死0左,你記住一定唔好喊,記住...." " 點解呀? " " 其實眼淚只係一種執著的東西....係唔好既....如果我知道你喊,我走都走得唔開心..." " 問多你一個問題,如果我真係走0左,你會唔會追第二個女仔? " 我依言默不作聲...." 快0的問我..." " 依個問題,我一定會答你,不過唔係而家. " " 唔得...我要你而家答" " 信我,我一定會答你! " 我堅定地說 " 好,我信你! " 潔'埃'著我的肩膀說.....
回到家,一整晚地想著那計劃,哈哈,應該是可行的.
第二天,我如常去探望潔,探完她後,哈哈,要進行我今天來的真正目的.我找著醫生和護士,向他們說出我的計劃. " 對唔住,阻住你地做野,七月三十日就係潔的生日,我想幫佢搞生日會,唔知大家可唔可以幫手?" " 好呀!!!!絕對冇問題,你想點搞?" 我便把我的計劃告訴他們知道." 唔該你地,幫我預備好那些東西,你們記住唔好俾潔知道,要俾個驚喜佢!" " 知道啦!哈哈!"
在潔的生日前一個星期,我和他們積極地實行我的計劃,一定要在潔生日前完成.
終於到潔生日那天,所有的東西已經準備好.我那天故意不去探望她,讓她焦急起來.晚上九時許" 潔,點解今日你男朋友冇黎探你既? " 護士故意地問, " 我都唔知...." 突然醫生走入黎,大聲道," 潔,跟我黎!" " 做乜呀? " " 總之跟我黎先,好重要架! " 醫生一手拖著潔走出病房. 潔窮追不捨地問" 有乜野事呀? 講啦! " " 我帶你去見你男朋友!" " 下,佢有事呀? " 潔大聲地說. " 跟我黎,你就會知道架啦! " 醫生說.醫生把潔帶到飯堂,內裡漆黑一片,醫生亦放開潔的手. " 醫生,醫生,你去邊呀? " 正當潔焦急非常的時候,她突然看到有一點光,漸漸向她的方向走過來,又聽到人唱歌,愈來愈大聲 " Happy brithday to you ,happy brithday to you ,happy brithday to 潔,happy brithday to you! " 原來是生日歌! 突然全部燈都亮了,潔看到一大把人拿著生日蛋糕. " 潔,生日快樂!!!!!" 全部醫生,護士一起說. 潔不敢相信她的所見,非常開心. " 好多謝你地呀!"潔開始眼濕濕地說 " 哈哈!係唔係好驚喜呢? " " 係呀!點解你地會知道的生日既? " 哈哈!係有人話我地知既!" " 係邊個? " 係我!" 我從人群中說. 我走前去潔的面前, " 開唔開心呀? " "係你? " " 哈哈,仲有邊個? " " 好衰架你!玩我!" " 咁你開唔開心姐?" "好開心!從來未試過咁開心!" " 送俾你!" 我把我手中的禮物送給潔,是一樽心型的星星,和一束花,其他人都送我指定的禮物,醫生一份,護士一份,都是一樽樽的星星," 潔,佢地的星星,係對我地的祝福,我的星星係代表我對你既愛,記得我話過,你每一年的生日,我都會送你一樽星星,而每一年的星星會有增無減,代表我對你既愛,只會增多,唔會減少,之前個兩年,我冇送到俾你,好對唔住,但以後每一年,就算點,我都會送一樽星星俾你架!!!" 潔衝前來抱著我,哭著說" 好.....好...好多謝你!!!!!" " 傻女,你又叫我唔好喊,你自己又喊,快0的收聲,好多人睇住你呀!" " 唔!" " 好多謝你地!!!!真係好開心!" 醫生突然說," 潔,其實佢仲有一份禮物送俾你!" " 下?響邊呀? " " 你睇下束花" 潔看著束花,看到有一個盒子," 這個?" " 係呀,打開來睇下!" 潔打開盒子,她簡直不能夠相信,內裡原來是介指!!她望著我,我說 "係呀!我都有一隻,係一對既! 之前你0米問我,如果你唔響度,我會唔會識第二個女仔既? 我而家答你,係一定唔會!!!我一世只有你一個,你永遠都係我至愛的人,永遠唔會變! 只要你肯戴起依隻介指,咁我地就永遠唔會分開!我幫你戴起佢! " 我拿起潔的手,替她戴上介指.她開心地笑著.,全場人都拍手,大聲歡呼!!!
之後我們玩得好開心,玩到通霄達旦.他們才離開.
之後我便回家了....但惡號竟然就此傳來.....
第二天,我一樣去探潔....但.....一入去醫院...我覺得氣分好像怪怪似的.......在走廊,我看到醫生,正想和他打招0乎,但我見佢行色衝衝,之後又有好多醫生在他之後走著,突然他入了一間病房,其他醫生都一樣入了此病房...此病房就是潔的病房......我立即飛奔過去......" 乜野事呀?" 護士看到我說" 係你呀?潔有事呀!你響出便等我地,你唔可以入去呀,我地會盡力救佢,放心!" 之後就關了門....我非常焦急.......口中不停說...." 千萬唔好有事......千萬唔好有事......"
等一陣子,醫生出來....我立即上前問" 醫生,潔冇事呀?佢點呀?" " ....佢...好弱...又有並發症.....好可能過唔到今晚....." 我聽到醫生這樣說...晴天霹靂...."....... 醫生....你一定要救佢呀!佢唔可以死架!!!!!!!!!!!!!!!!!" 我非常激動地說..." 我地已經盡0左力....你要有心理準備.....對唔住.....你去完成佢最後的心願啦..." 之後醫生便走了.....此時..我已經知道....結果是點了......
我進了病房....我帶潔下去花園,我和潔坐在花園的草地上,說" 記得我講過話會陪你睇每一個日出同日落呀? " "記得...咳..咳" 潔有氣無氣地說...." 而家五點,就快日落啦! " 我忍著悲痛的心情說......"唔!" " 你訓陣先,到日落,我叫你起身...." " 好...."潔就'埃'著我睡了..... 六時許...開始日落...." 潔..潔...起身啦,日落啦!" 潔睜開眼地望,夕陽慢慢地西下...." 潔,潔你睇下幾靚? 潔...潔....." 一直叫潔都沒有回應我....我已經知道是什麼事了......看到潔還是笑著.....我都不敢哭......
我抱著她看著她最後的一個黃昏...............................(完)