extra:其實我覺得熱刺掘起既情況同中國當年某部分相似
就係成本控制得非常好, 熱刺隊波有質素但人工相對地低
同當年中國既制造業一樣, 咁樣想唔彈都難啦
但問題係公司有成績 / 隊波有成績 之後員工就會要求更多(加薪,福利)
.......
(2019-05-29 16:18) 
成本控制得好同隊波掘起有咩關係？成本控制得好只係球會財政健康吧了。唔會因為咁係比賽到表現好D 的。成本控制得好可以延長球會既壽命。熱刺既掘起係因為撞正普捷天奴。咁多年黎熱刺都控制得成本好好。但成績就係咁。頂多都係同阿仙奴爭下第四。係搵到普捷天奴後，一手帶起宜家呢隊波。先有今日既成績。但之後要面對既，就正正係成本控制得太好了，好到過左籠。係「公司」「業績」不斷擴大， 盈利不斷創新高既情況下，老細卻仍然古寒唔肯科水！如果老細再係咁諗唔通，咁佢好快就會失去普捷天奴，然後跟手失去埋佢手上班核心球員。然後打回原形。
然後佢繼續控制成本。安心做番排名 5-8 既中遊球隊。
講成本控制仲有邊隊好得過阿仙奴？阿仙奴最光煇個期，成本一樣控制得好好的。但結果呢？熱刺唔變既話，就會走阿仙奴條舊路。
健康既人得到既，只係健康。唔會係世界冠軍的。
當然，曼聯係另一個CASE。其實曼聯一直係成本控制上都一樣做得好出色的。 加上佢係賺大錢既球會，可供運用既資金本來就唔欠缺。班主係衰格，將自己個人欠債全部過哂去球會到。等球會幫佢還債。但不能否認，佢同時係一個老練既生意人。知道投資同回報係成正比的。從來唔會係出錢方面古寒。曼聯先可以年年都億億聲咁買人。薪金失衡係呢一兩年間既事，要調整根本唔難，係咁疑執一執就可以了。最惡劣既情況，大不了FREE走一班唔用既球員，驣空番個薪金結構。唔死得人的。佢仲可以係呢到斤斤計較，就證明佢仲有籌碼可以繼續玩。
不過，如果曼聯任由宜家既情況惡化落去，咁就真係會導致嚴重既收支失衡。帶黎無窮既後患。但正如我之前所講，呢個整體既計劃，唔係一個半個球員既問題。佢唔續HEHE ，但轉個頭又用三十幾萬去簽個 19歲既靚仔。咁證明佢根本都無打算好好調整番本身個薪金結構。情況係唔會有改變的。
