過左聖誔，大家睇左咁多隊既表現，對今年誰冠誰亞，應該都心裏有數。不如攪個遊戲比大家表現下自己有幾咁好眼光啦。就估下今年英超前四誰屬。答案請用下列形式列明：
1.修咸頓 2. 韋斯咸 3. 西布朗 4. 史篤城 （請將答案一行過列出，不用分行）
只要估中哂前四四個位置屬於邊隊球隊，就可以獨得或平分第一彩池。總數廿萬元好友元！！
如果只係估中邊四隊入到前四，但估錯位置，仍然可以獨得或平分第二彩池。總數五萬元好友元。
以上彩池，以2月10 號前提供答案者為準。答案一經提供，不能更改，否則作廢。
2月10 號之後，仍然可以提供答案。只要係3月10日截止前提供答案就可以了。但兩個彩池既獎金都會減半。另外，如果2月10 日前已經有好友估中答案，即2月10 日後估中既好友係唔會獲發任何獎金的。獎金會由2月10日前估中既好友獨得或平分。
舉例，2月10 日前有5位好友估中冠亞季殿四隊球隊，另外有3 名好友估中邊四隊入前四但估錯位置。即前5名好友可平分第一彩池廿萬，另外個3名好友+頭先個5名好友（共8 名）就會平分第二彩池既五萬。
但如果2月10 日前無人估到前四各名次球隊，只估到邊四隊入前四。咁估中既可以平分五萬好友元之外，第一彩池會順延比2月10日之後提供答案既好友。有人估中就可以平分或獨得十萬好友元（獎金已經減半）。但只估中邊四隊但估錯位置既好友，就唔會有任何獎金。因為第二彩池已經被2月10 日前提供答案又估中左既好友平分左了。
如果你係2月10 日前提供答案，雖然唔可以更改，但可以要求取消。係2月10 日後再次提供答案。可以當你重新加入。舉則照舊。但不能2月10日前後各提供一個答案，同時並存。如有發現，一律取消資格！
有唔明既歡迎發問！呢個TOPIC 亦歡迎吹水！
特別獎金：凡係今個星期六（1月31日）英超開波前提供答案者，不論勝負，即時可以得到一千元好友元特別獎金！
