黎緊12月聖誔會去澳洲玩。日子係22/12 - 01/01!
去程我地21號晚飛,22號朝早就會到達布里斯本。會留係布里斯布玩至少三幾日。暫時我知到有一兩個動物園、華納影城、一兩個水上樂園可以去。仲有黃金海岸都好似係附近。未有認真PLAN 行程。
回程1月1日朝早。係悉尼走人。晨咁早機(積分換番黎既,差唔多架啦)。所以基本上,31號晚睇完倒數煙花。恰一陣就要搭車去機場走人了。
問題來了。原本係打算去塔斯曼尼亞玩的。但跟手發現,原來布里斯本個一帶都好多野岩小朋友、年青人玩。所以諗住變一變個行程,一直由布里斯本玩落去,自駕遊,直踩悉尼。留係悉尼一兩日就夠了。倒數完走人。簡簡單單。
但收集資料既時候先發現,原來12月既布里斯本、悉尼,都算係雨季(夏季)。擔心會成日落雨。相反,塔斯曼尼亞既12月天氣非常宜人!又岩自駕遊。又有薰衣草!又可以避開聖誕假期既人潮(唔係話個邊無人,但地方大,應該無布里斯本、悉尼個邊咁多人掛……)。於是,又打算中間抽五日搭程內陸機飛一轉塔斯曼尼亞。宜家都仲係十五十六。未決定點好。機票都未買的。
大家可否比下意見我呢?我知羅版係澳洲住過。巴迪高直頭宜家係澳洲定居。希望可以拎多少少資料參考下。
@羅力亞 @Icebati