黎明抵港講婚變 再拋金句 2012-10-07 18:02:12 
黎明今日5時15分出閘，身邊只一個助手，穿上黑外套和深色褲，神情輕鬆。出閘後企定定給記者拍照，現場有fans大叫他的名字。之後他說﹕「我冇0野講。」現場擠滿記者，場面有點混亂。
當問到心情如何時，黎明即停低，反問﹕「我有說話要講，你叫我講兩句，你又叫我講兩句，咁即係你講先定我講先。我諗感情事係過去式，過去式0既講永遠屬於兩個人，冇乜0野可以再講。」
黎明又表示﹕「但係我0地所有0野都交代晒，0係媒界裡面做藝人最麻煩係越講越多，事件沒完沒了，根本冇必要再去講，但係兩個人作為藝人又唔可以唔同傳媒講，我唯一可以交代都回應晒，多謝各位。」
