電話影D相係heic, 轉番jpg後又要resize細過1Mb先upload到
呢次去北海道係第一次2拖3, 細仔3歲未夠, 出發前都唔少人叫我地小心D睇住D細路, 去完之後又唔係想像中咁難, 係lehea, 但都manage到.
最開心班細路, 我同太太見佢地咁開心都好滿足
Day 1
落機, 羅車, 開車去民宿
落機後, 搵個巴士站等租車公司都唔難的
拎左車出發, 過程都好順利, GPS 係日文, 轉左做中文都無乜大幫助, 最主要係語音轉左普通話
接近下午5點, 到左原定的道央自動車道輪厚休息站, 好彩有野食, 班細路喺機上食左少少野, 就捱餓到依家
之後同太太商量, 我話之後可以停多一個休息站, 再去民宿, 但考慮到已經5-6點, 所以決定盡快去.
到達後差不多7點半, 屋主夫婦好好人, 好helpful, 正當我搵個passport出黎checkin嗰陣, 發現連同我個國際駕駛執照唔見左!!!!!!!!!!!!!
即刻諗起可能係喺租車公司佢影印我passport同駕照時漏底左, 好彩屋主英文溝通無問題, 佢知道情況後即刻幫我打去租車公司問有無見到, 搵到後租車公司用宅急便送黎東川民宿. ,但最快要後天早上.
我話我聽日要開車, 俾警察捉會好麻煩, 咁啱我passport有softcopy, 佢print左出黎, 用日文, 英文寫低我個情況, 話寄緊過來, 有咩事打俾民宿屋主.
突然醒起, 原先諗住食晚飯既地方好似收8點. 可能東川町本身唔多人, 屋主二話不說打去餐館, 話我地5分鐘到, 問可唔可以招待埋我地, 然後即刻帶我地出發.
間餐館係好傳統既日本居酒屋咁, 有廂房, 有好多煙灰缸, 但無煙味. 屋主等埋我地點餐先離開, 講真真係好多謝佢地.
折騰左一日, 快快趣趣上床瞓覺
[ 此帖被myrmidon在2018-08-02 16:34重新編輯 ]
