bennylau127:即是官方認可這種陳述方式?
對於明踩另一球隊既語句都可以接受, 而暗示或是語帶相關的字句或疑問句卻要被罰?
如果準則現在澄清及重定是這樣的話, 我也無話可說,
只能怪自己對於別人明踩阿仙奴太在意.
(2014-03-15 12:00) 
我諗你調轉左D 野黎諗了。唔係官方認可，係官方都無權去阻止！
一個論壇，就係比人要黎討論既地方。我地係足球論壇，黎呢到既人自然就係討論足球。批評球員表現，批評球隊表現，幾乎係一定會出現既評論。你可以睇睇每個星期既直播區，有邊個星期，最多球迷個幾隊既球隊會無人批評？尤其當佢輸波個陣，幾難聽既批評都會出現。如果咁都唔比，我地論壇仲可以比人討論D 咩？
今年比人鬧得最甘個隊點睇都係曼聯。每個星期係呢到鬧曼聯既人會少？我地自己身為利迷，利記踢得差個場，我地唔係一樣會鬧咩？「踢到成PAT 屎咁！」「踢成咁，輸鬼左佢好過！」「斬斬斬，斬燒味咩？」呢D 批論，比你上面引述既更加負面，都可以接受。點解上面個兩句唔可以接受？
希望你明白，呢個唔係甚麼「明踩」唔「明踩」既問題。呢到有唔少會員，都會長期啄住一兩隊波或某一兩個球員黎批評的。你可以覺得佢雞蛋挑骨頭，你可以覺得佢無理取鬧，你絕對可以唔認同佢，甚至同佢理論，同佢片過都得。但唔可以係討論既過程中作出人身攻擊，呢個，我相信你一定能夠理解的吧？
你鐘意奉邊隊波，又或者踩邊隊波，嚴格黎講，我地真係管唔到的。但如果你踩個隊波踩到過哂界，例如鬧某個球員係狗，甚至，鬧某個會員係狗既話，我地就要干涉了。
