咦但我又想問, 點解"楊受成"呢個名, 又或者佢嘅相, 會係攻擊緊我地個壇 / 對署理壇主不敬呢? 我本來都唔知, 係睇到搞到咁大反應先知…. 係因為用左個"獸"字? 定係楊受成先生同好友, 又或者係我地嘅署理壇主, 有咩往事恩怨情仇?
照我估計, 最大機會出問題應該係個"獸"字…. 如果真係因為個"獸"字, 咁有個會員jon, 我見成日都有人叫佢做"鬼"/"鬼仔"…. 仲有最友善會員rave, 好多人都肥rave前肥rave後咁稱呼佢, 仲有ajax成日都俾人話膠積, 又經常性俾人抽水/攻擊 (人身攻擊都有, 大家應該都見過不止一次), 呢d其實又o唔ok? 點先算係"攻擊"? "肥"同"膠"都幾hurt下架喎可以....
如果唔係因為"獸"字, 又係咩原因呢? 楊受成都只係一個普通生意人, 生意上成功, 可能有d人唔太鍾意佢 (咩原因都好啦), 咁但係呢個世界, 個個人都有人唔鍾意架啦....? 佢又唔係打家劫舍, 十惡不赦, 點解提到佢會係攻擊緊個壇/署理壇主呢? 莫非.... 呢位楊生真係同我地個壇有d恩怨係我唔知嘅....? 咁, 仲有咩人 / 事同我地個壇有咩恩怨導致唔應該提起.... 不如襯呢個機會講埋啦.... (可能我喺呢度資歷唔夠深, 有咩唔知導致有何得罪, 請勿見怪....)