freezefox:我知你有寫去邊。但單單一個富士五湖就可以有超過五十個景點。再將個範圍推闊少少既話，沿住你既行車路線，你隨隨便便都可以搵到一百個景點……
其實，你去旅行既組合絕對係一個關鍵。我開頭仲以為你係兩公婆去。但之後先見到你話一家大細去。咁問題黎啦，所謂既一家大小，係指咩組合呢？兩個大人加一個小朋友？定係帶埋父母一齊去？小朋友幾多歲？呢幾項資料，絕對影響你會選擇咩景點。每段行車路程既長短。舉例，有老人家或小朋友既話，我就唔太贊成你單一車程超過兩個鐘了。最好係每個幾鐘就停一停，搵個景點行下，輕鬆下，再繼續下一個景點。因為困係車到三小時，其實係好辛苦的。尤其對某D 年齡層黎講。
其實我只係簡單問下姐，但你咁問，反而有D似我做緊report比老闆咁，殺我一個措手不及...
我係一家三口，即兩個大人一個BB 一齊去，9月16日出發，9月23日返。坐HK Express 8:45機，抵達成田機場的時間係2:15，連埋過關食lunch，4pm先會取車，預左7/8pm去到輕井澤。中途可能會去搵D野食左先 (例如川越市之類)...
我去旅行的目的係想散下心，因為工人姐姐放大假，我地又唔想留o係香港，所以就一家大細一齊去旅行。另外，太太9 月生日，順便去旅行同佢慶生。而且，即使我得兩個成人去旅行，我都係hea多，我係絕對唔會跑check point。
我個人鍾意食野、睇博物館同坐特色火車 (所以我坐纜車、去宮奇駿博物館)，我太太鍾意shopping(所以揀左兩個outlet比佢買野)。其實我都做左D功課，大致心目中都有個譜想去邊。只係想睇下有冇D隱世好野我冇mark到，如果知道但最後決定唔去都好ah...
你又或者會話，你帶住個B，咁推介的野又有唔同ga 姐。例如，你唔會介紹富士急遊樂場，因為去左都冇野岩玩。但實情富士急遊樂場七月開始免費開放，我唔玩都可以去睇下食下hea下。我想講的係，呢個世界冇所謂岩唔岩你玩的景點，只係有心態上"對唔對"的人。如果蔡欄介紹好野食之前，問你食唔食牛，食幾成熟，鍾意食中菜定西菜...先開機拍個飲食節目，咁就大檸樂了。
另外，另一個我真心想問的問題係，我想o係日本訂生日蛋糕比我太太，想問問大家有冇試過越洋訂蛋糕? 有冇一D出名的餅店可以做埋送貨? 應該要送去河口湖o個頭...[ 此帖被ODIN在2018-06-05 10:48重新編輯 ]
