[電影]第35屆香港電影金像獎，《十年》獲最佳電影 [復制鏈接]

稱未看過《十年》　黃百鳴評獲獎是「笑話」、「極大錯誤」　令香港電影倒退十年 (20:32)

獨立電影《十年》昨晚獲頒金像獎最佳電影，資深電影人黃百鳴直言是「笑話」、「極大錯誤」，對結果感愕然。他認為《十年》奪獎會令香港電影倒退十年，「以後香港電影無準則，不如我拍個尖銳啲題材，我就最佳電影，我使乜要咁畀心機去做好一部電影？以後香港電影仲點會進步？」

他認為電影是綜合藝術，最佳電影應頒予各個崗位，包括導演、演員、燈光、攝影等均有高水準的作品，「如果你覺得（《十年》）題材係新穎，創意係好，咪畀個最佳劇本囉，你唔可以畀個最佳電影佢」。他質疑《十年》不能代表2015年的香港電影，「香港電影仲要行出外面，要畀人睇，你代表2015年最佳電影，去畀外國人一睇，咁㗎？咩嚟㗎？甩甩漏漏咁」。
不過，到底《十年》有何甩漏？黃百鳴坦言自己未看過該片，「老實講我無睇過呢套戲，但我覺得佢50萬可以拍到識飛呢，我都服咗佢」。
黃百鳴是《葉問3》的監製兼出品人，該片有份角逐今屆最佳電影。他說，因前作《葉問》已得過最佳電影，「唔會套套都畀你」，故事前已認為再奪獎機會不大，不抱很大希望，「亦唔係話食唔到葡萄就酸，唔係嗰樣嘢」。他說，《十年》是低成本製作，未獲其他項目提名，從專業角度「唔係最佳電影」。若其他提名電影獲獎，他覺得合理。

https://youtu.be/gzFSrmSSI94

160403第三十五屆香港電影金像獎：林敏聰，鄭中基頒獎

reve:《十年》網上有無得睇[表情]  (2016-04-04 01:36) 

X2. 唔係唔想買飛, 喺外國無機會睇........

posouth:X2. 唔係唔想買飛, 喺外國無機會睇........
[表情]  (2016-04-05 06:57) 

今屆金像獎「最佳電影」由「十年」奪得，寰亞電影老闆林建岳稱係香港電影界不幸，大陸媒體仲連得獎表都冇寫最佳電影呢一項。

另商台節目「在晴朗的一天出發」主持陳志雲今早聲稱，《十年》電視版權已售賣予無綫，不過未知喺邊個台播放。據知《十年》發行畀咗高先搞，tv right應該都包埋
《蘋果》問咗高登先(Golden Scene)發行人Winnie愕然表示，仲同幾個電視台傾緊未下決定，即係《十年》仲未賣電視版權出去。
另外，《十年》策劃人兼導演之一伍嘉良亦回應相關報道，佢稱無綫有主動接觸過佢哋，但佢哋唔想賣畀無綫，好多憂慮，例如怕佢買咗唔播，佢又認為院線再播機會唔大，因為即使當時落畫嗰陣，仍然場場爆滿，所以有冇人睇，院線唔係考慮因素，佢又稱暫時未有意向將版權賣畀其他公司，至少喺出碟前都唔會。
無綫主動接觸《十年》發行商想買電視播映權，係咪真係想播就唔知喇，但據知如果真係要賣，合約上都會訂明乜嘢時候一定要播，否則毀約。

http://hk.apple.nextmedia.com/enews/realtime/20160404/54945794

睇cctvb

搞錯美舊片係《十年》 強國人瘋狂下載



內地高調封殺香港電影《十年》，反而引起內地民眾高度興趣，在內地網站「人人影視」的熱門排名榜，《十年》竟是排名第二，僅落後於大熱美劇《Walking Dead》，可是，這套電影卻是一套2011年出品的同名美國電影。

多名內地網民以為人人影視突破中央封殺，上載今年香港電影金像獎的最佳影片，紛紛下載，沒想到出來的竟是一套西片，網民馬上大罵：「我還以為是第35屆香港電影金像獎最佳影片！」「還以為是hk的十年，人人也要做標題黨了」「應該不止我一個被騙進來了！」
不少網民亦在網站討論被指是涉及港獨的最佳影片，有網民稱「香港至少是三權分立，至少他們可以自己決定自己看甚麼影視作品，至少他們的小孩不會從小就被培養成某黨的洗腦產物......」
人人影視

http://hk.apple.nextmedia.com/realtime/china/20160405/54949545?top=4h

【A1頭條】《十年》獲獎　內地不滿　影業老闆發爛渣逼金像獎改制
http://bit.ly/1SygTtQ

從不參加金像獎這個「遊戲」的著名導演杜琪峯，昨晚出席電影首映禮時，被問及對《十年》獲最佳電影獎項的看法，對於林建岳斥《十年》獲獎是「政治綁架了專業」，杜Sir直斥，「林建岳呢個人，唔係拍電影㗎嘛！佢係畀錢拍電影咋嘛！如果真係騎劫得到電影節，咁就騎劫咗好多年啦。35屆呀！邊個夠膽騎劫佢吖？出嚟講嗰個人佢自己都唔夠膽啦係咪先？呢一行，我哋咁多導演，咁多資深嘅製作人呀，邊個夠膽？呢個係無可能，如果有，唔該你講個名出嚟畀我聽下，我未聽過，我唔參加唔好當我唔知，你唔好當我懵喎！」

對於林建岳、黃百鳴等大老闆指《十年》只有一個提名，證明其可觀性有限，杜Sir隨即反問，「好喇，咁試問講呢啲嘢嘅人，佢嘅背景又係乜嘢先？請大家睇睇，佢係咪公道嘅先？」杜Sir又直斥他們侮辱電影人，「呢個係電影嘅自尊嚟嘅。如果咁樣，即係侮辱我哋啫。我唔去唔代表我唔投票。

佢唔係拍電影架，佢係比錢拍電影架咋！




自己老闆都敢串，真係得佢先有呢個份量。

羅力亞:今屆金像獎「最佳電影」由「十年」奪得，寰亞電影老闆林建岳稱係香港電影界不幸，大陸媒體仲連得獎表都冇寫最佳電影呢一項。
另商台節目「在晴朗的一天出發」主持陳志雲今早聲稱，《十年》電視版權已售賣予無綫，不過未知喺邊個台播放。據知《十年》發行畀咗 .. (2016-04-05 07:46) 

千祈唔好賣俾無線

張同祖

其實你留意番D導演級/制作講既野同明星真係唔同

因為搞創作係要有獨立思考,有諗法
***唔計盲目瀨共

《十年》會喺今個月13號衝出香港，參加「大阪亞洲電影節」。祝一切順利！

【登陸Google!】唔駛再用自己方法睇非完整的十年了！
《十年》將於明日(星期五)率先登陸首個網上平台 Google Play (港澳地區) ，是完整版！完整版！完整版！大家請密切留意大大支持！
我們將會陸續公佈更多放映平台，與此同時我們仍會繼續走訪不同社區單位作放映會。請繼續留意我們專頁消息公佈。


        

羅力亞:【登陸Google!】唔駛再用自己方法睇非完整的十年了！
《十年》將於明日(星期五)率先登陸首個網上平台 Google Play (港澳地區) ，是完整版！完整版！完整版！大家請密切留意大大支持！
我們將會陸續公佈更多放映平台，與此同時我們仍會繼續走訪不同社區單位作放映會。請繼續留意我 .. (2016-04-14 20:05) 

有得睇未呀?