今晚港視員工同王維基約埋一齊去佐敦印度會BBQ，咁啱阿叻嚟借廁所，見有咁多港視員工喺度都照走入嚟，但據現場目擊者話，阿叻當時有少少「淆底」。今晚席上蒙嘉慧、林文龍同張松枝等藝人都喺度。 阿叻主動入到去同一眾港視員工及主席王維基打招呼，兩人仲碰杯，阿叻又攬住王維基，對住鏡頭話喇:「我從來都撐，香港政府應該發多幾個牌嘅，OK？好!」現場有人和應，王維基更振臂一呼，齊齊叫yeah!阿叻再豪氣干雲咁話:「大家有得撈呀嘛!Yeah!」 阿叻之前就台慶收視發表跪回家偉論，方才王維基亦不遑多讓，揚言:「如果我攞到個牌，我由將軍澳跪返屋企!」全場大聲讚好起哄，就連阿叻都舉手，之後更攬實王維基，全場高呼。 之後阿叻又謂:「估都估唔到今日我行錯地方，會撞我到老友。」王維基連忙謂:「冇!冇行錯!冇行錯!」咁的確係港視員工眼利，邀請本來喺一樓同朋友食緊飯嘅阿叻落嚟。王維基並謂:「呢個大家庭歡迎你。」 阿叻繼說:「大家開心，大家有嘢撈，就係我哋香港精神。OK？」全場又大嗌「好!」有人問佢是否支持HKTV，又請佢講句嘢支持HKTV，阿叻就謂:「我支持HKTV，支持所有電視台，都係發多啲牌，我哋撈電視嘅，OK？最緊要唔好熄電視。」彼此「交流」咗十分鐘左右，阿叻就先行告退喇。 http://hk.apple.nextmedia.com/enews/realtime/20131129/51948688 王維基抽得好
[ 此帖被羅力亞在2013-11-29 23:07重新編輯 ]
