《yes!!》停刊 城市驚喜 毒瘤明成回憶 [復制鏈接]

曾被學校視為「毒物」嘅《yes!!》雜誌，7月31號喺社交網站宣布第1219期係最後一期嘅印刷版，為咗緊貼新聞電子化嘅趨勢，佢哋將會推出電子版，都算係一個時代嘅終結。 80、90後(甚至70後)都會認識《yes!!》呢本雜誌，佢曾經係同學們偷偷帶返學校嘅受歡迎刊物，入面嘅「校園投訴組」、「Miss Sex熱線」、「華少」、「少年古域」專欄更可能係各位讀者嘅集體回憶。當年本書仲係叫《Yes!》，創刊不久即深受青少年丶中學生歡迎，更創出每期逾10萬嘅銷售量。後來以藝人照片製作的Yes! Card更加係大受歡迎，其銷售量更代表藝人受歡迎嘅指標。Yes!Card高峯期試過月售500萬張。《Yes!!》仲有一個極受歡迎嘅專欄名為『城市驚喜』，每期搵一個素人少女當模特兒拍照，有唔少上過呢個欄目嘅女仔更因此踏上星途。曾經上過『城市驚喜』嘅藝人包括鄧麗欣丶張柏芝丶蔡卓妍丶楊愛瑾丶陳自瑤丶李彩華丶徐子淇、李蘢怡、范萱蔚、裕美、賈曉晨等等。而當時13歲，仲係叫梁樂瑤嘅梁洛施更加係一鳴驚人，成為該期雜誌封面。 本書人氣旺，捧人掂，踩人都有一手。當年有傳雜誌老闆倪震不滿劉錫明公開表示對其緋聞女友周慧敏有好感，於是在《Yes!》力踩劉，並以諢號「毒瘤明」稱呼。劉錫明因此人氣大跌，要轉往台灣及內地市場發展。 《Yes!》於2004年賣盤，並改名為《yes!!》。今年7月下旬推出1219期之後久未有新一期推出，引來讀者查詢，雜誌終於宣佈停止出印刷版，將改以電子刊物形式推出。

https://hk.mobi.yahoo.com/story/?key=hk:data:story:59db0b7a-2946-31f4-a552-d6c8543d9d91&site=omg&ctg=entertainment

原來已停刊 ?

毒瘤明真係影響深遠

以前好鐘意睇...不過其實好少機會睇

話說《Yes!!》我係由創刊號開始，買到大約四十幾期，主要係睇「少年衛斯理」連載。

真係從來未買過黎睇………

果陣d性知識都係睇miss sex學番黎，就算有d字眼黑色highlight左其實都睇到

華少改歌詞又係好鬼正，抵死得黎又啱音

仲有入手機鈴聲既譜tim，果陣一買返黎就幫部Nokia入鈴聲

btw, 屋企仲有幾本陳冠希做封面既yes!

freezefox:真係從來未買過黎睇………[表情] [表情] [表情]  (2014-08-06 11:16) 

竟然!?

g3rMan:竟然!? (2014-08-06 11:41) 

呃你做咩。

以前都成日買

freezefox:真係從來未買過黎睇………[表情] [表情] [表情]  (2014-08-06 11:16) 

未買過黎睇+1










因為班上總有人買~XDXDXD

迪克:未買過黎睇+1
....... (2014-08-06 19:25) 

我連睇都好少睇。好似都係去飛髮鋪剪頭髮時先會揭幾下。