各位！各位！我只係話有力「爭」前四者。我無話佢可以穩佔前四。尤其係講今季。
高普季中先接力，摸都有排摸啦。但以前四為第一個目標去競爭，應該都係好合理既要求者。否則既話，唔駛炒羅SIR 啦。
另一方面，好多大家季前都無估計到既情況出現，亦有利利物浦爭前四的。例如車路士令人意外既衰落，就令本來前四既位置多左空間出黎比人爭了。其實換左領隊後，太多UNKNOW，好多野都話唔埋的。可能全季利物浦仍然係浮浮沉沉結果第五六完成賽季，但無可否認地，換左領隊，尤其個個係高普，就會多左份可能性出黎。呢個係十份值得期待的。我深信英超既戰情會更加激烈。更多令人意外的情況會出現都未定。
斷言一定可以或者一定唔可以都似乎言之過早了。
