• 377閱讀
  • 9回復

招兵買馬已聘百人 亞視謀明年初翻生搶攻OTT [復制鏈接]

上一主題 下一主題
離線羅力亞
 
發帖
117231
好友元
4500
閱讀權限
117340
貢獻值
0
只看樓主 倒序閱讀 使用道具 樓主   發表于: 2017-11-20

亞視真永恆?亞洲電視自去年4月「熄機」後,一直有傳將以OTT(Over The Top)網絡電視形式重現觀眾眼前,但未聞實際行動,惟最新消息稱,亞視已密鑼緊鼓準備於明年初「復活」開台,並已在行內「招兵買馬」約100人,當中不少更是曾任職無綫及英皇的精英,同時廣聘幕後人員在亞視大埔廠房「埋班」籌備節目。OTT市場勢掀起一番惡鬥,有業界看好其發展前景,並指若亞視能製作高質素節目,仍有望突圍。
市傳亞視已聘請約100人,主要來自英皇、無綫及亞視班底,OTT電視平台亦擬開數十條頻道,近日更與製作人開會,為節目籌謀,包括有意復辦《亞洲小姐競選》,又邀約作家陶傑主持輕鬆清談節目,另更傳會開拍劇集,包括洽購後重拍《英雄本色》和《上海灘》,並在大埔廠房添置新器材,為開台作準備。據悉,有前亞視幕後人員如導演及監製等已重返大埔廠房工作。
對於籌組開台的細節,「擔大旗」的資深傳媒人吳雨回應稱,「做嘢要兩手準備。」但因不欲影響法庭判決,「目前未係時候公布公司架構同節目內容」,一切待下月中法庭頒布重組方案後,有結果時會公布。陶傑回覆時承認曾與亞視高層洽談合作辦清談節目,強調現未有詳情,著記者向高層詢問亞視的未來路向。

劉錫賢聞明年初開台
在亞視工作28年的藝人劉錫賢笑言,不時聽聞亞視「翻生」之說,最新消息是有指明年初開台。他又指,今年曾在聚會中與吳雨碰面,引述對方指「我哋開台遲啲搵埋你」,惟當時未有談及開台日期。他認為,現難言亞視開台是否好事,「而家市場變化好大」,要視乎具體計劃及方針,但對藝人則「有著數」,始終多了工作機會。至於會否重返亞視效力,他說要視乎工作性質及檔期。
亞視去年獲星鉑企業有限公司收購,該公司是上市公司協盛協豐控股有限公司的全資附屬公司。昔日任職亞視公關的協盛協豐企業傳訊總監黃守東只稱,公司旗下的亞視項目重組計劃正按程序進行,將適時向公眾公布。
根據資料,協盛協豐其中一名董事鄧漢戈已於去年底,成立8間包含「亞洲電視」名義的新公司,包括亞洲電視藝人管理有限公司、亞洲電視創意媒體有限公司、亞洲電視娛樂集團有限公司、亞洲電視國際有限公司、亞洲電視網絡傳媒有限公司、亞洲電視影視集團有限公司、亞洲電視衛星傳媒有限公司及亞洲電視新媒體集團有限公司,其中亞洲電視新媒體集團有限公司由吳雨擔任行政總裁。

加入OTT市場大勢所趨
現時本港營運OTT網絡電視,不經大氣電波或有線傳送,無需申領廣播牌照,吸引多間公司加入戰場,包括來自美國的「Netflix」、電盈推出手機應用程式(App)「Viu HK」、無綫電視的「myTV super」及美國FOX App「FOX+」等,讓觀眾隨時隨地收看節目,改變「睇電視」的方式。互動市務商會創會會長方保僑對亞視開台表示歡迎,「吳雨不愁人脈,英皇有星協助,要拍劇唔難」,認為亞視不受廣播牌照所限,以及節省傳統電視台運作成本,只要有優質內容登場,全球又有足夠「落地點」,對觀眾具一定吸引力。他又舉例,現時無綫電視看重網上瀏覽量,鮮談收視率,亞視加入OTT市場是大勢所趨。
不過,廣告人曾錦強稱,亞視加入OTT市場對業界影響不大,因現已有不少OTT平台,仍要視乎亞視能否真正「脫胎換骨」,如班底或節目有否叫座力才吸引到廣告客戶。

https://www.am730.com.hk/news/新聞/招兵買馬已聘百人-亞視謀明年初翻生搶攻ott-104313
離線羅力亞
發帖
117231
好友元
4500
閱讀權限
117340
貢獻值
0
只看該作者 1  發表于: 2017-11-20
亞視永恆
在線freezefox
發帖
230748
好友元
711281
閱讀權限
230750
貢獻值
13
只看該作者 2  發表于: 2017-11-21
仲黎?!


