[轉貼]英超聯最後直路叮噹馬頭 [復制鏈接]

英超聯最後直路叮噹馬頭

  eddy chung | 26.02.2014



英超聯爭霸進入最後直路，早前三頭馬車之局突然多了利物浦介入其中，形勢之混亂可說近年少見。曼城雖然暫列第三其實跟榜首車路士同為失分最少的球隊，而且在得失球差上亦佔上明顯優勢。第三位之利物浦雖然跟阿仙奴尚有三分之距離，但在領先十個得失球差下，即是說他們隨時可以在己方勝對方敗之下，將阿仙奴迫落第四之位。

槍迷好友傳來車路士、阿仙奴、曼城及利物浦的尚餘對手名單，細看之下，原來這四支球隊還需要作出兩場四強捉對廝殺的比賽，這分別為：

車路士 對 阿仙奴(主) 及 利物浦(客)

阿仙奴 對 車路士(客) 及 曼 城(主)

曼 城 對 阿仙奴(客) 及 利物浦(客)

利物浦 對 曼 城(主) 及 車路士(主)

有趣之處是，曼城在首循環面對阿仙奴及利物浦時全取六分，然而在次循環這兩場比賽俱要作客出擊，相反，利物浦雖然在首循環作客曼城及車路士俱落敗而回，但在次循環這兩場比賽都會在主場迎敵。

如果我們將這些四強捉對廝殺的比賽暫時除去，那麼就讓我們看看這四支球隊所面對的其餘餘下對手中，他們在首循環取得甚麼樣的成績：





很有趣是吧？是的，原來四支球隊在首循環面對現時餘下對手所取得的分數，幾乎全都是一樣，在四列強餘下所遇上的非前四球隊中，如果作一個比較，那麼可以說是沒有強弱上下之分，誰都未必有任何「著數」可言。

所以真正可能令形勢變得明朗的，可能就是四強間的捉對廝殺，在四支球隊至今都擁有非常不俗的主場成績下，加上四列強在已互碰的八場比賽中，主隊一方取得六勝一和一負的成績，我們或許有理由相信，曼城的形勢未必如想像中的樂觀，而利物浦亦非如現時所處的位置般被動。值得一提的是，在四列強互碰時主隊未能取得勝利的一和一負比賽中，來訪者恰巧都是車路士。

當然這個看法是建基於四支球隊在往後的比賽都沒有遇上所謂的低潮期，如是者，阿仙奴的奪標形勢可以說仍然是審慎地樂觀，雖然我們較其他列強看似更難把對手擊敗，但對阿仙奴可以審慎樂觀之處，是現時失分最少的曼城將有兩場作客列強的賽事，而有兩場主場之利的利物浦卻是現時稍為落後的前四球隊，當然車路士的形勢可說是最為樂觀，阿仙奴能否最後將車路士拉下馬，作客史丹福橋一役將成為關鍵所在。

COPY FROM：http://www.arsenal-hkgooner.com/

最後直路，4隊都有機

好耐無試過

撇開主觀願望
大家覺得邊隊最有機？



我睇好車仔

迪克:最後直路，4隊都有機
好耐無試過
撇開主觀願望
....... (2014-02-27 11:14) 

無疑車仔睇落有利，可惜前鋒太不濟，往往對中下游球隊會悶和失分。

另外，除左捉對廝殺之外，仲有曼聯因素搞局。

雖則話曼聯今屆表現水準以下，但始終爛船都有三斤釘。

隨住本土盃賽出局，歐聯又落後兩球劣勢，如果曼聯下年仲想繼續有得出席歐洲賽事，聯賽必定盡全力搶上前列。

國球旗:另外，除左捉對廝殺之外，仲有曼聯因素搞局。
雖則話曼聯今屆表現水準以下，但始終爛船都有三斤釘。
隨住本土盃賽出局，歐聯又落後兩球劣勢，如果曼聯下年仲想繼續有得出席歐洲賽事，聯賽必定盡全力搶上前列。
....... (2014-02-27 11:38) 

