[寵物]RIP 蛙哥！ [復制鏈接]

睇黎蛙哥想四圍走下, 唔做井底之蛙

引用第255樓icemanbergkamp於2012-04-28 01:21發表的“”:
睇黎蛙哥想四圍走下, 唔做井底之蛙 [表情]

餓左幾日，想搵野食就真。

蛙哥而家已經好大隻，大到連佢個洞穴都入唔到。

佢對你D 護膚品好有興趣咁喎。

引用第258樓freezefox於2012-07-13 12:42發表的“”:
佢對你D 護膚品好有興趣咁喎。 [表情]

可能佢啱啱浸完水想護膚

仲係食個d黃蛙?

最近，將蛙哥屋企既底材由海綿轉左做泥土，佢睇黎覺得幾開心。
以前蛙哥有三份一時間浸落水入面，而家幾乎唔見佢落水，
因為佢用皮膚呼吸，而泥土有水份吸收，所以就少左浸水。
而轉用泥土之後，另一個方便既地方係.....
當蛙哥便便之後，只要便便連泥一齊剷起就搞掂，
唔似得之前要成塊海綿抽出黎洗。
而家既蛙哥，經常將泥推高，將自己身陷其中，
得番圓碌碌既身體外露，手手腳腳就全部陷入泥裡面。

我以最沉重嘅心情，向大家公佈，
蛙哥已經喺今日 2013 年 12 月 26 日離開咗。
記得兩年前嘅 12 月，蛙哥啱啱嚟到我屋企，
當時佢頭大大，個身圓碌碌，個樣好趣緻。

到今個月，天氣越嚟越凍，
蛙哥貌似想冬眠，但參考專家意見，
如果冇處理冬眠嘅經驗，
大多數嘅角蛙都會一睡不起。
所以我哋幫蛙哥加暖板，
盡量保持濕度令佢舒服啲。

可惜上星期開始，蛙哥變得非常呆滯，
連餵食都冇反應，眼簾半開半合，
一直都無起息，全日將自己浸落水入面。
最後，到咗今日，蛙哥終於兩腳一伸，
自此離開咗，希望佢去到另一個世界，
可以自由自在。

RIP 蛙哥！

凍死左............
香港既冬天真係難捱過北極~~~~~~~~~
蛙哥~~~~RIP~~~~~

我之前養龜又真係試過冬眠之後一睡不起...............

oh..... RIP....

RIP

蛙哥~~~~~

RIP