【奇妙粵語頻道77台】奇妙電視公佈5月14日晚上正式啟播上星期傳出「有線告急」消息，因為九倉主席吳天海表示有線寬頻過去8、9年都處於虧損，所以九倉決定唔再額外提供財務支持，新支持亦唔會再提供，會於5月31日收費電視牌照到期前是否接受新牌。(新聞連結：
http://bit.ly/2lGXylX ) 坊間亦有傳出消息指，更有傳九倉將財力全力發展奇妙電視，轉戰免費電視戰場。
奇妙電視今日於香港國際影視展舉行發佈會，奇妙電視執行董事張家龍，聯同杜汶澤、黎燕珊、何傲兒、何傲芝及一眾主持人都有出席。奇妙電視宣佈將於5月14日晚上正式啟播，換言之，奇妙電視將繼續運作。
奇妙電視粵語頻道(77台)將全日24小時以高清數碼及模擬制式廣播，主打合家歡娛樂。記招上還介紹了多個新節目，包括杜汶澤主持之《杜汶澤食住上》、方健儀同衛詩雅主持之《帶阿媽去旅行》等等。阿澤主持節目將會打頭陣，今日佢仲聯同節目兩位女主持：盧頌恩同鄺芷凡上台介紹新新目，但介紹期間阿澤同盧頌恩就有啲倒米之嫌，事關盧頌恩問阿澤，謂聽到坊間傳聞，話節目有機會「埋唔到尾」，不過只係講請嘉賓，阿澤就話：「其實嘉賓都請咗一半，不過有線都嚟衰，話要請好朋友，我就難搵啫！請唔妥，做300幾集都仲得！」鄺芷凡再問阿澤驚唔驚節目冇人睇？阿澤就話：「放心啦，我細個喺亞視出嚟，都發咗達啦，你哋擔心個電視台好過啦！」
至於奇妙電視開台節目主打，包括，
由杜汶澤率兩位女主持盧頌恩（妹頭）及鄺芷凡主持《杜汶澤食住上》，標榜係史上最口沒遮爛食綜藝訪談節目，除咗之前已經公佈咗介紹劣食環節之，仲會有阿澤唔算好多、但大有來頭嘉賓上節目傾偈爆料。
今次奇妙電視搵咗好多前主播嚟做節目主持，曾經做過《歡樂今宵》鵬哥盧海鵬，會喺《放試》中帶住趙海珠、林小珍等主持揭露港人真正特質；而黎燕珊就會同曾美華喺《朝拜傲媽》中揭香港最頂尖學校秘密。另一個由前主播方健儀就會同衛詩雅喺《帶阿媽去旅行》中為佢哋媽咪度身訂造旅程。
另外，何傲芝同何傲兒兩姊妹，將夥拍陳倩揚及朱潔儀等喺《喜出望外》中講衣食住行貼士，仲大談心男士類型；「大佬孝」邵仲衡則會喺《香港事…香港是…》之中搵嚟香足球名將山度士訪問，仲有晒球技。至於啱啱公開自己患皮盧癌河國榮，就會同李尚正喺《香港有寶證》中，大講被香港人忽略「寶」。
歐錦棠梁佩瑚及鍾煒喬則會喺《無『恐』不入》中挑戰恐懼，而林芊妤（Coffee》同吳日言等就會喺談兩性關係節目《吾男吾女》中，同樓南光分享兩性相處心得。最後由歐倩怡就會同中醫蔡梓銘喺節目現場挑戰食蟲，帶出食蟲益處。
劇集方面，奇妙電視有套本地自製劇《100天 Best Before》愛情系列，由鄭融同吳嘉龍等人喺現場分享愛情經歷，其他自製短劇仲有《男人都愛住家飯》及《環島日記之圓夢》。而奇妙電視亦有外購劇，包括話題韓劇《鬼怪—孤單又燦爛的神》、《大力女子都棒順》等，另有林峰同方中信擔正《六扇門》都會播。
http://hk.apple.nextmedia.com/enews/realtime/20170315/56431613[ 此帖被羅力亞在2017-03-16 02:35重新編輯 ]
