[論壇公佈]有關版主、總版、壇主執行壇規之指引及澄清 [復制鏈接]

迪克:人身攻擊就當然係同人有關,
同壇無關又唔係
的確有損論壇氣氛
....... (2012-08-09 16:02) 

明白晒~~


"你態度友善，你貼邊個o既相、引用邊個o既說話都無問題 "
同意~~

用戶被禁言,該主題自動屏蔽!

煙花:好似我咁....就算平時友善果陣都有人話我串咀.....
所以仲要睇埋果位會員O既往積~ (2012-08-09 16:16) 

學你話齋囉

重點係受者MIND唔MIND

佢MIND o既，你又肯收手，咪大家好來好去囉

sikingthegreat:個樣似成龍咁又點? 點解我唔明嘅....
嗰個人唔係講笑 / 玩下, 咁係咩? 就係而家講緊嘅"攻擊"?
即係.... 攻擊我個樣似成龍?[表情]
....... (2012-08-09 16:08) 

都話左重點係MIND唔MIND，而唔係貼o既係咩人...

如果受者MIND仲繼續貼，繼續圍繞o黎玩，咁你都可以認為無問題？

似邊個有乜所謂丫...

不過我見有段仲話老狐成50幾60歲...
比我都嬲爆啦...XDDDDD

呢d仲唔係"匪磅"? <<<< 恕我不識打字...

迪克:都話左重點係MIND唔MIND，而唔係貼o既係咩人...
如果受者MIND仲繼續貼，繼續圍繞o黎玩，咁你都可以認為無問題？ (2012-08-09 16:27) 

都話我已經大致上明左發生咩事, 呢個我係回應你舉例only~~

sikingthegreat:原來唔係同個壇有關, 係同署理壇主有關....
其實內情如果係d私人野, 我都唔太想知, 反正私隱係應該受保護嘅~~ 但我想知道除左"楊受成"此人以外, 仲有咩係唔應該提起嘅.... 費事將來講錯野....[表情] (2012-08-09 15:59) 

之前都有講到明係攻擊管理人員

sikingthegreat:個樣似成龍咁又點? 點解我唔明嘅....
嗰個人唔係講笑 / 玩下, 咁係咩? 就係而家講緊嘅"攻擊"?
即係.... 攻擊我個樣似成龍?[表情]
....... (2012-08-09 16:08) 

其實正常氣氛...你講下笑...邊個都唔會mind既...
問題係佢一上水既態度係撩交打...
咁就無人爭得落了...

仲有呢...mind唔mind又好睇果個人既接受程度架喎...
你可以對一個人講...話佢陷家富家都唔會嬲你...
但對一個mind既人...佢會話你話親佢的...

而家未正正係話親人囉...

sikingthegreat:都話我已經大致上明左發生咩事, 呢個我係回應你舉例only~~ (2012-08-09 16:37) 

例子只係隨便亂舉

咁o岩成龍同楊生有相似之處
所以隨手拿來用作為例

至於相似之處係邊....不便明言了~~XDXD

老狐好樣d既...XDDDDDDDDD

尋日我唔方便上網，所以今日先處理有關事宜。


首先，有關會員好多既指控都係不盡不實，混淆視聽。我宜家再一次將成件事既大概進程講多次，亦都希望係最後一次！


事件係直播版發生。當日一場歐國杯既賽事，會員言談之間有不同睇法，本屬小事。但期間有關會員以有侮辱性既言語攻擊版管人員，即係本人。我已經第一時間要求有關會員收番個句說話。其實當時只要佢願意改番。事件馬上解決。可惜，對方堅拒合作。係兩個版管的同意下（因為當其時全壇就只有兩名版管人員），亦即係話，並非我個人的單獨判決，我地對有關會員作出禁言三日既處罰。

其後，有關會員即時係簽名檔到作出相對既挑釁行為，明顯不知悔改，故即時加監，禁言加長至七日。

其後，再發現會員係自我介紹部分亦有挑釁字句。論壇向會員發出警告，要求撤走簽名檔的不當圖片及文字，同時亦要撤走自我介紹中的挑釁字句。可惜不獲理會。總版認為，若然由佢地出言要求，可能情況會改變。所以係本人發出PM 不獲回應後，亦再次發出訊息，對有關會員作出相同要求。有關會員繼續模視總版的警告及要求。

