第一次現場睇叱吒，先講感受
1.由於轉左贊助商，以往由信用卡儲分換飛，今年公開賣飛，入場門檻低左，比我後生的樂迷多，最歌結果唔意外，投票入箱一刻已見到大量「原來她不夠愛我」的C票。
2.叱吒最吸引人的地方係可以講任你講得獎感受，wyman自己告自己言論、坤哥在叱吒台上多謝番tvb、克勤祖兒互串都發放好多笑彈。
3.Sunny借「幸福之歌」的歌詞「忙著擁有 忘掉你我本都一無所有」和 珍惜一滴水 說明珍惜所擁有的道理，呢番說話令我好深刻，全晚eason、千嬅有獎冇黎，年代唔同心態改變無可厚非，作為樂迷我覺得即使全晚得一個獎，都係叱吒給予歌手的一個肯定，接受獎項和唱歌都係對樂迷的交代，請珍惜你地今日的成就都係叱吒首先去認同。
4.全場氣氛最high的係 DoDo姐頒獎和林海峰段片，當然仲有Supper Moment拎組合金唱「煩擾中起舞」叫全場起身的一刻
5.開始覺得Generation的轉移了，現場坤哥和Supper Moment得獎的歡呼聲好大，hins同kay完全被比下去。
跟住要彈今年的叱吒:
1.今年個rundown將最緊張的叱吒十大擺後，結果前面overrun搞到播歌cut歌手得獎感受。其中fiona相隔9年再可以上台唱歌呢個感動位都無得講耐少少。
2.今年部份DJs的 Tag用得好差，最嚴重係 tag過客別墅 結果頒俾 找對的人，最組 tag C AlllStar 結果頒俾 Supper Moment。
3.樂隊set野的時間，sunny救deadair救得好好，但其實都可以播mno
4. Juno拎至尊碟被DJ逼唱碟內無既歌耿耿於懷，無得唱念念不忘
至於全晚最灰：
1. C AllStar 好慘，得番組合銀，冇得唱，坊間統計係全年最高播放率的組合、十大ap歌逾越生死都調走埋...
2. Juno再一次失落男銅，坊間統計08年同15年男歌手全年播放率第三，叱吒真係欠佢好多...
3. 最有迴響的「羅生門」不敵坤哥「原來她不夠愛我」失落最歌，多得年尾借tvb爆喊唱歌的宣傳片段
現場先見到既野：有兩段得獎歌曲的video好正
1. 坤哥拎新力軍金的video，d tags 好正....其中有個叫 #眼鏡不坊矇一點
2. fiona拎第五位所有下雨天的video，donald同西瓜、謝茜嘉、小儀拍的雨中漫步片，堅好笑
全晚的大贏家：
1. Supper Moment首奪十大、組合金、最組，其實仲憑sunny臨場的mc技巧仲贏到現場樂迷最熱烈的掌聲
2. 坤哥呢5年在網上平台youtube、fb、ig的經營，儲落大量肯去投票支持者，佢那的一份搞笑形象和傻勁已經再贏得新一代的追隨，贏在懂得包裝和宣傳自己。
-------------------------------------------------------------------------------------
睇完場show真係有d心up，有年資的樂迷點解唔買飛入場呀？ 十一年前耿耿於懷的故事，昇華到念念不忘再到羅生門輸得唔抵，千嬅同wyman 經過十多年後冰釋前嫌的一筆最好的債 都不能在呢一年最歌記載下來....唉
[ 此帖被可可粉在2016-01-02 11:51重新編輯 ]
