葉國謙死撐：畀人用刀「行」住條頸 先係跨境執法
立法會保安事務委員會主席、民建聯立法會議員葉國謙在林榮基舉行記者會後，接受本報查詢時表示，看不到今次林榮基事件有跨境執法問題，「唔係有(內地)人話要去(林榮基)屋企搜查，只係叫佢提供資料啫，
佢喺香港有自由，如果佢畀(內地)人用刀行住條頸，就係跨境執法」。
葉國謙又指，林榮基是因為違返內地法例被拘留，內地做法並無抵觸基本法，立法會在現時情況下，未有理由作出跟進，「我相信市民只係關心有無境外人員來港執法，宜家係無，我地唔可以干涉內地的行為」。
葉國謙又指，有關港人在內地被拘留的問題，他過去都收過不少投訴，當中不少涉及逾期拘留，他已多次以人大代表身份，要求內地政府拘留要依法進行。
對於內地人員曾威迫林榮基讀稿「受訪」，葉國謙認為內地有關做法「相當不智」，認為任何人都應有自由表達真正看法，不應在被迫下受訪，「有關執法人員都應該睇到呢個唔係合理情況」。對於林榮基指返港後疑被人跟蹤，葉國謙認為，林榮基應向警方投訴，「如果有人對佢作出威嚇，警方會調查」。
用刀降住條頸唔係「跨境執法」，係「跨境犯法」呀！
