八強賽事完成。4 強全部係名牌大熱！李克勤或一眾膚淺球迷如我應該好開心。
今屆四強，暫時無咩邊隊係特別標青，又或者一致睇好。咁即係話，隊隊都有機會爭標。牌面睇，似乎阿根廷同德國既呼聲較高。巴西係重量級球員尼馬傷出，施華缺陣下，天殘地缺。靠費特、候克之流，要再下一城，恐怕難成大業。今晚對德國，睇黎都係佢係今屆世界杯最後一場爭標賽事（季軍爭奪戰唔計啦，例行公事）。阿根廷雖然同樣有迪馬利亞傷出，但勝在後備兵源充裕，荷蘭同樣少左個迪莊，中場搶截恐怕會被比下去。究竟仲可唔可以靠洛賓一個單天保至尊呢？呢場比起巴德大戰，似乎更加引人入勝。
我自己就睇好決賽德國對阿根廷，然後阿根廷奪冠（但其實我支持德國多D 的………），各位好友又如何？最後一次既競猜遊戲。估決賽名單，估冠軍誰屬。
決賽：德國VS 阿根廷
冠軍：阿根廷
估中既好友可以獨得或平分三萬好友元。
特別一提：會員SIUZAC 可以以累進方法競猜。將已得獎金33330 押注，估中可以獨得總獎金十萬好友元。請SIUZAC 係競猜時特別注明。
截止時間，今晚開波前一分鐘。
