我發覺長野縣個邊都有幾個點可以係10月頭睇到紅葉。
第一日，由名古屋出發，向松本巿方向，先有個富士見台高原（但1-3 號唔開放，4號先開）；跟住有個「中央阿爾卑斯千疊敷」，係駒之根一帶的。再上有蓼科高原，白駒之湖，八千穗自然園，松原湖，全部係松本巿以東。一日玩唔哂，可以揀三幾個點黎玩。
第一晚，想歎少少就係蓼科或白樺湖附近住溫泉酒店。想方便第二日既行程就直踩松本巿。咁第二日就可以有兩個選擇：1 . 立山黑部；2 奧飛驒及
第二日，可以由松本巿個邊出發去立山；即日來回，住返松本巿或者直踩平湯溫泉。如果係蓼科溫泉住，咁即係放棄立山既行程，就可以去埋第一日去剩個幾個地方，又或者向北去美之原高原。再返返松本方向，係塩尻既果園食時令水果，然後先再去平湯溫泉。應該有時間可以上一上新穗高又或者去乘鞍高原。當晚住返呢一帶既溫泉酒店。
第三日就可以全日上高地了。然後去高山巿住宿。
第四日可以晨咁早先向白川鄉。八點前到既話，影三個鐘相先走，D 團先岩岩到。返高山巿食個午餐。就可以南下返名古屋了。途中可以到三重縣既名花之里賞花。再係名古屋食晚飯。然後直駛機場還車。兼係機場既酒店過夜。第二朝七點行過機場走人。
呢個係最新企劃。