YFF 已死!!這是 Fantrax 的新時代!!
發帖
23294
好友元
2636
閱讀權限
23294
貢獻值
1
只看該作者 3  發表于: 2017-11-21
等睇又汁多次
在線freezefox
發帖
230748
好友元
711281
閱讀權限
230750
貢獻值
13
只看該作者 4  發表于: 2017-11-21
回 utadahikaru20 的帖子
utadahikaru20:等睇又汁多次[表情] [表情] [表情]  (2017-11-21 12:55) 

國營電視台無咁易執既。


YFF 已死!!這是 Fantrax 的新時代!!
離線羅力亞
發帖
117231
好友元
4500
閱讀權限
117340
貢獻值
0
只看該作者 5  發表于: 2017-12-17
手機Apps月費盛惠38蚊 無綫班底搞ATV得唔得?
舊年熄機的亞視,將會以手機Apps同OTT平台復活,為咗重生,新亞視搵咗一班無綫班底幕後運作,包括前製作總監吳雨擔任亞視行政總裁、前企業傳訊部副總監曾醒明做亞視對外事務部總監,又有前助理總經理區偉林擔任亞視營運總裁、前製作部總監何麗全做亞視高級顧問,以及前無綫資深監製林嘉穎做亞視製作部總監等等。

之前《蘋果》已經率先爆無綫前總經理陳志雲會倒戈為亞視主持全新《百萬富翁》(新聞連結: http://bit.ly/2iTVWRR ),而亞視除咗《百萬富翁》之外,另一個重頭戲係以超過2000萬買入范冰冰主演的重頭劇《贏天下》香港獨家播映權,同大陸同步播映。
《蘋果》收到可靠消息,亞視鐵定喺下個月29日復播,而嚟緊星期一(18日)亞視喺麗思卡爾頓酒店舉行「亞洲電視數碼媒體有限公司重組啟航暨應用程式啟用儀式」當日開始,亞視個apps會先重播舊節目,到29號先會推出一系列新節目。至於亞視個新模式近似無綫myTV SUPER,有免費同收費,其中手機收費方面,每月月費係38蚊。
據了解,新亞視除咗請嚟陳志雲、朱慧敏同曾華倩過檔做節目之外,重搵咗向海嵐、樂瞳、李麗蕊、蘇珊、陳彥行加盟,而亞視舊將方面,就搵咗劉鍚賢、朱慧珊、張家瑩、馮家俊、車車(張紫櫻)、劉家聰等回歸。
而曾醒明被問到做亞視對外事務部總監時,佢話:「等18號電視台公佈啦。」
https://hk.entertainment.appledaily.com/enews/realtime/article/20171217/57590845


離線Numberson
發帖
26302
好友元
49
閱讀權限
26302
貢獻值
1
只看該作者 6  發表于: 2017-12-17
亞視永恆
離線羅力亞
發帖
117231
好友元
4500
閱讀權限
117340
貢獻值
0
只看該作者 7  發表于: 2017-12-18


離線羅力亞
發帖
117231
好友元
4500
閱讀權限
117340
貢獻值
0
只看該作者 8  發表于: 2017-12-18
【亞視復活】手機App今上架 周一接受註冊 預告「火鳳凰」重生

亞視會永遠都存在!亞視下周一(18日)除會舉行成立典禮,介紹新營運模式、節目內容及藝人陣容,當中皇牌人氣遊戲節目《百萬富翁》將會以全新姿態重現,手機應用程式更提早於今日(16日)提早上架,將經典節目重現。亞視網站顯示,將會「以『火鳳凰』的姿態再次翻起軒轅巨浪,掀開精彩的一頁!」
《香港01》記者成功下載亞視手機程式,惟無法註冊成帳戶,只見有視窗彈出通知「謝謝您!我們將於12月18日中午12點正式開放註冊,到時見! 」

亞視今推出名為「ATV亞洲電視」手機應用程式,當中有介紹其皇牌人氣遊戲節目《百萬富翁》、財經節目《贏家ONLINE》,而程式目錄包括百萬富翁2018、電視、音樂、親子、亞事經典、劇集、KOL、財經節目、運動及直播頻道。

