仲有，有時有D 野，人同動物既「諗法」係唔同的。人以為對動物好，但係動物既立場，往往係相反的。最明顯既例子係D 愛狗人士幫D 狗「理髮」、著衫，當佢好似人咁去打扮，咁只係個主人自己開心者，對個動物係咪好事………我唔知啦（個別狗種真係要係咁D 時間剃哂D 毛，這是別話）。
又例如養魚，大家既共識當然係要「勤換水」，咁就係善待寵物了。但亦都未必係事實的！換水換得太多太頻，對魚黎講係滋擾黎架。令佢地不停要適應不斷改變的水質、水溫。但香港人養魚既習慣，係大堆頭。細細個一個缸養幾百條魚，唔換水就死硬。其實水同魚既比例合適的話，我識有人養咸水魚，一年之內唔換水，亦唔餵魚，D 魚反而養到肥肥白白添！你肯唔肯大大個缸淨係養幾條魚哎？唔肯既話，勤換水唔係因為你對你D 寵物好，只係你對D 寵物唔好之後既補償吧了。
