孩子在香港街頭小便大陸夫妻與港人發生激烈衝突 [復制鏈接]

另類入侵

ODIN:我想講句心底話，香港人o係呢件事都唔係全對，係唔係有更好的方法去處理呢類型的問題？
上年我同我太太及佢的內地親友遊澳門，o係茶記食食下野遇上舅父的BB女開左大要換片。佢想o係餐廳立即做，因為係室內地方少D人見到(同埋真係冇地方換)，我地就話唔好，因為陣味會影響其他人。 .. (2014-04-28 09:51) 

香港人的投訴文化越來越恐怖, 作為香港人我自己都睇唔過眼。唔順眼內地人過份標籤, 有關大陸的就先入為主用覺得一定較差, 我復活節假同幾家親戚返大陸就經常同佢地同爭論呢題目............

但, 今次事件, 我個人覺得唔係單單睇今次, 如果今次係第一次發生, 我相信成件事唔會發到咁大, 之前太多太多次的例子了, 係商場中心都會咁做, 我親眼見過地鐵香港站都有, 你都識講搵唔到厠所都會去後巷, 真係急的, 都唔差在一分半分鐘行埋一邊都好, 但太多例子真係一轉身就射三分波,  冰封三尺呀.........

麻凡:
香港人的投訴文化越來越恐怖, 作為香港人我自己都睇唔過眼。唔順眼內地人過份標籤, 有關大陸的就先入為主用覺得一定較差, 我復活節假同幾家親戚返大陸就經常同佢地同爭論呢題目............
但, 今次事件, 我個人覺得唔係單單睇今次, 如果今次係第一次發生, 我相信成件事唔會發到咁大, 之前太多太多次的例子了, 係商場中心都會咁做, 我親眼見過地鐵香港站都有, 你都識講搵唔到厠所都會去後巷, 真係急的, 都唔差在一分半分鐘行埋一邊都好, 但太多例子真係一轉身就射三分波,  冰封三尺呀.........[表情]

所以政府講的包容，大致係叫我地以對待智障人士o個種的接受與諒解...

大家嬲的係覺得佢只係裝傻扮懞，甚至係夾硬黎~

回想起當日我地班後生出口同我太太的舅父講，佢回你一句「o個小朋友賴緊ah ma，咁可以點姐？」其實我真係當堂呆一呆...

ODIN:所以政府講的包容，大致係叫我地以對待智障人士o個種的接受與諒解...
大家嬲的係覺得佢只係裝傻扮懞，甚至係夾硬黎~
....... (2014-04-28 17:53) 

以我所觀察, 佢地的小朋友真係忍唔到的, 點解? 習慣, 習慣左隨時隨地一轉身就射, 就真係忍唔得耐的, 惡性循環~~~

龍友大戰強國人動畫

https://www.facebook.com/photo.php?v=301835163299728

麻凡:以我所觀察, 佢地的小朋友真係忍唔到的, 點解? 習慣, 習慣左隨時隨地一轉身就射, 就真係忍唔得耐的, 惡性循環~~~[表情] (2014-04-28 18:20) 

我覺得係因為父母太錫自己的仔女，所以願意比佢地為所欲為，成為左內地版本的怪獸家長。

不過，大人隨處解決的另計。

ODIN:
我想講句心底話，香港人o係呢件事都唔係全對，係唔係有更好的方法去處理呢類型的問題？
上年我同我太太及佢的內地親友遊澳門，o係茶記食食下野遇上舅父的BB女開左大要換片。佢想o係餐廳立即做，因為係室內地方少D人見到(同埋真係冇地方換)，我地就話唔好，因為陣味會影響其他人。最後爭持左一陣之後，我地建議佢行左去冷巷搞，我地幾個後生的就築起人牆擋住。
我覺得大部分香港人都係有善的，但拍片o個位人兄影到人地小朋友的私處，又唔見得好好。佢有冇嘗試去解決問題？還是刻意去製造問題？而且，我們不能只針對內地人。佢地話，香港洗手間不足，呢個連香港人都知，冇地方去需要o係街邊解決，你估香港人未試過？只少我細過已經見唔少。點解當開放自由行的時候，政府唔去起多D配套設施？
.......

