[日本]老狐遊記：MELODEDE 東京賞櫻團 (P.8 富士山下) [復制鏈接]

目錄：


DAY 1 ：台場會高達！     P.1

DAY 2  :  櫻花百景：鶴岡八幡宮     P.3

            :  櫻花百景：小田原城址公園   P.5

DAY 3  :  伊豆溫泉  P.6

             :  下田海中水族館  P.6  

DAY 4  :  富士山忍野八海   P.8

            :  富士五湖--河水湖

七日六夜既東京近郊賞櫻團，正式開始：








個日成三點半先落機，朋友話無可能趕到入黑前去到東京。所以叫我唔駛安排行程。但偏偏個日我地又出奇咁順利。過關、攞行李、去租車公司攞車，全部係一個小時內完成！離開機場都不過係四點鬆Ｄ，好大機會五點零就去到東京。

一出機場，迎接我地既就係夾道既櫻花！Ｄ　櫻花開得好靚呀！！！時間岩岩好！

由於我地CHECK OUT 超乎想象咁順利，原本諗住要六點幾先出到東京，宜家五點幾就出到去了。早左一個鐘，天仲未黑，馬上改變行程，先去台場會一會高達先！

呢個就係岩岩由山梨縣個邊移師過黎既1:1 高達模型啦！成三四層樓咁高架。近距離觀看真係好感動。

後面個間就係當時即將要開幕既新商場。4月19 日開幕，我早左幾日去，宜家個到好多野睇，仲有成間機動戰士展覽館添！

大地上的高達！！！








係斜陽映照下，徒添一份蒼茫………

一個鐘好快就過。天黑之後，我地索性係台場食埋飯先走。呢到可以欣賞到彩虹橋既夜景，著實唔錯。

預先做左功課，知道呢到有間好正既壽司店！有壽司放題食的！


幾十種壽司任食。男士3000YEN，女士2000YEN，小朋友好似千幾YEN ，抵食到喊。我地一家四口先七千幾YEN埋單！呢個價錢，你係香港諗都唔駛諗！






認住呢個名呀！

坐呢個坐可以望到彩虹橋的！正！不過我無揀到。因為迫左少少！






我地坐另一邊，闊落Ｄ：




個晚人唔算多，呢位就係負責服務我地既大師傅啦。成晚只係ＳＥＲＶＥ　我地架咋。你咪睇佢一臉嚴肅，但其實好親切架。仲專登整左Ｄ　「迷你壽司」黎比我個仔食，冧下小朋友。識做架呢！






我地過左幾日，再去，因為係星期六，嘩！爆到九彩呀！

唔好以為係放題，又咁平，就會將貨就價！你咁諗就大錯特錯了！Ｄ壽司全部係師傅手扼架！Ｄ魚生不但新鮮，仲唔會話限住剩係比Ｄ　大路野或者平價野你。貴價如海膽壽司、蟹膏壽司，一樣係任食的！












呢餐真係食得我極滿足！！！！估唔到第一餐係日本開餐就食到咁正既壽司放題！開心死了。所以過左幾日我就帶埋我班朋友黎覆啅。佢到遲我地兩日到。我地係第三日先會合的。

個到仲有個商場可以行下消磨下時間。不過因為太夜，好多都關門了。個到仲有燒墨魚丸食。不過幾好食都無用啦………飽到上心口了………

由於第二日我地會去廉倉，所以都無謂住番入東京了，第一晚我地就過左去橫賓住，方便第二朝一早就出發。夜晚落街行下，周圍都關哂門，岩岩係酒店隔進有間機鋪，入去睇下野打發下時間：





打機就無我地份架啦，夾下公子都仲得既：





估唔到咁好彩，二百ＹＥＮ　就比我個仔夾到第一個公仔了：









然後就梗係心雄啦唔駛問，於是，係呢部機到駛左成千ＹＥＮ　都得個吉：






果然係先比甜頭你等你入局呀下………

第一日完。第二日個Ｄ　遲Ｄ　ＰＯＳＴ！

橫濱又住邊間酒店呢，如無意外我將會住2晚，暫時鎖定洲際

阿童木:橫濱又住邊間酒店呢，如無意外我將會住2晚，暫時鎖定洲際
 (2012-08-23 15:54) 

我因為只係住一晚，好夜先入去又好早就走人，幾靚既酒店對我黎講都無意思，最緊要平平平！



個期有間叫唔知咩玖瑰既酒店，一晚四人住既房間都係九百幾，就租左呢間了。


你會唔會過伊豆？會既話我推介一間超正既溫泉酒店比你。

果間壽司放題我下次會去試下

話時話你點樣點野食?用日文?