freezefox:我打咁大段野，寫得咁清楚。你有心扮睇唔到，有心避左個問題唔答。我都無你符架。
.......
你上面講既野，基本上同我地講既，九成九一樣。唯一一樣有機會唔同的，就只有「話李卓人冇中產票，應該要搵後生仔出選o個D」你係持相反意見的。但即係點呢？
ODIN按：我真係冇持相反意見，我只係抗拒選後先走出黎講我一早知點點點。然後，你就循住我反對呢個statement的方向無限幻想你反對呢個講法，但你既結論係咩呢？可以有兩個不同結論：
1。搵後生仔出黎選一樣，無分別！都係輸哂！一開始，搵邊個選都無分別，都係死路一條！
2。搵李卓人出黎選係正確的！今次輸，罪不在李卓人，而係XXXXXXXXXXX（請詳細論述）。
呢個就係我所謂，一味用反問句反問人地，但又從來唔講自己有咩睇法既最大毛病。
ODIN按: 咁前題都錯左，呢句我仲要唔要跟進落去? (黑人問號) 再者，「一味用反問句反問人地，但又從來唔講自己有咩睇法既最大毛病。」反問其實又有咩問題? 反問法係一種修辭技巧，https://zh.wikipedia.org/wiki/%E5%8F%8D%E5%95%8F 話「形式上反問句是疑問句，可是問者並不期待讀者卅聆聽者回答，因為它的答案都相當顯然。」你唔鍾意人地一味用反問，並唔等於反問既本質有毛病。最無癮既討論。你唔認同我既講法。無問題，好正常。咁你講出你既睇法囉。大家討論下。雖然幾乎肯定九成九係無結論。但討論之間，至少都可以聽到另一個睇法，另一D 諗法。但一味反問，你答完一個，佢又再反問一次。不斷的反問，除左不斷既質疑你之外，卻由頭到尾都無講過自己既睇法或立場或建議，呢樣真係最無聊。
ODIN按: o係你跳出黎回我之前，我有反問過你咩? 我尊重你的睇法，但係，好似一直都唔係好關你事。我反問羅版，而回覆的時候佢都有話自己有D事後孔明。我反問幪三，佢最後都講覺得李卓人責任大D，咁又有冇出現不斷既質疑? 事實咪就係冇lor 你抗拒馬後炮，但卻唔願意提出你既真知卓見。咁其實咪又係另一種馬後炮。
好喇，麻煩你解釋下，抗拒馬後炮又如何因為唔願意提出你既真知卓見而成為另一種馬後炮?
