引用第32樓sun於2012-06-28 14:49發表的“”:
所以我一直都認為...要影靚相...只要有一部靚機...
無技術的人都可以做到...
.......
你咁講我又唔係好認同。
我自己會咁睇：
一開始，兩個都係初哥，大家都無咩技術，一個拎住部入門機，一個拎住部旗艦機，由於大家都唔多識影相，相片出黎既分別，一定就係純粹機能既分別。呢個肯定咁制架啦。咁一部一萬蚊既相機影出黎當然一定會比一部五千蚊既黎得吸引。否則，邊有人會用一萬蚊去買部機？呢個就係你所講既，拎住部貴機就已經影到「靚」相既例子。
但係，當拎住入門機個個努力鑽研技術，明白點樣避重就輕，點樣可以發揮到自己部機既最佳性能，點樣可以帶出相片既氛圍同埋感覺。咁佢係絕對有條件拎住部入問機都影得好過拎住部旗艦機既。尤其拎住貴機個個如果一直只係依賴相機既強大功能，而忽視本身既技術改進。一味迷信大光圈淺景深，以為咁樣就係靚相。佢唔會知道係咩情況下，應該點樣去調整相機既數值去得到更佳效果。因為一般情況下，強大機能已經幫佢全部克服了。咁，佢只會原地蹅步。空有一部好相機卻未能發揮相機既真正威力。
又但係，拎住貴機個個，同拎住平機個個，一樣咁努力去研究技術，一樣咁進步，咁佢手上強大機能既相機就可以幫佢剋服好多唔係人為可以改變既客觀環境既限制，係個別場合，個別環境限制下（最容易理解就係低光環境），貴機影出黎，點都比平機影出黎黎得靚同吸引。
所以，技術先決又好，器材先決又好，到最後，都係兩者不可或缺的。
[ 本文被freezefox在2012-06-28 15:26重新編輯 ]