阿車都對晒曼聯
曼城同利記次循環對左曼未？？

迪克:阿車都對晒曼聯
曼城同利記次循環對左曼未？？ (2014-02-27 11:39)

16 March - Manchester United     v  Liverpool    (Old Trafford) *
25 March - Manchester United     v  Manchester City   (Old Trafford)

* 曼聯對利物浦果場三日後踢歐聯次回合，唔知會點取捨。

國球旗:16 March - Manchester United     v  Liverpool    (Old Trafford) *
25 March - Manchester United     v  Manchester City   (Old Trafford)
* 曼聯對利物浦果場三日後踢歐聯次 .. (2014-02-27 11:46) 

MOYES仲有得揀咩

佢都無得話留唔留力啦
MU家陣連歐霸位都未穩陣

迪克:MOYES仲有得揀咩
佢都無得話留唔留力啦
MU家陣連歐霸位都未穩陣 (2014-02-27 11:47) 

所以曼聯影響只係因為傳統英超強隊，但椰絲頻頻創紀錄嘅情況下，睇嚟都幫唔到車仔、阿記，惟有望自己愛隊生性。

我一D都唔覺得叮噹馬頭, 其實都係得車曼兩隊爭。 你睇阿仙奴今季3次小魔鬼賽程既表現, 你仲對今個終極魔鬼賽程有期望?

客史篤
主史雲
客熱
客車
主曼
客愛

我個人估呢6場合計攞6分, 最多都係10分。

今季算係近幾年爭得最利害的一屆 .  好少見到咁刺激 .

到現時黎講真係好難講邊隊有優勢 . 尤其4隊作客成績, 竟然3支取勝率低於50% , 只有阿記較為理想.  
再睇返現時形勢, 10支球隊爭緊護級 ,  未放棄仲想爭歐聯有熱刺,曼聯 & 愛華頓.  嚴格黎講只要 shn & new 都算係hea 住黎打.  所以每場要贏波取3分都未必想像中咁易.  

暫時個人睇好車仔少少, 似中長途賽除了實力外, 都須要睇下天時地利人和運氣各方面配合 ,  主場戰績穩陣, 對強隊更顯得運用戰略取勝, 整隊discipline 良好, 加上車仔今屆出現多場最後階段入球令球隊由輸變和 & 和變贏賽事.  車仔應該好大機會跑出

迪克:MOYES仲有得揀咩
佢都無得話留唔留力啦
MU家陣連歐霸位都未穩陣 (2014-02-27 11:47) 

第一場，死對頭決戰，唔留得力。

第二場，歐聯生死戰，唔留得力。

第三場，同市死敵，唔留得力。

結果，3場都......

迪克:最後直路，4隊都有機
好耐無試過
撇開主觀願望
....... (2014-02-27 11:14) 

內心當然係想利記第一次棒英超。

但係摩佬真係深不可測，加上今年佢地隊波好穩陣，車仔應該機會大D......

蕃薯廠:我一D都唔覺得叮噹馬頭, 其實都係得車曼兩隊爭。 你睇阿仙奴今季3次小魔鬼賽程既表現, 你仲對今個終極魔鬼賽程有期望?
客史篤
主史雲
客熱
....... (2014-02-27 12:24) 

叮噹呀

唔關阿記事之嘛

利記唔係無機

都係果句，阿記(WENGER)已經顯示左佢滿足頭四o既想法

謝拉傑:第一場，死對頭決戰，唔留得力。
第二場，歐聯生死戰，唔留得力。
....... (2014-02-27 13:47) 

三場都UNLUCKY！！

謝拉傑:內心當然係想利記第一次棒英超。
但係摩佬真係深不可測，加上今年佢地隊波好穩陣，車仔應該機會大D...... (2014-02-27 13:49) 

內心當然係想阿記再一次棒英超。 但係雲加真係不思進取，加上今年佢地隊波傷主力，阿記應該機會細..........