說冠軍，誰是冠軍！最終回！ [復制鏈接]

PonG:花生GE 野你識咩呀 [表情] (2014-07-10 22:18) 

大佬，成個世界杯，你睇我開左幾多個TOPIC，個個貼左答案就走，講多句都嫌麻煩。


幾難今日叫做有個TOPIC有人回下，內容都叫同足球有關，唔夠幾頁又同我拉到無雷公咁遠。咁即係明攪死我個TOPIC既者。

freezefox:大佬，成個世界杯，你睇我開左幾多個TOPIC，個個貼左答案就走，講多句都嫌麻煩。
幾難今日叫做有個TOPIC有人回下，內容都叫同足球有關，唔夠幾頁又同我拉到無雷公咁遠。咁即係明攪死我個TOPIC既者。[表情] (2014-07-10 22:22) 

有時ge 野.....

但琴晚場波真係無咩好討論, 悶到

PonG:有時ge 野.....[表情]
但琴晚場波真係無咩好討論, 悶到 [表情] (2014-07-10 22:26) 

宜家咪就係討論緊悶既原因囉。

其實我都唔想再出聲，你地平時見我都係出post多，好少參與討論(一討論就出事了)，
但件事因我而起，我都想講下感受，大家咁樣我自己都有d唔好意思。
有關荷蘭就唔再講了，要講都講哂，想講下麻凡兄句回覆。

荷蘭球迷, 請問你當初係咩原因而令你決定支持荷蘭隊?

其實句野本身可能冇咩意思，但夾埋我篇野
http://bbs.hkbff.net/read.php?tid=117164&ds=1&page=6#5962393

我會覺得你者係話荷蘭已經變左質，所以我唔應該繼續支持，
還是我個諗法係錯，你覺得我咁支持功利足球，
我又支持出名(實際已經唔係)踢法華麗的荷蘭?
可能我有d敏感，但我第一個反應係咁，所以我覆你

我只知道要贏就可能需要妥協
改變甚至放棄本身風格
亦要因時制宜因應唔同球員能力去制定不同打法
一成不變只會被淘汰

http://bbs.hkbff.net/read.php?tid=117164&ds=1&page=8#5962446

其實中意一隊波一定需要好合理好恰當的原因？中意件波衫，中意其中一個球員，甚至第一眼睇到隊波合眼緣所以支持都得掛。
我中意荷蘭，咩踢法都支持，中意一隊波有時係冇理由，講感覺，你自己都講

話時話, 我都唔喜歡昨晚隊阿根廷, 即使佢嬴波。
但我仍然係會繼續盲目支持阿根廷~~

http://bbs.hkbff.net/read.php?tid=117164&ds=1&page=8#5962462


咁又何必睇完我唔介意荷蘭踢醜陋足球的言論後，故意問我點解中意荷蘭(者係假設好似我好唔正常，竟然中意咁保守的荷蘭)

當然可能只係我敏感，你只係好奇，但你一句"荷蘭球迷"
我的確有d唔知你想點的疑問。
至於你話我冇覆，其實我覆左兩次。

但點都好，我知麻凡兄你應該冇惡意，可能只係我地溝通上有誤會。
至於SAM哥仲無辜，佢都係討論埸波+有感而發。

無論隊波點變， 變差變好，我都係一定繼續支持荷蘭，等於你支持阿根廷一樣。
今次到此為止好嗎?希望大家可以討論返場波。

我以後都係專注出新聞比較合適

其實呢埸波 荷蘭都明顯再比之前比賽縮後,
一方面可能係因為之前120mins加時比賽加上經歷完射十二碼,
都為球員帶黎一定程度既疲憊,
而且面對阿根廷, 與哥斯達黎加不同,
明顯想先做好防守, 再用上幾埸既主要(唯一)攻擊手法(Sneijde/Robben-->VPS)….

而阿根廷其實到呢埸都係未見到佢地有一個有效既進攻模式, 只靠Messi及各星個人能力發揮, 所以面對荷蘭既縮後防守, 佢地都顯得有d老鼠拉龜.

而係荷蘭輸十二碼方面, 可以講係還債, 上次換入Krul撲十二碼, 先莫論是否苦練成果, 但心理同部署上確實為對方帶黎壓力, 影響射十二碼表現,
但今次因為換人名額用晒, 阿根廷球員知道唔需要再怕”十二碼專用門將”, 反而輕鬆左, 令表現發揮正常, 所以某程度都係一種還債..


