近日網上流傳一篇《 3D肉蒲團之極樂寶鑑》的網友觀後感（詳見附文），文中用盡粗口鬧爆片中的假 3D、血腥場面多於性愛，以及質疑雷凱欣沒露兩點等。不時聲演動畫的杜汶澤，化名杜 X澤讀出那篇文章，聲帶前日上載到 YouTube，點擊累積逾 19萬人次。
阿澤讀出那篇文時忍笑忍得很辛苦，背後更有疑似其妻田蕊妮的笑聲。記者昨致電阿澤，他說：「呢篇文喺網上好流行，有日開會好悶，咪讀咗出嚟。」阿澤又否認背後的女聲是其妻。
雖然阿澤未看《肉蒲團》，但看到該段潮文就有感而發：「好想演繹呢位年輕朋友睇完部戲寫嘅主觀感受，我哋身為電影工作者，只係從藝術角度拍嘢，好少喺觀眾角度睇，今次我正好嘗試代入去。」阿澤讀到爆粗字眼時，非常流利，他笑言：「我喺電影都講過爆粗對白，我覺得呢篇文好情真意切，我完全感受到作者心情，仲想幫佢抒發出佢痛苦嘅感受，但呢篇潮文唔代表我嘅立場。」
另外，《肉蒲團》上映一週，截至前日票房共收 1,844萬，就連英國《每日郵報》都有報導該片票房大收，更以該片香港開畫成績力壓佔士金馬倫（ James Cameron）執導的 3D巨製《阿凡達》（ Avatar）作標題。該報前日訪問了監製蕭定一，他指電影在台灣上映取得 1,700萬新台幣票房，是今年台灣最佳華語片開畫成績。對於阿澤「聲」援網友，蕭定一說：「佢唔應該同 80後一齊癲，成熟嘅人應有成熟思維，除非佢（杜汶澤）同佢哋一樣，我覺得佢要睇完套戲先講。」
採訪：比華利
