國球旗:BARCLAYS PREMIER LEAGUE (截至２０１４年３月４日)
排名 球 隊 分數 得失球
０１－車路士 ６３ ＋３０
.......
(2014-03-04 12:48) 
唔好睇咁長遠先，先睇番最近呢四場賽事。
車路士黎緊四場，作宮維拉、水晶宮應該食硬。比較難打既只係主場對熱刺同阿仙奴。兩場打吡。但難打還難打，睇情況車路士應該都可以食哂呢兩場。全部係小勝之下全取三分。尤其熱刺近況其實好一般。車路士有主場之利，要控制大局然後黎個一比零悶波一D 都唔難。
本來四場中，最有機會失分既就係阿仙奴個場。亦係進入大直路衝次前車路士既最大考驗。偏偏阿仙奴宜家先黎腳軟，宜家先黎長他人志氣，滅自己士氣！真係唔爭氣！睇怕都係無力阻擋車仔奪冠之路。車路士好大機會一直以榜首姿態進入四月既賽程，然後一口氣拋離對手，睇住對手黎食！去到尾三個場，雖然又係另一個考驗，有機會係呢場失分。但恐怕到時都無咩所為了。因為對手全部都己經退出競爭行列了………
如果，如果第三場既對手係利記，唔係阿仙奴。個故事或者仲有得寫落去………
利記以黑馬姿態進佔次位。著實有少許幸運成分（曼城仲有兩場未打絕對係主因）。同車路士情況相差不大，四場中，作客卡迪夫城同主場新特蘭兩場應該無難度吧。我甚至對主場迎戰熱刺個場甚有信心。熱刺近況之糟，唔係單單反映係球隊既成績單上，更反映係球隊作賽時既表現上。四個字X2 ：「全無霸氣，一盤散沙」。反而，最有機會失分既係作客曼聯呢場。唔理曼聯近況如何差勁，呢個世界就係有格食格既詭異。車仔唔驚阿仙奴唔驚曼聯就係最忌利物浦。利物浦呢，就係成日比曼聯食住（雖然今季頭場幸運地勝出）。能否雙殺曼聯，絕對影響利記係最尾既爭冠路上仲有冇參賽資格。如果咁好彩，呢場全取三分，然後四場全取12分，咬實車路士唔放，咁最後大直路，尾三個場主場大戰車路士將會係今季邊隊最後可以奪冠既關鍵一戰。到時就好睇囉。（注：邊隊可以奪冠既意思唔係利車邊隊可以奪冠，係曼城車仔邊隊可以奪冠）。
阿仙奴，作客熱刺、作客車路士、主場曼城，再作客愛華頓。打完呢四場拎到4分都已經偷笑了………講完。
曼城，其實有少少唔好彩。兩場波推遲左。令到佢宜家變成第四。如果呢兩場波佢都羸哂既話，宜家榜首位置就係曼城唔係車路士。當然，呢個世界無如果的。分分鐘就係因為調一調，本來食硬既比賽無端端變成失分既比賽。呢個世界就係咁吊詭。最重要係，黎緊四場，佢失分機會唔細。萬一真係失分，被車路拋離更遠，心理壓力更大。到時，幾易食既比賽都會無端端變得壓力超大，只要加上少少無運，攻足九十分鐘廿幾三十次射門零入球既事例唔係未見過。曼城就係輸蝕係呢到。所以，要保證自己係最後大直路仲可以同車路士鬥到最後，侯城、富咸個兩城唔駛講，作客曼聯同阿仙奴都要全勝。但難度分真係唔低架。曼聯幾頺都好，對住曼城點都打高幾班。仲要係主場呢？阿仙奴一樣。兩場波佢唔駛輸，是旦一場「羸唔到」都已經大鑊了！萬一真係係呢四場失左兩三分，咁唔駛講同車路士爭，可能係作客利物浦個場都已經被利記KO 埋，連第二位都保唔住了。
[ 此帖被freezefox在2014-03-04 16:20重新編輯 ]