總結, 其實雙方都係防守為主, 悶波一埸

羅力亞:仲有個係De jong(我只係話有料，冇話一定同進攻有關，Kuyt欣賞佢勤力，但唔係最有料)
有RVP有咩問題？
佢狀態係麻麻
....... (2014-07-10 19:57) 

講番場波先。


有RVP當然冇問題，因為呢個係你個人既睇法，點會「有問題」？我只係唔同意者。即係，我唔同意佢係打得好或有料到。

的確，佢係有質素既球員。就正正係因為佢有質素，對佢既要求自然高。如果佢發揮唔到佢應有既實力，表現係佢原有水準以下，咁我唔認為佢叫打得好。佢係名牌球員，打得好唔好都仲引起對手注意架啦。而LENS 根本都同佢唔同級數。打得好過LENS係應份吧。呢兩個都唔可以作為佢打得好既理由。反而，係咪可以把握到一場波僅有既機會先係關鍵。當然，呢場波，可以比到佢既機會著實唔多，但當機會黎到，佢又真係把握唔到喎。至於上一兩場，佢更加只係不斷越位，比唔到入肉既威脅對手。

另外，有質素既球員，亦可以自己制造機會的。雖然佢唔係尼馬呢樣善於作個人突破既前鋒。但形勢有變，自己都要作出一定既改變黎配合。希古恩都嘗試係邊線突破，嘗試墜後拎波。仲比左兩個好靚既傳球添。但VPS成場就真係行行企企。無波到腳個陣就真係齋係到等波到。好難得有波到，又組織唔到咩攻勢。簡單D講，無咩建樹。所以我唔認為佢係打得好既其中一員囉。


呢個係我個人既睇法。

羅力亞:其實我都唔想再出聲，你地平時見我都係出post多，好少參與討論(一討論就出事了)，
但件事因我而起，我都想講下感受，大家咁樣我自己都有d唔好意思。
有關荷蘭就唔再講了，要講都講哂，想講下麻凡兄句回覆。
....... (2014-07-10 22:44) 

又唔駛咁既。討論當然就一定會有唔同睇法。有唔同睇法，咪講出自己既理據囉。我覺得無問題架喎。大家有POINT既，你「咬」幾十頁都得架！


無花火既討論等如尋晚既比賽，悶戰一場。

freezefox:LULU 都有著德國隊球衣喎。 (2014-07-09 09:44) 

LULU 係支持德國嘅

係想知 LULU 係咪燈死某隊姐

freezefox:過哂截止時間啦。場波都打埋啦。[表情] (2014-07-09 09:44)

點都好, 我錯左HALF,

不過坐睇 德國隊 攞冠軍

其實我一開始本來冇諗住回覆sikingthegreat 既post, 但佢最後果兩句 "咁而家球隊踢法唔同左, fans就應該要放棄/停止支持球隊?!", 在一個以足球為主的論壇來說, 這是一個很不客氣, 很容易令人對我產生反感的指控, 所以我覺得必須要澄清。
但之後的發展..............咁多回覆我自己都睇唔哂, 大家自行判斷啦。完。

羅力亞:其實我都唔想再出聲，你地平時見我都係出post多，好少參與討論(一討論就出事了)，
但件事因我而起，我都想講下感受，大家咁樣我自己都有d唔好意思。
有關荷蘭就唔再講了，要講都講哂，想講下麻凡兄句回覆。
....... (2014-07-10 22:44)

我只是一句好普通的提問, 點解你可以諗到咁多野? 你諗多左了~~~
以你平時出咁多新聞, 平時討論時字裡行間的分析及見解, 好明顯你的足球知識及對足球的熱情高出我好多, 我點敢向你叫陣呀?
一隊球隊改變踢法有好多原因, 可能係市場須要, 教練要求, 球員青黃不接等等...我睇緊你的回覆時係度諗, 其實大家一開始係咩原因支持自己的愛隊? 球隊打法變了, 大家仲會唔會喜歡? 於是我便提出問題了, 簡單d即係R水吹............
我完全冇打算反對、說服、甚至叫你放棄/停止支持球隊, 所以我已經即刻澄清及表達無論我愛隊打得好唔好我都繼續支持的立場, 就係唔想你誤會, 可惜你結果都係誤會了~~~

唔好唔繼續討論, 其實這裡已經氣氛唔錯, 算很克制的, 偶然事件而已.....

AR.....我地繼續講波啦不如...........頭先4:00, 我竟然自動彈起身想睇波, 真係賤骨頭~~~

迪克:死啦……睇唔明咩咁大件事喎……
定有舊怨我唔清楚呢……
點解可以片到咁既[表情] [表情]
....... (2014-07-10 21:30) 

我問得天真你先答得天真啫, 啱架LA, 我其實係R水吹啫, 你呢D答案非常好, 你答得太深入我反而搭唔到咀~~~

如果上天一定要阿根廷拎冠軍...至少都要換走美斯先好俾阿根廷入波...please

真秘密:如果上天一定要阿根廷拎冠軍...至少都要換走美斯先好俾阿根廷入波...please[表情]  (2014-07-12 00:44) 

笑死