「拍片o個位人兄影到人地小朋友的私處」呢個正正就係大陸官媒攻擊香港人的論點。不過佢地就選擇扭曲整件事情指鹿為馬，將原本既男童變成女童，然後環球時報就出左篇「港人拍女童私處是西方文明？」攻擊港人肆意拍攝女童私處來轉移視線。

首先，我地可以先睇睇當日路人所拍攝到既相片，係網上搵到既都係一的遠距離既照片︰





就照片所看，所拍攝既照片只係拍攝整件事情，並沒有專登拍攝男童的私處。況且，連是男是女從照片上根本就睇唔到，又何來「肆意拍攝小朋友私處」呢？我地都係要從後來警方的聲明才得知照片上的小孩是男童 (http://news.sina.com.hk/news/20140423/-2-3245374/1.html)。

其次，是該內地夫婦選擇係鬧市大街大巷當眾為自己小朋友脫褲大小便，路人只是將呢個係文明城市極度荒謬既事情拍低，呢個並沒有侵犯他人的私隱，因為是你自己選擇係公眾場所進行一些原本係私隱的事情。正如，若果我係彌敦道裸跑，有途人影左我的照片，我並不能說途人侵犯我的私隱拍攝到我的私處，因為我在選擇裸跑的一刻已經自己放棄左自己的私隱權了。

火鳳凰:「拍片o個位人兄影到人地小朋友的私處」呢個正正就係大陸官媒攻擊香港人的論點。不過佢地就選擇扭曲整件事情指鹿為馬，將原本既男童變成女童，然後環球時報就出左篇「港人拍女童私處是西方文明？」攻擊港人肆意拍攝女童私處來轉移視線。
首先，我地可以先睇睇當日路人所拍攝到 .. (2014-04-29 10:56) 

就好似林思慧事件咁，其實句粗口好一般，但就比人肆意攻擊~

可能，可能係搵野遮住o個位，會好DD...
(不過硬係要搵位入的話，你係冇得避)

ODIN:就好似林思慧事件咁，其實句粗口好一般，但就比人肆意攻擊~
可能，可能係搵野遮住o個位，會好DD...
(不過硬係要搵位入的話，你係冇得避) (2014-04-29 11:25) 

連男童都可以變做女童黎攻擊，仲邊有得避？

「女童私處」比起「男童私處」可以更加振振有辭嘛……

ODIN:就好似林思慧事件咁，其實句粗口好一般，但就比人肆意攻擊~
可能，可能係搵野遮住o個位，會好DD...
(不過硬係要搵位入的話，你係冇得避) (2014-04-29 11:25) 

唔需要被人牽住鼻走，「是其是，非其非。」就係咁簡單。

國球旗:唔需要被人牽住鼻走，「是其是，非其非。」就係咁簡單。[表情] (2014-04-29 11:46) 

就正正係是其是，非其非，我先出聲。

如果係我，我會叫佢去洗手間，叫佢行埋一邊，但都唔會影相、拍片~

可唔可以當O個位客人係你的內地親友？

如果佢係你的親戚，你識的內地朋友，你仲會唔會影相？

就係因為上年我太太的舅父o個件事，令我對中港的矛盾有另一種體會...

國球旗:唔需要被人牽住鼻走，「是其是，非其非。」就係咁簡單。[表情] (2014-04-29 11:46) 

巧有型呀大佬旗~~~

ODIN:就正正係是其是，非其非，我先出聲。
如果係我，我會叫佢去洗手間，叫佢行埋一邊，但都唔會影相、拍片~
....... (2014-04-29 11:54) 

我自己都一定唔會影相、拍片……

但係有人選擇影相、拍片的話，我又諗唔到有咩野理據去指責佢地……

或者咁睇，若果影相既係一個記者，你又會唔會有唔同睇法呢？

香港而家有好多人都當正自己係網上記者，郁的就拎部手機出黎拍拍拍、錄錄錄……

火鳳凰:我自己都一定唔會影相、拍片……
但係有人選擇影相、拍片的話，我又諗唔到有咩野理據去指責佢地……
....... (2014-04-29 12:04) 

因為21世紀係社交媒體日益壯大既年代 大家見到呢D野都係第一時間諗「影低佢放上網Share先」

而家youtube都已經唔係單單係一個影片分享網站了

火鳳凰:我自己都一定唔會影相、拍片……
但係有人選擇影相、拍片的話，我又諗唔到有咩野理據去指責佢地……
....... (2014-04-29 12:04) 

儘管傳媒的角色愈來愈模糊，但傳媒有自己的規條要遵守，亦要為自己的言行負責~
就正如我之前講，影相o個位人兄的動機有可能係製造話題，同記者影相的目的好唔同~
我記得生果報之前影內地人成日周圍"蹲"，影人地裙底話人地易走光，咪一樣比人_...

雖然，內地人真係爭唔落(其實上星期我已經想出聲，但打完篇野之後又delete左)
但唔等於我地要比政府玩弄於語言偽術之中...