呢個時候，PM 既運作正常。我地肯定有關會員已經收到並且閱讀了有關訊息。並唔存在PM 爆左無得回覆既情況。事實上，有關會員係收到我地PM 後，前後兩次更改簽名檔既文字部分。我會視為呢個就係對我地要求既回應：即係堅拒合作！


由於我地一早言明，唔撤走簽名檔，禁言會無限期延長。直到會員合作為止。所以，唔係我地要對佢作出禁言兩個月既處罰，而係有關會員選擇一直禁言都唔肯撤走簽名檔。請攪清楚個次序。事實上，佢何時撤走簽名檔，禁言就何時中止。呢個已經清楚講明。係佢自己唔肯合作，寧願繼續禁言，與人無尤。我睇唔到撤走簽名檔係一件咩咁困難既事。有關會員連少少合作既誠意都無。仲反轉頭指責版管無理禁言，簡直係顛倒是非黑白。


到論壇升級完成後，有關會員突然以第二個戶口上黎投訴，但一上黎就係惡言相向，繼續用侮蔑性言詞攻擊版管人員。至此，我地認為再無需要比佢任何機會。因為機會比左咁耐，佢自己唔珍惜，我地亦無辦法。故正式決定永久中止其服務。有關會員繼續用重複戶口上黎攪事，態度一次比一次惡劣，更加令我地堅信，無任何空間可以再容納此等帶著極大惡意及仇恨的會員到我地論壇搗亂。永久中止服務既判斷將會繼續執行。所有有關會員的重複戶口亦會一視同仁，全部禁止發言。



以上係事件既全部經過。

另外，事前聲明。


由於估計日後會有不少既「借屍還魂」式既重複戶口出現，論壇無足夠資源逐個會員作出審查。版管亦都只係義務性質，無責任充當調查員，提供所有證據去證明有關會員犯禁。所以，由即日開始，只要有五名或以上既版管級人員，認為某戶口係被永久中止服務既會員既重複戶口，我地就會即時BAN 左個個戶口。無需舉證！

一早撤走簽名檔，禁言就何時中止? <--- 你就真係顛倒是非黑白啦...
唔好扯開話題混淆視聽啦! 我唔係話我睇唔到pm, 我睇到!
個重點係你過左第一次禁言3日, 第二次禁言7日之後我已經撤走簽名檔
當時禁完第二次唔知邊個總版仲pm話我知唔撤走就禁
個時我已經撤走左個簽名, pm想回覆返佢又唔得
之後就一路俾人禁.. 而且等到成個幾月你地呢D執法人員亦都無任何舉動/通知我幾時中止禁言
到我上黎投訴又扯開話題完全無正面回應過個重點
宜家係你人地整走左D你唔想見到既野之後, 你又唔去follow up一路禁? 你話你有理據?
下下話人侮蔑性言詞攻擊(你無同我講過任何原因點解唔可以但OK你覺得楊受成係攻擊既咪係囉, 你都乘機禁到我言)
我上黎嘈係攞返個公道, 你自己用下良心用下理性啦
唔係下下係度懶有logic咁就可以隻手遮天
之前咁多人會同你嘈俾你踢走, 大家都知咩事, 係唔出聲JA
你再唔檢討下自己做野方式 一定有更多厚年資既會員走人
只會更加多人憎你 遲早都會再發生同樣事情

成件事有可能係一個誤會?

譬如換頭像..
有時換左頭像,唔F5,即時係見唔到轉左..

真秘密:成件事有可能係一個誤會?
譬如換頭像..
有時換左頭像,唔F5,即時係見唔到轉左.. (2012-08-12 04:19) 

應該唔會係誤會

我被禁多過三個星期之後已經所有簽名檔徹走 (已經唔知禁左幾多次)

可惜禁言無解除(無人理會)之餘更加無從聯絡 (應該唔關論壇更新事, 權限先係問題)

如果正常係set左只禁N天, N天之後應該會去睇下佢係咪仲有"犯罪"掛?

我覺得直程係禁左就算之後唔鬼理

到我等到放棄唔理之後過左兩個幾月開新A/C上黎舉報仲要俾人中止埋原有A/C而無視我提出既事宜...