呢幾個月，我地同供應商商討緊來年續新約既問題。供應商建議我地採用新既系統，可以大大減低租金既壓力。由現有HK$5400.00 一年，大幅下調到接近HK$3000.00 一年。減幅達到百分之四十。但對於新系統，供應商未有提供好詳細既資料。所以現階段尚在商議中。由於技術支援版主垃圾桶身處外地，對於電腦系統既問題，本人及總版又所知有限。所以急需一位係呢方面可以協助我地既好友幫忙，處理有關事務，提供技術支援及建議。
有幸，我地得到好友文仔既首肯，願意出任技術支援版主一職。以後，佢就可以同垃圾桶一齊為好友努力！共營一個更佳既討論平台。希望大家都多多支持文仔！
@迪神 @文仔
@垃圾桶 [ 此帖被迪神在2016-11-01 16:50重新編輯 ]
