引用第52樓freezefox於2012-07-04 20:14發表的“”:
但至少係現時為止，比較客觀既統計方法了………
.......
我傾向同意大班係節目上的講法，即係，你可以講有幾多人行經o個個地方，但唔好嘗試推算整體人數。
至於民陣、警方的計算方法，我覺得同港大的計算方法正確與否無關。情形就好似有個學生犯校規，佢話隔離阿a都有犯規wor，做咩唔捉埋佢一樣。依家唔係小學生嗌交，出事就要拖埋人地一齊講，而係有問題就係有問題。
講返民陣 (事先聲明，我聽返黎ga ja...)，我之前做過學聯代表搞過04年的七一遊行（當年係第二年的七一，報稱有50萬人），聽過一個講法係由維園可容納的人數推算出黎。事關六四集會年年都要派蠟燭，六四集會在維園可容納的人數大家心中有個數（但我唔知，o係個大班節目上鍾庭耀話每個球場可以坐9000 － 9500人﹐之後李卓人話企位會可以容納多d），並因此推算維園站立時可容納的人數，加上離開維園的時間及成個遊行的出發時間，可以推算出一個約數。
民陣的計法始終都冇交代過比大家知，老實說，我亦冇咩特別意見，始終人數並唔係我最在意的地方。
