長文慎入
終於, 成功安全番黎. 諗番呢個trip都幾一波三折
原先係舊年去富良野美瑛(1樓原post), 覺得北海道夏天好正, 所以番香港之後好快就訂埋今年再去一次
睇番record, 係舊年2018年8月訂今年7月. 由於因航貴, d細路又想搭kitty jet, 所以訂左長榮. 埋單計2大3小, 21000, 平因航/港航一大截.
HKG - TPE (0725 - 0910)
TPE - CTS (1010 - 1500)
CTS - TPE (1600 - 1915)
TPE - HKG (2150 - 2345)
今年5月, 長榮爆罷工, 心諗好日唔坐一坐就領野? 心諗仲有成2個月唔怕掛. 一路睇住事態發展, 卒之忍唔住上去佢ticket office問(hotline永遠唔會通, 反而fb messenger會有人覆), 話如果一confirm我地班機會受影響, 會有email通知我地. 長榮網站亦有未來2星期既取消航班.
到出發前2星期, 我地早上0725去台北既機係confirm cancelled, 用messengers同cs傾, 佢offer港航, 最終揼佢要左國泰. 由於回程未有話cancel, 所以keep住先
原先星期日出發, 之前一個星期, 細仔發燒, 即刻睇醫生, 燒左一次, 就無再燒, 心諗應該ok
星期二, 到大仔發燒. ok, 細仔傳染俾佢, 希望兩日搞掂. 即刻睇醫生, 之後幾日亦唔敢四圍去, 專心喺屋企
星期五早上, 輪到個女. 我已經成頭煙, 即刻睇醫生, 個心諗住呢兩日燒完都勉強可以出發掛(ps: 大仔燒左幾日未退燒)
星期六夜晚, 即係臨出發一晚, 細仔再發燒..................
我即刻上網查第一晚酒店附近有無醫生睇, 亦睇定發燒, 發冷, 喉嚨痛等等症狀既日文點寫/講.
凌晨4點, 聽到廁所開燈, 老婆同細仔沖涼. 發緊燒, 仲發冷, 睇住佢身體發冷, 額頭好熱, 個一刻我真係唔敢上機.
沖完涼, 食左藥, 體溫暫時控制住. 我開始同老婆討論點做.
機一定唔上. 亦即意味機票, 酒店, 租車(最貴呢3樣)應該全部total loss, 因為過哂free cancellation. 第一個諗法係可唔可以將成個trip延期, 因為plan左成年, 大家都好想去, 亦唔會total loss.
即刻上hotels.com睇下酒店下個月既availability, 3間酒店, 1間airbnb. airbnb住3晚, 即刻check8月有邊日可以連住3晚, 得2個日期可以, 差價只係港幣200. 之後睇酒店, 先後次序有d就唔到, ok. 用行程就. 最終砌掂左跟番原先既3間酒店同airbnb, 只係先後次序唔同, 我約略睇左自車程, 都係可行
由於3間酒店都係經hotels.com, 即刻打上去cs. 同時間我睇番我地個travel insurance, 有trip cancellation既保障, 我即刻打上去cs
travel insurance個電話係俾國外遇到意外既人打番黎搵support, 我地個case佢handle唔到, 要等辦公時間, 即係無用. 而我自己本身未claim過trip cancellation, 亦無留意呢個term包d乜, 所以唔知有無得賠. 為免totel loss, 所以最好都係推遲成個trip.
hotels.com個cs, 可能凌晨時間關係, 只有英文support. 然後同佢講我地上唔到機, 希望hotels.com幫我地將之前訂好既酒店
轉日子.
由於老婆工作關係, 過去幾年都有用hotels.com幫公司老細訂酒店, 所以佢唔係最普通隻member. 可能因為咁hotels.com幫我地打去酒店傾. (最終到左星期一, 所有酒店同airbnb都confirm哂8月既日子, 我地只係補番差價)
而機票, booking office要8點半先辦公, 我地班機係0725, 為免no show, 我照原定時間入機場去長榮counter. (始終係向長榮買, 雖然我當日應該係搭cx)
去到counter話佢聽我地上唔到機, 希望cancel機票. 心諗最多之後再買, 如果佢話要俾全費都無辦法.
櫃台姐姐睇完我個case, 佢話我最原先既機票係受佢地罷工影響, 所以都係可以
免費cancel. 佢仲hint我去booking office問可唔可以再改, 而唔係cancel左再買
舊年買機票係21000左右, 如果當時7月買8月既機票係29000, 所以如果改到係最好.
番到屋企, 醒起仲有租車, 即刻send email去budget rent a car. 由於之前send過email去問其他野, 所以知道佢地用英文無問題, 而且好快回覆. 講左俾佢地聽我地上唔到機所以當日拎唔到車, 問佢可唔可以改日子(用番酒店個策略), 最終佢地話改唔到, 但佢地offer要我再上tocoo重新book8月, book左之後佢地幫我free of charge cancel7月. 我即刻上網, 好彩仲有same plan, 係貴左少少, confirm booking後send個新reference number俾佢地, 佢地即刻幫我cancel舊booking
之後打上去長榮booking office, 最終係免費將機票由7月改去8月, 因為我地係受工潮影響, 不過8月坐番長榮早上0725 HKG - TPE再駁去日本.
再帶細仔睇醫生, 醫生話係手足口
事後諗番細仔第一次唔係手足口, 係大仔先口足手, 傳染俾家姐, 再傳俾細佬 Orz
星期一辦公時間打去insurance agent問, 先確認如果我地無上機, 係claim到的. 之後我地亦成功揼佢補番差價俾我地.
到了再一次臨出發, 發生811, 812機場衝突. 由於我816出發, 好驚又上唔到機, 最終打去長榮再改(俾cs寸, 佢話喺system見到我地改左好多次
), 早一日815下午先去台北, 住一晚816先去北海道. 當時我考慮過喺澳門機場早一日飛台北
結果無穿無爛番到黎, 要還神.
結論:
travel insurance一定要買, 2大3小10日$600幾蚊, 如果真係因病上唔到機, 可以拎番所有機票酒店租車錢(我地個plan一個人ceiling claim係USD20000). 同埋因病上唔到機係真係會發生
租車都係搵大公司好d, 我記得舊年搵當地細租車公司, email溝通都有問題, 唔好話要短時間傾到仲要教埋我點做.
[ 此帖被myrmidon在2019-08-29 13:41重新編輯 ]
