[歐洲]車路士朝聖之旅 [復制鏈接]

十二年前，一個名叫古莊臣既球員令我愛上車路士
十二年後，我終於踏上朝聖之旅，可惜始終無機會親眼睇你踢波
不過可幸係，今次旅程睇既兩場波都嬴哂！

因為我只係用普通DC同IPHONE影相，所以相就唔算令
不過點都要記低第一次！！！



第一日係去睇車路士對史雲斯

十一月已經係官網買左飛
坐WEST STAND UPPER
買完唔使三日已經收到，效率驚人！




Welcome to Chelsea！




我終於黎到呢到啦！車路士主場！
已經無法用言語黎形容自己既感受，只可以話係熱淚盈眶！




其實場波就下午三點開波
但我太興奮，所以我十點幾十一點已經到左球場
無得入場住，唯有係周圍行下
最尾好似十二點半定唔知一點就可以比入場
一入場，我見到平時我只可以係電視機度先見到既畫面！
好激動好激動！
由於太早入場，所以係空無一人




咁早入去其實無野做，影左幾張相之後就出去出面賣小食既地方
果度有電視睇，我記得果陣好似頭場係曼聯
睇到咁上下我就入返去球場坐
已經多人左同鋪左英超個BANNER係地下




隔多陣，就見到門將出黎熱身！
我地既門神施治呀！！！

因為我果邊其實近史雲斯球員熱身，所以係咁易都影左張佢地熱身既相




然後我就開始只影車路士球員
佢地熱身郁黎郁去，想影到一張清楚既相都好難(由其我只係用DC仔...)
不過我唔理，照POST出黎！

雷斯！



馬達外加米基爾！



奧斯卡！



艾斯派古達！



夏薩特加馬達！




教練組好似都好喜歡夏薩特
凈係同佢玩同佢傾計






好快就開場啦！
影下D BANNER先！
幾有氣勢！！！






入場！




雙方球員握手！




開波啦！




點都影返張摩佬先！




然後我就掛住睇波無影過相
雖然場波唔算精彩，車路士小勝一比零（夏薩特入波！）
入波果下個個都超興奮企哂起身
同埋臨尾果幾分鐘，成場一齊嗌（希望唔好比史雲斯追平）
成場氣氛都唔差，得閒又叫下，又唱下歌
真係同坐係電視機前面好唔同

最緊要係，我第一次係史丹福橋球場睇波係嬴波！
好爽呀！！！

三日之後，我又再重臨史丹福橋球場！
今次睇車路士對利物浦！
張飛我係VIAGOGO買的，比官網貴十磅左右
對BIG 4球隊，貴十磅買到都覺得係抵！
今次係坐WEST STAND LOWER




其實都算幾近




首先出黎熱身既都係門將- 施治！



伊度奧！



夏薩特！



伊雲諾域！



卡希爾！



隊長泰利！



副隊長林伯！

然後就到利物浦球員既熱身相
影得唔多(其實得幾張，仲有有幾張好濛...)
因為係車路士球迷堆影利記球員相其實都幾怪

米奴烈！



格連莊臣！



半邊蘇亞雷斯加軒達臣加艾格



外加今場球証，韋比！






出場啦！！！








握手！





唔好問我點解凈係影利記球員，我都想知點解....


開波！！！！！！

呢幾張係利記入波前...







伊雲受傷了.




三分鐘就比利物浦入波先，真係呆哂
見到同聽到作客球迷區既利記球迷好興奮

不過車路士球迷都唔弱，蘇亞雷斯一掂波就噓
車仔球員掂波就打氣！

好快夏薩特就追平，再之後就伊度奧反超前
追平果球其實成場氣氛已經好熱烈
反超前果球直情想炸爛史丹福橋球場咁
成場HIGH爆，狂叫狂嗌狂唱歌叫口號拍手等

以前比著係呢個情況，最多咪自己一個係屋企跳兩下
而家唔同呀！幾萬人同你一齊跳！
呢種難忘既感覺會永遠留係我腦海記憶入面！！！


好啦，場波繼續進行中










終於等到托利斯出場！
原來呢度既車仔球迷都係狂鬧伊度奧
呢場波佢哂左N咁多次機會，所以佢一掂波，球迷會叫托利斯個名
托利斯入黎之後好快就有一個機會入波，可惜入唔到...






然後就完場了！




有驚無險！車仔繼續嬴波！
我都算係幸運星呀，睇兩場，兩場都嬴波！
兩場我著既波衫都係印夏薩特，兩場佢都有入波！爽！

之後先知原來呢場波有爭議既判決
球迷都係唔理性的
夏薩特係禁區跌低，車仔球迷就狂叫比十二碼
蘇亞雷斯係禁區跌低，車仔球迷就在話佢插水插水
利申：其實兩球我都睇唔係好清楚哈哈

不過點都好，親身黎到主場當然希望見到車路士嬴波！
而我又得償所願！心情係何其興奮！！！！

希望以後再有機會去主場睇波都可以次次嬴波啦！！！！！！

黎得史丹福橋球場，點會唔參加個球會TOUR？


先黎一張我偶像！




平時賽前賽後開記者會同新球員簽約既地方！




作客更衣室！
真係非常簡陋！得果兩張床！
球員放私人物品係放係一個地櫃
每次拎野都要烏低身去拎，勁慘！






車路士更衣室！
主隊係唔同啲！
床都多幾張哈哈！








車路士球員係更衣室係點排黎坐既呢？
原來點排都係有原因的！

首先係門將自成一角，然後係巴西幫！



然後係比利時一堆，西班牙一堆



之後係英格蘭一堆






開左馬達LOCKER比我地睇，入面乜都無的




球員出場通道！




摩佬就係坐係第二個位架！
不過呢日落雨，濕哂所以我無坐到...




最後整幾張不同角度既史丹福橋球場！










同埋因為我係完左對利物浦場比賽之後果日去既
所以咁岩比我影到作客球迷區仲有利物浦多謝球迷黎到場支持

最後去埋車路士既MUSEUM

都係影車仔既獎盃










英超獎盃！








摩佬既物品都可以整一格...




最後梗係唔少得歐聯既獎盃啦！！！





多謝收看！

嘩!正呀!

留名

正
留名追看

DC仔？唔仔啦~
好清喎

就算唔係車迷都好好好羨慕

你D相影得咁近...比賽果時我好專心下..影唔多..UP左上FACEBOOK只

球會TOUR幾錢，玩幾耐架....