行政總裁吳雨:星期一見

日前有報道指新《百萬富翁》將由商業電台首席智囊、前無綫電視總經理陳志雲倒戈,擔任節目主持。出任新亞視行政總裁的吳雨,也曾在無綫擔任高層,日前接受《香港01》記者查詢時賣關子,僅覆「星期一見」。

預告明年1月展現新廣播形式

亞視網站以《亞洲電視,你的電視,創出娛樂新視野!》為題,指今年亞洲電視數碼媒體重新出發,於12月推出手機應用程式,將經典節目重現;又寫到「 2018年1月份,亞洲電視數碼媒體將會以嶄新的廣播形式,為觀眾提供各種資訊與娛樂結合的多媒體頻道及互動平台,以『火鳳凰』的姿態再次翻起軒轅巨浪,掀開精彩的一頁!」

《香港01》記者成功下載亞視手機程式,惟輸入個人資料後,卻無法登記成帳戶,只見有視窗彈出通知「謝謝您!我們將於12月18日中午12點正式開放註冊,到時見! 」

https://www.hk01.com/港聞/141916/-亞視復活-手機App今上架-周一接受註冊-預告-火鳳凰-重生
離線羅力亞
發帖
117231
好友元
4500
閱讀權限
117340
貢獻值
0
只看該作者 9  發表于: 2017-12-23
亞視無限復活,日前記招上,仲宣佈已購下《英雄本色》版權,將拍攝電視版,仲話會重拍劇集《我和殭屍有個約會》,演員遲啲公佈。

亞視又重拍《殭屍》?

之前又話將《殭屍》版權賣晒俾美國Fox(21世紀福斯)旗下「福斯傳媒集團」?去年3月仲有報道話將重拍,預計拍20集,會斥鉅資做特技化妝,甚至以同一題材開拍電影版,角色方面,除會選用新面孔外,仲會選用大家熟悉的資深演員。嗰陣《蘋果》有問過「況天佑」尹天照拍唔拍,已信基督教既佢斬釘截鐵話唔會拍,反而《我和牧師有個約會》就得!

已經係去年事,到依家都冇聲氣,而且2018年都就到喇,Fox係咪將《殭屍》版權賣番出去呢?大家都好想知。今早,Fox方面終於有一個清楚解釋。

係,發咗聲明,重申Fox唔止仍持有《殭屍》系列共三輯版權,仲溫馨提醒番亞視,佢哋仲有《情陷夜中環》、《肥貓正傳》、《縱横四海》及《我和春天有個約會》等——即係,亞視依家唔單止唔可以約會殭屍,就連Spring都唔可以約。2015年亞視將其資產賣得就賣,包括粵語長片都賣咗俾無綫,記得嗎?除非亞視再出銀彈,買番晒啲版權返嚟啦!

咁啱今日亞視請傳媒入大埔總台探班,新任CEO吳雨對於翻版《殭屍》版權事件就表示:「我頭先講,我哋入嚟時候係好多嘢要跟番晒,我哋睇番個合約,初初我哋睇,佢哋係賣咗好多俾人,無綫又有、HMV蕭定一嗰邊又有、霍士又有,我哋係拎番原來合約嚟睇,我唔知佢哋後邊有冇補充協議,真係唔知。後邊背後真係好混亂,我哋睇過我哋咪屬於我哋囉,咁當然我哋依家都同霍士了解緊,係真係有呢啲問題,冇所謂,咪大家傾囉,合作之嘛拍嘢。」係咪堅持想自己拍番?吳雨話:「大家傾啦。」佢話假若人哋想自己拍,佢哋都冇所謂,因亞視好多經典劇,可以拍過第啲。」

但講到好多經典都賣咗比人,吳雨話:「咪傾囉,蕭定一佢哋都好想同我哋好多合作0架,冇辦法啦,呢個都既成事實,好多經典嘢去咗第二度,相信佢哋都唔想攬住呢啲經典就擺埋佢㗎。難得有人想重拍,又比新意比觀眾,甚至乎我哋《英雄本色》都唔係呢度架啦,自己都可以買到個版權返嚟,其實都好多選擇比大家。我諗呢個係一個美麗的誤會啦,啲合約真係太混亂啦,要清楚番少少。」


[ 此帖被羅力亞在2017-12-23 15:18重新編輯 ]