[日本]五月尾京阪奈良5日4夜 [復制鏈接]

小弟book左五月尾去大阪, 暫時plan會去京阪奈良, 4晚都係住新大阪附近酒店~

暫時諗左會去大阪城, 清水寺, 嵐山, 奈良睇鹿, 黑門市場, 心齋橋/梅田/道"鈍"崛, 二"條"城~
其中二'條"城可能唔去, 因為唔想去得太多寺/古城~
仲有咩地方值得去? 我同女朋友對百貨公司或者一般購物商場興趣唔大~
和歌山會唔會好遠?

Thx!

和歌山要搭個幾兩個鐘火車。

用戶被禁言,該主題自動屏蔽!

煙花:4晚住大阪會去京都?[表情] [表情]  (2013-05-02 00:29) 

京都即日來回都可以既。去少D 地方咁解者。

用戶被禁言,該主題自動屏蔽!

大阪去京都都有段距離啵，即日好趕架
同埋京都一日你行唔晒架
仲要去埋奈良嵐山真系行到顛

用戶被禁言,該主題自動屏蔽!

煙花:我都覺得5日4夜咁玩法,好HIGH~
如果想舒服D 要CUT 景點~ (2013-05-02 02:10)

理論上系可以玩晒既，不過真系好趕，要行得好快
我諗要跑添啊！！(追車)
同埋我覺得有D浪費....特別系京都
一個0甘古典又有氣質既地方
好應該慢慢行去欣賞，因為基本上成個京都就系日個大景點！
即日來回好浪費~

同埋除左清水寺，我覺得金閣寺都系必去架！

用戶被禁言,該主題自動屏蔽!

煙花:同感~~~
我都覺得分2次去或者再長D 日子先去會開心D (2013-05-02 02:20) 

我上次去玩，齋京都已經占3日，都覺得唔夠
因為呢個地方好靚，搞到我唔系景點既地方都去游下，搞到自己蕩失路
好彩識左個好好人，識小小英文既日本婆婆教路
仲順便教我女友著和服

用戶被禁言,該主題自動屏蔽!

煙花:人人玩法唔同~~~
但最小交通上係可以一日來回咁玩~ (2013-05-02 02:32) 

一日來回京都其實好難
我記得好多地方都系差唔多9點/10點開放，但系下晝2點/3點就開似收門
入黑直頭靜晒添......

其中最煩系皇城
無記錯系要早一日去用護照登記
然后全日得兩個時段可以參觀....

去嵐山丫~! 幾靚AR!

tc2218:一日來回京都其實好難
我記得好多地方都系差唔多9點/10點開放，但系下晝2點/3點就開似收門
入黑直頭靜晒添......
....... (2013-05-02 02:41) 

唔係呀。我上次即日來回，都玩到四五個景點呀。玩到夜晚成九點幾十點先走。


去左金閣寺、清水寺、八阪神社、天滿宮。二條城因為尚在條葺中，所以無去。祗園有經過，但無咩時間逗留。

只要你唔去嵐山個邊，一日係行得哂以上咁多地方的。你見到我係FB放唔少相，我地每個地方都逗留到一段時間架。


不過當然，可以留多日就更加好啦。問題係，你有冇時間撥多日落京都到者。５日４夜，減頭減尾實際四日都無，奈良要一日，大阪要一日，京都要一日。已經三日了。第四日分落邊個地方到要睇樓主個人喜好了。

如果你留七日，我都會建議放多日係京都既。

當你早機去晚機返，第一日到大阪得番半日。去下道頓堀食野，行下心齋穚，已經無時間了。第二日先安排行下大阪既景點如大阪城公園。第三日即日來回奈良。第四日即日來回京都。第五日已經執包袱等上機，無咩邊到可以去了。


你想加插環球影城呢個環節都唔係容易呀。放係第二日囉。不過大阪城公園就無得去了。又或者放係最尾個日，去埋大阪城公園先走人囉。