麻凡:好似話有“向太的反擊”喎，有無公開架？
(2014-09-09 19:17) 
貴為影壇巨星的周星馳，越紅人緣越差，跟他合作的電影人多反面收場，近日網上流傳《為甚麼這麼多人黑周星馳？》文章，內容全為他唱好解畫，然而，文中卻辣到永盛老闆向華強有黑道背景，向太陳嵐不忿老公被抹黑，數臭周星馳惡行，寰宇老闆林小明更怒轟：「佢份人差到冇人有！」記者昨日曾聯絡星爺，至截稿前仍未聯絡得上。
寰宇老闆林小明曾跟周星馳因電影《少林足球》的版權問題對簿公堂，昨日林小明接受本報電話訪問，狠批周星馳人品差兼自私：「佢份人差到冇人有，同呢個人做生意根本冇得做，只有佢着數，佢為人好自私，雖然有才華，但都要顧人感受，自問冇本事同佢做朋友，《少林足球》後已經反晒面，對佢為人不敢恭維，反而向太為人好有義氣，好坦率好爽朗，如果向太底線咁低嘅人，都唔可以同佢做朋友，佢為人可想而知！」
曾痛批周星馳是暴君的導演王晶，原來當年兩人拍電影《千王之王2000》時，王晶受過一肚氣，向太向雜誌爆料指當時周星馳開價一日片酬一百萬，但每日3時才露面，還要一面反眼樣，製片更要跪地求他出席首映，王晶昨在電話說：「冇嘢可形容周星馳，作為一個人，佢已經俾人鬧爆晒，我諗唔到新角度鬧佢。」
而跟周星馳合作電影《國產零零漆》和《唐伯虎點秋香》的李力持則說：「你同佢有乜拗撬唔關我事，我親歷其境見到佢又打觔斗又除衫，我就心滿意足，呢啲陳年往事有乜好數唔數臭，佢𠵱家已經係大老闆，住喺天上面。」問到覺得星爺為人？他提高聲線說：「為人梗係好啦，為人低調嗰度好，我唔知佢對其他人點，對我還可以，𠵱家少咗聯絡，以前得意啲，衰格得嚟抵死，𠵱家匿埋咗。」
在《為甚麼這麼多人黑周星馳？》文章中，直指當年李修賢將周星馳片約「賣給有黑道背景的向華強」：「周星馳被疑為黑社會成員，他為了證明自己的清白，打了兩次官司，最後都失敗了。加拿大移民局之所以認為周星馳涉黑，是收到了香港圈中人的匿名舉報，說周星馳當演員是為了幫香港黑幫洗黑錢，很多人懷疑是向華強一手導演的戲碼，為了阻止周星馳離開。」
向太接受雜誌訪問否認指控，還罵周星馳是衰人，拒接他的道歉電話，她昨在電話餘怒未消說：「𠵱家我接受訪問講嗰啲，唔係去到盡，好多基於法律問題保留咗冇講，佢作為演員不專業狀況，罄竹難書，佢拍拍吓戲失場唔見人。」問是否跟他已沒朋友做？向太不屑說：「佢唔當人朋友，我唔會咁蠢當佢朋友，我講嘢有根有據，我喺呢行冇數臭一個演員，佢唔係激到我爆燈，唔會爆出呢件事，我最緊張老公，俾人詆毀老公，點可以唔出聲。」
向華強兒子向佐昨在微博為父母出氣，留言詛咒：「周星星，你媽蛋！去死喇。」
