正如之前所講，瑞士既小鎮山區比起大城市更吸引。
但係，難得黎到又無理由真係一個都唔去既。
所以，黎到瑞士既第一站就係既係大城市，但建築又唔算係好現代化既Bern。
可能相比起Geneva同Zurich，Bern比較少人認識同聽過，但係其實Bern先至係瑞士既首都，而且更加被聯合國教科文組織評定為「世界文化遺產」。
好似呢張相咁既水池（無錯，佢係水池黎，只係無影到下面個一部份），貫穿成個城市，好似足足有十幾個咁多，基本上沿住黎行，你就會經過大部份係Tourist Centre度拎既Tourist Guide入面有提及既景點。
其實成個城市景點話多唔多，話少唔少，但係景點都聚得幾近下。如果你唔係博物館發燒友，要行晒所有博物館先至當行完一個城市既，咁其實一日都已經好足夠。
而咁多個景點入面，我覺得最值得去既就係全瑞士最高既教堂－Cathedral。呢個教堂入面其實無咩特別（當然你同Milan既Duomo或者巴塞既聖家大教堂相比，呢個教堂更加係不外如是），但係你只要比5法郎，就可以行二百幾級樓梯（係二百幾級！而且佢樓梯係螺旋形咁不斷係咁轉，就算你體力好二百零級當食生菜咁食，但你行到上下都一樣會頭暈到不得了）上去一個類似平台咁既地方，眺望成個Bern既景色。
雖然行上黎可能比較辛苦，但係絕對值得！可能相影得一般，但上到黎既景色真係非常之靚。
行左大半日Bern之後，同行既朋友為左食一間好似幾出名既芝士火鍋，特登山長水遠由Bern搭火車去Luzerrn，又咁岩遇上Luzern一年一度既Cheese Festival。雖然我地去到既時候Cheese Festival已經完左，但係唔知係因為有呢個Festival定係本來就有，竟然係火車站對出就有一個Amusement Park。係歐洲去左幾個城方，都係第一次見到，貪玩既我地自不然亦都玩埋一份！
可惜唔記得左影芝士火鍋既相，但間餐廳（無記錯係叫Fondue House）都絕對值得一試，而且餐廳既侍應都係華人面孔，更加有一個識得講廣東話。
[ 此帖被隨風在2012-10-22 19:33重新編輯 ]
