呢十幾年以來，泛民就好似跪地男對掌摑女一樣咁對中共跪求民主。
跪地哭求的泛民：「我要民主呀，我要普選呀﹗你明明答應過我架﹗嗚嗚嗚......」
聲色俱厲的中共：「我係你老闆，你竟然想挑戰我的權力﹖」隨即掌摑泛民，啪啪啪之聲不絕。
泛民繼續跪度：「我冇呀﹗我冇挑戰呀，你明明講過......」
中共邊摑邊說：「仲唔知錯﹖仲唔知錯﹖我先係你老闆﹗」繼續啪啪啪。
站在一旁的英國佬一聲不發。雙臉紅腫的泛民怒道：「你做乜唔出聲啊﹖你話過會幫我講兩句架﹗」
中共沒有停手：「我先係你老闆﹗仲唔知錯﹖仲想勾結外人﹖」
在旁食花生的台灣人、日本人：「哇﹗乜你仲跪響度呀﹖起身啦﹗冇需要架﹗佢咁衰，你諗下，真係你阿爺的話就唔會咁對你啦﹗你仲跪，你係唔係男人黎架﹖」
世界警察美國佬終於來到。一見泛民跪低，就講：「乜又係你地呀﹖第十七次囉喎﹗乜你地仲未有普選咩﹖」
當晚。可憐泛民在面書上寫道：「我永遠都會記得中共你點呃我﹗當日又話有普選，呃我通過政改，然後走數。我信天有眼，山水有相逢﹗我好痛。」
可憐的泛民，一直都唔明白，只要你一日都仲係跪響度哭求，一日都係冇人可憐。
